ಮಾರುಕಟ್ಟೆಗೆ ಬಂದ ಲೆನೆವೋ ರೋಲೆಬೆಲ್‌ ಲ್ಯಾಪ್‌ಟಾಪ್‌, 14 ಇಂಚಿನ ಸ್ಕ್ರೀನ್‌ ನಿಮಿಷದಲ್ಲೇ 16 ಇಂಚಿನ ಸ್ಕ್ರೀನ್‌ ಆಗುತ್ತೆ!

ಲೆನೆವೊ, ಲಾಸ್ ವೇಗಾಸ್‌ನಲ್ಲಿ ರೋಲೆಬಲ್ ಲ್ಯಾಪ್‌ಟಾಪ್ ಡಿಸ್‌ಪ್ಲೇ ಅನಾವರಣಗೊಳಿಸಿತು. ಥಿಂಕ್‌ಬುಕ್ ಲ್ಯಾಪ್‌ಟಾಪ್‌ನ ಸ್ಕ್ರೀನ್ 14 ರಿಂದ 16.2 ಇಂಚಿಗೆ ಬದಲಾಗುತ್ತದೆ. ಇಂಟೆಲ್ ಕೋರ್ i7 ಚಿಪ್, 32GB RAM, 1TB SSD ಸ್ಟೋರೇಜ್ ಹೊಂದಿದೆ. ವಿಂಡೋಸ್ 11 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಥಿಂಕ್‌ಬುಕ್ ಪ್ಲಸ್ ಜೆನ್ 6 ಸ್ಟ್ರೆಚ್ OLED ಡಿಸ್ಪ್ಲೇ ಕಮಾಂಡ್ ಮೇರೆಗೆ ವಿಸ್ತರಣೆಯಾಗುತ್ತದೆ. ಇದರ ಬೆಲೆ ಸುಮಾರು 3 ಲಕ್ಷ ರೂಪಾಯಿಗಳು.

ಬೆಂಗಳೂರು (ಏ.15): ಕೈಗೆಟುಕುವ ಬೆಲೆಯಲ್ಲಿ ಲ್ಯಾಪ್‌ಟಾಪ್‌ಗಳನ್ನು ಉತ್ಪಾದನೆ ಮಾಡುವಲ್ಲಿ ದೊಡ್ಡ ಮಟ್ಟದ ಯಶಸ್ಸು ಕಂಡಿರುವ ಲೆನೆವೋ ಲಾಸ್‌ ವೇಗಸ್‌ನಲ್ಲಿ ನಡೆದ ಕನ್ಶುಮರ್‌ ಎಲೆಕ್ಟ್ರಾನಿಕ್‌ ಶೋ(ಸಿಇಎಸ್‌) ಅಲ್ಲಿ ರೋಲೆಬಲ್‌ ಲ್ಯಾಪ್‌ಟಾಪ್‌ ಡಿಸ್‌ಪ್ಲೇಅನ್ನು ಜಗತ್ತಿನ ಎದುರು ಅನಾವರಣ ಮಾಡಿತ್ತು. ಥಿಂಕ್‌ಬುಕ್‌ ಲ್ಯಾಪ್‌ಟಾಪ್‌ನ ಸ್ಕ್ರೀನ್‌ಗಳನ್ನು ನಿಮಿಷದಲ್ಲೇ 14 ಇಂಚಿನ ಡಿಸ್‌ಪ್ಲೇಯಿಂದ 16.2 ಇಂಚಿನ ಡಿಸ್‌ಪ್ಲೇಗೆ ಬದಲಾಗುತ್ತಿತ್ತು.

