"ಸ್ನ್ಯಾಪ್'ಚಾಟ್" ಆ್ಯಪ್'ಗೆ ಪ್ರತಿಯಾಗಿ ಫೇಸ್ಬುಕ್ ಈ ಹೊಸ ಆ್ಯಪನ್ನು ಅಣಿಗೊಳಿಸಿದೆ.
ನವದೆಹಲಿ(ಅ. 30): ಫೇಸ್ಬುಕ್ ಸಂಸ್ಥೆಯು ಹದಿಹರೆಯದವರಿಗೆಂದೇ ತಯಾರಿಸಿದ "ಲೈಫ್'ಸ್ಟೇಜ್" ಎಂಬ ಆ್ಯಪ್ ಇನ್ಮುಂದೆ ಆ್ಯಂಡ್ರಾಯ್ಡ್ ಫೋನ್'ಗೂ ಲಭ್ಯವಿರಲಿದೆ. ಎರಡು ತಿಂಗಳ ಹಿಂದೆ ಐಫೋನ್'ಗೆ ಈ ಆ್ಯಪನ್ನು ಬಿಡುಗಡೆ ಮಾಡಲಾಗಿತ್ತು. ಅಲ್ಲಿ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿದ್ದರಿಂದ ಆ್ಯಂಡ್ರಾಯ್ಡ್ ವರ್ಷನ್'ನ "ಲೈಫ್ ಸ್ಟೇಜ್" ಆ್ಯಪ್ ಸಿದ್ಧಗೊಳಿಸಿ ಬಿಡುಗಡೆ ಮಾಡಲಾಗಿದೆ. ಈಗಾಗಲೇ ಖ್ಯಾತವಾಗುತ್ತಿರುವ "ಸ್ನ್ಯಾಪ್'ಚಾಟ್" ಆ್ಯಪ್'ಗೆ ಪ್ರತಿಯಾಗಿ ಫೇಸ್ಬುಕ್ ಈ ಹೊಸ ಆ್ಯಪನ್ನು ಅಣಿಗೊಳಿಸಿದೆ.
ಏನಿದು ಲೈಫ್'ಸ್ಟೇಜ್ ಆ್ಯಪ್?
21 ವರ್ಷ ಮತ್ತು ಅದಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಮಾತ್ರ ಈ ಆ್ಯಪ್ ಲಭ್ಯವಿರುತ್ತದೆ. ಶಾಲೆ ಮತ್ತು ಕಾಲೇಜು ವಿದ್ಯಾರ್ಥಿಗಳಿಗೆಂದೇ ತಯಾರಿಸಲಾದ ಆ್ಯಪ್ ಇದು. ಇದೊಂದು ರೀತಿ ವಿದ್ಯಾರ್ಥಿಯ ವಿಡಿಯೋ ಡೈರಿ ಇದ್ದಂತೆ. ನೆಚ್ಚಿನ ಹಾಡು, ಬೆಸ್ಟ್ ಫ್ರೆಂಡ್ ಇತ್ಯಾದಿ ಕೆಲ ನಿರ್ದಿಷ್ಟ ಪ್ರಶ್ನೆಗಳಿಗೆ ಉತ್ತರ ನೀಡಿ ವಿಡಿಯೋ ಪ್ರೊಫೈಲ್ ಕ್ರಿಯೇಟ್ ಮಾಡಬಹುದು.