ಜಿಯೋ ಸ್ಲೋ ಆಗಿದೆಯಾ? ಸ್ಪೀಡ್ ಹೆಚ್ಚಿಸುವ ಒಂದು ಸರಳ ಟ್ರಿಕ್ಸ್
ಸಾರಾಂಶ
ಎಪಿಎನ್ ಸೆಟಿಂಗ್'ನಲ್ಲಿ ಕೆಲ ಬದಲಾವಣೆ ಮಾಡುವ ಮೂಲಕ ಜಿಯೋ ಸ್ಪೀಡನ್ನು ಹೆಚ್ಚಿಸಬಹುದಾಗಿದೆ. ಇದರ ವಿಧಾನ ಇಲ್ಲಿದೆ.
ಭಾರತದ ಮೊಬೈಲ್ ಸೇವಾ ಕ್ಷೇತ್ರಕ್ಕೆ ರಿಲಾಯನ್ಸ್ ಜಿಯೋ ಭರ್ಜರಿ ಎಂಟ್ರಿ ಕೊಟ್ಟಿದೆ. ಕೋಟ್ಯಂತರ ಜಿಯೋ ಸಿಮ್'ಗಳು ಮಾರಾಟವಾಗಿವೆ. ವರ್ಷಗಟ್ಟಲೆ ಉಚಿತ ಡೇಟಾದ ಕೊಡುವ ಜಿಯೋದ ಆಫರ್'ಗಳಿಗೆ ಜನರು ಮಾರುಹೋಗಿದ್ದಾರೆ. ಆದರೆ, ಗ್ರಾಹಕರ ಸಂಖ್ಯೆ ಹೆಚ್ಚಾದಂತೆ ಜಿಯೋದ ನೆಟ್ವರ್ಕ್ ಸಮಸ್ಯೆ ಕಾಡುತ್ತಿರುವ ಪ್ರಕರಣಗಳು ಹೆಚ್ಚಿವೆ. ಜಿಯೋ ಹೇಳಿಕೊಂಡಂಥ ಸ್ಪೀಡು ಸಿಗುತ್ತಿಲ್ಲವೆಂಬ ದೂರುಗಳು ಬರುತ್ತಿವೆ. ಜಿಯೋದ ಸ್ಪೀಡು ಹೆಚ್ಚಿಸುವ ಅನೇಕ ವಿಧಾನಗಳು, ಟ್ರಿಕ್'ಗಳು ಎಲ್ಲೆಡೆ ಹರಿದಾಡುತ್ತಿವೆ. ಈ ಹಿನ್ನೆಲೆಯಲ್ಲಿ ಬಹಳ ಸರಳವಾದ ಉಪಾಯವೊಂದನ್ನು ಆರಿಸಿ ಇಲ್ಲಿ ನೀಡಿದ್ದೇವೆ.
ಎಪಿಎನ್ ಸೆಟಿಂಗ್'ನಲ್ಲಿ ಕೆಲ ಬದಲಾವಣೆ ಮಾಡುವ ಮೂಲಕ ಜಿಯೋ ಸ್ಪೀಡನ್ನು ಹೆಚ್ಚಿಸಬಹುದಾಗಿದೆ. ಇದರ ವಿಧಾನ ಇಲ್ಲಿದೆ.
1) ಮೊಬೈಲ್'ನಲ್ಲಿ "ಸೆಟಿಂಗ್ಸ್" ಒತ್ತಿರಿ. ಬಳಿಕ "ಸೆಲೂಲಾರ್ ನೆಟ್ವರ್ಕ್ಸ್" ಅಥವಾ "ಮೊಬೈಲ್ ನೆಟ್ವರ್ಕ್ಸ್"ಗೆ ಹೋಗಿರಿ. ನಂತರ, "ಅಕ್ಸೆಸ್ ಪಾಯಿಂಟ್ ನೇಮ್ಸ್" ಒತ್ತಿರಿ.
2) ಅಲ್ಲಿ ನಿಮಗೆ "ಜಿಯೋ 4ಜಿ" ಎಂಬ ಪ್ರೊಫೈಲ್ ಕಾಣುತ್ತದೆ. ಅದನ್ನು ಒತ್ತಿದರೆ ಹಲವು ಸೆಟಿಂಗ್'ಗಳು ಪ್ರತ್ಯಕ್ಷವಾಗುತ್ತವೆ. ಅಷ್ಟು ಸೆಟ್ಟಿಂಗ್'ಗಳ ಪೈಕಿ ಈ ಕೆಳಕಂಡವನ್ನು ಮಾತ್ರ ಬದಲಿಸಿರಿ.
* ಸರ್ವರ್: www.google.com
* ಅಥೆಂಟಿಕೇಶನ್ ಟೈಪ್: None
* ಎಪಿಎನ್ ಟೈಪ್: ಡೀಫಾಲ್ಟ್
* ಬೇರರ್: LTE
3) ಇದಾದ ನಂತರ ಸೆಟಿಂಗ್ಸ್ ಸೇವ್ ಮಾಡಿರಿ. ನಂತರ ಮತ್ತೊಮ್ಮೆ ಪ್ರೊಫೈಲ್ ಆಯ್ಕೆ ಮಾಡಿರಿ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.