ಕಳೆದ ಜನವರಿಯಲ್ಲಿ ಅನಾವರಣ ಮಾಡಿದ್ದ ಈ ಲ್ಯಾಪ್‌ಟಾಪ್ಅನ್ನು ಲೆನೆವೋ ಈಗ ಮಾರುಕಟ್ಟೆಗೆ ಪರಿಚಯಿಸಿದೆ. ಜನರು ಇದನ್ನೀಗ ಖರೀದಿ ಮಾಡಲು ಸಾಧ್ಯವಾಗಲಿದೆ. ಹೊಸ ಲ್ಯಾಪ್‌ಟಾಪ್‌ಲ್ಲಿ ಇಂಟೆಲ್‌ ಕೋರ್‌ i7 ಚಿಪ್‌ ಇದ್ದು, 32 ಜಿಬಿ ರಾಮ್‌ ಸ್ಟೋರೇಜ್‌ ಇದೆ. ಅದರೊಂದಿಗೆ 1 ಟಿಬಿವರೆಗೆ ಏರಿಸಬಹುದಾದ ಎಸ್‌ಎಸ್‌ಡಿ ಸ್ಟೋರೇಜ್‌ ಕೂಡ ಇದರಲ್ಲಿದೆ. ವಿಂಡೋಸ್‌ 11 ಅಲ್ಲಿ ಈ ಲ್ಯಾಪ್‌ಟಾಪ್‌ ವರ್ಕ್‌ ಆಗಲಿದೆ ಎಂದು ಕಂಪನಿ ತಿಳಿಸಿದೆ.

ಥಿಂಕ್‌ಬುಕ್ ಪ್ಲಸ್ ಜೆನ್ 6 ಸ್ಟ್ರೆಚ್‌ OLED ಡಿಸ್ಪ್ಲೇಯನ್ನು ಹೊಂದಿದ್ದು, ಇದು ಕಮಾಂಡ್‌ ಮೇರೆಗೆ 14 ಇಂಚುಗಳಿಂದ 16.7 ಇಂಚುಗಳವರೆಗೆ ವಿಸ್ತರಣೆ ಆಗುತ್ತದೆ. ವಿಶೇಷವಾಗಿ ವಿನ್ಯಾಸಗೊಳಿಸಲಾದ ರೋಲಿಂಗ್ ಹಿಂಜ್ ಮತ್ತು ವಿಸ್ತರಿಸುವ ಫ್ರೇಮ್‌ನೊಂದಿಗೆ ಲ್ಯಾಪ್‌ಟಾಪ್ ಚಾಸಿಸ್ ಒಳಗೆ ಮತ್ತು ಹೊರಗೆ ಜಾರುವ ಹೊಂದಿಕೊಳ್ಳುವ OLED ಪ್ಯಾನೆಲ್‌ ಇದರಲ್ಲಿದೆ.

ಮೊದಲನೆಯದಾಗಿ ಇದರ ವಿಶೇಷತೆಗೆ ಬರೋದಾದರೆ, ಲೆನೊವೊ ಥಿಂಕ್‌ಬುಕ್ ಪ್ಲಸ್ ಜೆನ್ 6 ಇಂಟೆಲ್ ಕೋರ್ ಅಲ್ಟ್ರಾ 7 ಸರಣಿ 2 ಪ್ರೊಸೆಸರ್‌ನೊಂದಿಗೆ ನಿರ್ಮಾಣವಾಗಿದೆ. ಇದು ವಿಂಡೋಸ್ 11 ಪ್ರೊ ಜೊತೆ ರನ್‌ ಆಗಲಿದೆ. ಇದು ಇಂಟೆಲ್ ಆರ್ಕ್ Xe2 ಗ್ರಾಫಿಕ್ಸ್‌ ಹೊಂದಿದ್ದು ಮತ್ತು 32GB RAM ಮತ್ತು 1TB SSDವರೆಗೆ ಸ್ಟೋರೇಜ್‌ ಸಾಮರ್ಥ್ಯವಿದೆಲ. ಇದು ದೊಡ್ಡ (66-ವ್ಯಾಟ್-ಗಂಟೆ) ಬ್ಯಾಟರಿ, ಡಾಲ್ಬಿ ಅಟ್ಮಾಸ್ ಬಲದೊಂದಿಗೆ ಹರ್ಮನ್ ಕಾರ್ಡನ್ ಸ್ಪೀಕರ್ ಸೆಟಪ್, ವೈರ್‌ಲೆಸ್ ಸಂಪರ್ಕಕ್ಕಾಗಿ ವೈ-ಫೈ 7 ಮತ್ತು ಬ್ಲೂಟೂತ್ 5.4, ಡ್ಯುಯಲ್ ಥಂಡರ್ಬೋಲ್ಟ್ 4 ಪೋರ್ಟ್‌ಗಳು ಮತ್ತು IR ಮತ್ತು ಇ-ಶಟರ್‌ನೊಂದಿಗೆ 5-ಮೆಗಾಪಿಕ್ಸೆಲ್ ವೆಬ್‌ಕ್ಯಾಮ್ ಅನ್ನು ಹೊಂದಿದೆ.

