ವೊಡಾಫೋನ್ ಐಡಿಯಾ ₹237, ₹337 ಎರಡು ಹೊಸ ಪ್ರಿಪೇಯ್ಡ್ ಪ್ಲ್ಯಾನ್‌ ಲಾಂಚ್:‌ ಏನಿದರ ವಿಶೇಷತೆ?

ರಿಲಯನ್ಸ್ ಜಿಯೋ ಮತ್ತು ಏರ್‌ಟೆಲ್ ನಂತರ, ಟೆಲಿಕಾಂ ಆಪರೇಟರ್ ವೊಡಾಫೋನ್ ಐಡಿಯಾ ಈಗ 30 ಮತ್ತು 31 ದಿನಗಳ ಮಾನ್ಯತೆಯೊಂದಿಗೆ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ.

Vodafone Idea Prepaid Plans: ರಿಲಯನ್ಸ್ ಜಿಯೋ ಮತ್ತು ಏರ್‌ಟೆಲ್ ನಂತರ, ಟೆಲಿಕಾಂ ಆಪರೇಟರ್ ವೊಡಾಫೋನ್ ಐಡಿಯಾ ಈಗ 30 ಮತ್ತು 31 ದಿನಗಳ ಮಾನ್ಯತೆಯೊಂದಿಗೆ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ. ಮಾಸಿಕ ಯೋಜನೆಗಳು ಸಾಮಾನ್ಯವಾಗಿ 28-ದಿನದ ಮಾನ್ಯತೆಯನ್ನು ಮಾತ್ರ ನೀಡುತ್ತವೆ, ಆದರೆ ಟ್ರಾಯ್ (TRAI)ನ ಇತ್ತೀಚಿನ ಆದೇಶದ ಪ್ರಕಾರ, ಟೆಲಿಕಾಂ ಆಪರೇಟರ್‌ಗಳು 30 ದಿನಗಳ ಮಾನ್ಯತೆಯೊಂದಿಗೆ ಕನಿಷ್ಠ ಒಂದು ಯೋಜನೆಯನ್ನು ಮತ್ತು ಪ್ರತಿ ತಿಂಗಳ ಅದೇ ದಿನಾಂಕದಂದು ನವೀಕರಿಸಬಹುದಾದ ಮಾಸಿಕ ನವೀಕರಣ ಯೋಜನೆಯನ್ನು ನೀಡಬೇಕಾಗುತ್ತದೆ.‌ 

ಪ್ರತಿ ತಿಂಗಳು ಒಂದೇ ದಿನಾಂಕದಂದು ನವೀಕರಿಸುವ ಯೋಜನೆಗಳನ್ನು ಕ್ಯಾಲೆಂಡರ್ ತಿಂಗಳ ವ್ಯಾಲಿಡಿಟಿ (Calendar Month Validity)  ಯೋಜನೆಗಳು ಎಂದು ಕರೆಯಲಾಗುತ್ತದೆ. ನೀವು ಕ್ಯಾಲೆಂಡರ್ ತಿಂಗಳ ಪ್ರಿಪೇಯ್ಡ್ ಯೋಜನೆಯನ್ನು ಆರಿಸಿಕೊಂಡರೆ, ನಿಮ್ಮ ಸಂಖ್ಯೆಯನ್ನು ತಿಂಗಳಿಗೆ ಒಂದೇ ಬಾರಿಗೆ ರೀಚಾರ್ಜ್ ಮಾಡಬಹುದು. 

Vodafone Idea Rs 327 Plan: ವೋಡಾಫೋನ್‌ ಐಡಿಯಾ ರೂ 327 ಪ್ರಿಪೇಯ್ಡ್ ಯೋಜನೆಯು 30 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಇದು ದಿನಕ್ಕೆ 100 ಎಸ್‌ಎಮ್‌ಎಸ್ ಜೊತೆಗೆ ಒಟ್ಟು 25GB ಡೇಟಾ ನೀಡುತ್ತದೆ. ಅದರೊಂದಿಗೆ, ಪ್ರಿಪೇಯ್ಡ್ ಯೋಜನೆಯು ಅನಿಯಮಿತ ಧ್ವನಿ ಕರೆಗಳನ್ನು ಮತ್ತು Vi Movies and TVಯ ಉಚಿತ ಚಂದಾದಾರಿಕೆಯನ್ನು ನೀಡುತ್ತದೆ. 

ಇದನ್ನೂ ಓದಿ: Paytm Book Now, Pay Later: IRCTCಯಲ್ಲಿ ರೈಲು ಟಿಕೆಟ್‌ ಬುಕ್ ಮಾಡಿ, ತಿಂಗಳ ನಂತರ ಪಾವತಿಸಿ!