ಇಡೀ ಲ್ಯಾಪ್‌ಟಾಪ್‌ನ ದೊಡ್ಡ ವಿಶೇಷತೆ ಎಂದರೆ, ಒಎಲ್‌ಇಡಿ ಡಿಸ್‌ಪ್ಲೇ. ನೀವು ಮೊದಲುಗೆ ಲ್ಯಾಪ್‌ಟಾಪ್‌ ಓಪನ್‌ ಮಾಡಿದಾಗ ಇದು 14 ಇಂಚಿನ ಸಾಮಾನ್ಯ ಲ್ಯಾಪ್‌ಟಾಪ್‌ನ ರೀತಿ ಕಾಣಿಸುತ್ತದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿರುವ 14 ಇಂಚಿನ ಎಲ್ಲಾ ಲ್ಯಾಪ್‌ಟಾಪ್‌ಗಿಂತ ಬಹಳ ವಿಶೇಷವಾಗಿ ಇದು ಕಾಣುತ್ತದೆ.

ಬೇಸಿಗೆಯಲ್ಲಿ ನಿಮ್ಮ ಲ್ಯಾಪ್‌ಟಾಪ್ ಬಿಸಿಯಾಗ್ತಿದೆಯಾ? ಈ ಸ್ಟೋರಿ ಓದಿ

ಸ್ಥಿರ ಪ್ಯಾನೆಲ್‌ನ ಬದಲಿಗೆ, ಬದಲಿಗೆ, ಇದು ಚಾಸಿಸ್‌ನೊಳಗೆ ಕೆಳಗೆ ಮತ್ತು ಕೆಳಗೆ ಸುತ್ತುವ ಹೊಂದಿಕೊಳ್ಳುವ OLED ಫಲಕವನ್ನು ಹೊಂದಿದೆ. ಒಂದು ಗುಂಡಿಯನ್ನು ಒತ್ತಿದಾಗ  ಅಥವಾ ವೆಬ್‌ಕ್ಯಾಮ್ ಗೆಸ್ಚರ್ ಮಾಡಿದಾಗ ಸ್ಕ್ರೀನ್‌ ವಿಸ್ತರಣೆ ಆಗುತ್ತದೆ. ಇದು 14 ಇಂಚುಗಳಿಂದ 16.7 ಇಂಚುಗಳವರೆಗೆ ಬೆಳೆಯುತ್ತದೆ, ಎತ್ತರದ ಲಂಬ ಆಕಾರ ಅನುಪಾತದೊಂದಿಗೆ ಮೇಲಕ್ಕೆ ವಿಸ್ತರಿಸುತ್ತದೆ. ಇಷ್ಟೆಲ್ಲ ಇದ್ದರೂ, ಈ ಲ್ಯಾಪ್‌ಟಾಪ್‌ ಕೇವಲ 0.78 ಇಂಚು ದಪ್ಪವಾಗಿದೆ. ಅದಕ್ಕಿಂತ ಮುಖ್ಯವಾಗಿ 3.73 ಪೌಂಡ್‌ ಅಷ್ಟೇ ತೂಗುತ್ತದೆ.

ಬೆಲೆ ಎಷ್ಟು: ಲೆನೆವೋ ತನ್ನ ಮಾತಿನಲ್ಲಿ ಮೊದಲ ತ್ರೈಮಾಸಿಕದಲ್ಲೇ ಇದನ್ನು ಮಾರುಕಟ್ಟೆ ಪರಿಚಯಿಸಿದ್ದು, 3499 ಯುಎಸ್‌ ಡಾಲರ್‌  ಅಂದರೆ 3 ಲಕ್ಷ ರೂಪಾಯಿಗೆ ಇದು ಲಭ್ಯವಿದೆ.