ಪ್ರಿಪೇಯ್ಡ್ ಯೋಜನೆಯು ದೀರ್ಘಾವಧಿಯ ವ್ಯಾಲಿಡಿಟಿಯನ್ನು ನೀಡುತ್ತದೆಯಾರೂ, ಇದು ದೈನಂದಿನ ಡೇಟಾ ಪ್ರಯೋಜನಗಳನ್ನು ಒದಗಿಸುವುದಿಲ್ಲ. ಚಂದಾದಾರರು ಒಟ್ಟು 25GB ಡೇಟಾವನ್ನು ಪಡೆಯುತ್ತಾರೆ, ಇದು ಒಂದು ತಿಂಗಳಿಗೆ ಸಾಕಾಗುತ್ತದೆ. ಆದರೆ ನೀವು ಭಾರೀ ಬಳಕೆದಾರರಾಗಿದ್ದರೆ, ದೈನಂದಿನ ಡೇಟಾ ಪ್ರಯೋಜನಗಳನ್ನು ನೀಡುವ ಪ್ರಿಪೇಯ್ಡ್ ಯೋಜನೆಗಳನ್ನು ಆಯ್ಕೆ ಮಾಡಬಹುದು.

Vodafone Idea Rs 337 Plan: ವೊಡಾಫೋನ್ ಐಡಿಯಾ ನೀಡುವ 337 ಪ್ರಿಪೇಯ್ಡ್ ಯೋಜನೆಯು 31 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಪ್ರಿಪೇಯ್ಡ್ ಯೋಜನೆಯು ದಿನಕ್ಕೆ 100 ಎಸ್‌ಎಮ್‌ಎಸ್ ಜೊತೆಗೆ 28GB ವರೆಗಿನ ಒಟ್ಟು ಡೇಟಾ ಪ್ರಯೋಜನವನ್ನು ನೀಡುತ್ತದೆ. ಅದರೊಂದಿಗೆ, ಪ್ರಿಪೇಯ್ಡ್ ಯೋಜನೆಯು ಅನಿಯಮಿತ ಧ್ವನಿ ಕರೆಗಳನ್ನು ಮತ್ತು Vi Movies and TVಯ ಉಚಿತ ಚಂದಾದಾರಿಕೆಯನ್ನು ನೀಡುತ್ತದೆ. ಈ ಪ್ರಿಪೇಯ್ಡ್ ಯೋಜನೆಯು ದೈನಂದಿನ ಡೇಟಾ ಪ್ರಯೋಜನಗಳನ್ನು ನೀಡುವುದಿಲ್ಲ, ಇದು ಕೆಲವು ಬಳಕೆದಾರರಿಗೆ ನಿರಾಶಾದಾಯಕವಾಗಿರಬಹುದು.

ರಿಲಯನ್ಸ್ ಜಿಯೋ ಒಂದು ತಿಂಗಳ ಪ್ರಿಪೇಯ್ಡ್ ಯೋಜನೆ: ರಿಲಯನ್ಸ್ ಜಿಯೋ ಕೂಡ ಒಂದು ತಿಂಗಳ ವ್ಯಾಲಿಡಿಟಿಯ ಯೋಜನೆಯನ್ನು ಪರಿಚಯಿಸಿದೆ. ರಿಲಯನ್ಸ್ ಜಿಯೋ  259 ರೂ. ಪ್ರಿಪೇಯ್ಡ್ ಯೋಜನೆಯು ದಿನಕ್ಕೆ 1.5GB ಡೇಟಾವನ್ನು ನೀಡುತ್ತದೆ. ಒಮ್ಮೆ ನೀವು ದೈನಂದಿನ ಡೇಟಾ ಪ್ರಯೋಜನವನ್ನು ಖಾಲಿ ಮಾಡಿದರೆ, ನೀವು 64kbps ವೇಗದಲ್ಲಿ ಇಂಟರ್ನೆಟ್ ಬ್ರೌಸ್ ಮಾಡಬಹುದು. 

ದೈನಂದಿನ ಡೇಟಾ ಪ್ರಯೋಜನಗಳ ಜೊತೆಗೆ, ರಿಲಯನ್ಸ್ ಜಿಯೋ ಯೋಜನೆಯು ಅನಿಯಮಿತ ಧ್ವನಿ ಕರೆಗಳನ್ನು ಸಹ ನೀಡುತ್ತದೆ. ನೀವು ದಿನಕ್ಕೆ 100 ಎಸ್‌ಎಮ್‌ಎಸ್  ಮತ್ತು ಜಿಯೋ ಅಪ್ಲಿಕೇಶನ್‌ಗಳಿಗೆ ಚಂದಾದಾರಿಕೆಯನ್ನು ಸಹ ಪಡೆಯುತ್ತೀರಿ. ಯೋಜನೆಯು ಒಂದು ತಿಂಗಳ ಮಾನ್ಯತೆಯೊಂದಿಗೆ ಬರುತ್ತದೆ ಮತ್ತು ಪ್ರತಿ ತಿಂಗಳ ಕೊನೆಯಲ್ಲಿ ನವೀಕರಣಗೊಳ್ಳುತ್ತದೆ.

ಇದನ್ನೂ ಓದಿ: OnePlus 10 Pro Review: ಸುಧಾರಿತ ಕ್ಯಾಮೆರಾ, ವೇಗದ ಕಾರ್ಯಕ್ಷಮತೆ, ಆದರೆ ನಿರಾಶಾದಾಯಕ ವಿನ್ಯಾಸ?

ಏರ್‌ಟೆಲ್ ಒಂದು ತಿಂಗಳ ಪ್ರಿಪೇಯ್ಡ್ ಯೋಜನೆಗಳು: ಜಿಯೋ ಹಾಗೂ ವೋಡಾಫೋನ್‌ ಐಡಿಯಾ ಮಾದರಿಯಲ್ಲೇ ಏರ್‌ಟೆಲ್ ಕೂಡ ಒಂದು ಸಂಪೂರ್ಣ ತಿಂಗಳ ಮಾನ್ಯತೆಯೊಂದಿಗೆ ಪ್ರಿಪೇಯ್ಡ್ ಯೋಜನೆಗಳನ್ನು ಘೋಷಿಸಿದೆ. ಏರ್‌ಟೆಲ್ ರೂ 296 ಮತ್ತು ರೂ 310 ಬೆಲೆಯ ಎರಡು ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ

ಏರ್‌ಟೆಲ್ ಪ್ರಿಪೇಯ್ಡ್ ಪ್ಲಾನ್‌ನ ಬೆಲೆ 296 ರೂ. ಪ್ರಿಪೇಯ್ಡ್ ಪ್ಲಾನ್ ಒಟ್ಟು 25GB ಡೇಟಾ ನೀಡುತ್ತದೆ, ಡೇಟಾ ಖಾಲಿಯಾದ ಬಳಿಕ ಬಳಕೆದಾರರಿಗೆ ಪ್ರತಿ MB ಗೆ 50 ಪೈಸೆ ವಿಧಿಸಲಾಗುತ್ತದೆ. ಯೋಜನೆಯು ಅನಿಯಮಿತ ಕರೆಗಳು ಮತ್ತು ದಿನಕ್ಕೆ 100 ಎಸ್‌ಎಮ್‌ಎಸ್‌ಗಳನ್ನು ಸಹ ನೀಡುತ್ತದೆ. ಸಾಮಾನ್ಯ ಪ್ರಯೋಜನಗಳ ಜೊತೆಗೆ, ಈ ಯೋಜನೆಯು ಅಮೆಝಾನ್‌ ಪ್ರೈಮ್ ವೀಡಿಯೊಗಳ ಮೊಬೈಲ್ ಆವೃತ್ತಿಯ 30-ದಿನಗಳ ಉಚಿತ ಟ್ರಯಲ್, ಅಪೊಲೊ 24/7 ಸರ್ಕಲ್ 3-ತಿಂಗಳು, ಶಾ ಅಕಾಡೆಮಿ ತರಗತಿಯೊಂದಿಗೆ ಫಾಸ್ಟ್‌ಟ್ಯಾಗ್‌ನಲ್ಲಿ ರೂ 100 ಕ್ಯಾಶ್‌ಬ್ಯಾಕ್ ಮತ್ತು ಏರ್‌ಟೆಲ್ ವಿಂಕ್ ಮ್ಯೂಸಿಕ್ ಮತ್ತು ಹಲೋ ಟ್ಯೂನ್‌ಗಳನ್ನು ಸಹ ನೀಡುತ್ತದೆ. ಇವೆಲ್ಲವೂ 30 ದಿನಗಳ ನಿಖರವಾದ ವ್ಯಾಲಿಡಿಟಿಯಂದಿಗೆ ಬರುತ್ತವೆ.

ಮತ್ತೊಂದು ಪ್ರಿಪೇಯ್ಡ್ ಪ್ಲಾನ್ ಬೆಲೆ 310 ರೂ. ಈ ಯೋಜನೆಯು 30 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಇದು ದಿನಕ್ಕೆ 2GB ದೈನಂದಿನ ಡೇಟಾವನ್ನು ನೀಡುತ್ತದೆ, ಆದ್ದರಿಂದ ಬಳಕೆದಾರರು ಸಾಮಾನ್ಯವಾಗಿ ತಿಂಗಳಿಗೆ ಅನುಗುಣವಾಗಿ 56GB ಬದಲಾಗಿ 62GB ಡೇಟಾವನ್ನು ಪಡೆಯುತ್ತಾರೆ. ರೂ 296 ಪ್ಲಾನ್‌ನಂತೆಯೇ, ರೂ 310 ಯೋಜನೆಯು ಅಮೆಜಾನ್ ಪ್ರೈಮ್ ವೀಡಿಯೊಗಳ ಮೊಬೈಲ್ ಆವೃತ್ತಿಯ 30-ದಿನದ ಉಚಿತ ಟ್ರಯಲ್ ನೀಡುತ್ತದೆ, ಶಾ ಅಕಾಡೆಮಿ ತರಗತಿ,  ಫಾಸ್ಟ್‌ಟ್ಯಾಗ್‌ನಲ್ಲಿ ರೂ 100 ಕ್ಯಾಶ್‌ಬ್ಯಾಕ್ ಮತ್ತು ಏರ್‌ಟೆಲ್ ವಿಂಕ್ ಮ್ಯೂಸಿಕ್ ಮತ್ತು ಹಲೋ ಟ್ಯೂನ್‌ಗಳನ್ನು ಸಹ ನೀಡುತ್ತದೆ.