ಭಾರತ ಸೇರಿದಂತೆ ವಿಶ್ವದ 91 ರಾಷ್ಟ್ರಗಳ ಐಫೋನ್ ಯೂಸರ್‌ಗಳು ಸಂಭಾವ್ಯ ಸ್ಪೈವೇರ್ ದಾಳಿಗೆ ತುತ್ತಾಗಿದ್ದಾರೆ ಎಂದು ಆಪಲ್ ಎಚ್ಚರಿಕೆ ನೀಡಿದೆ. ಕಂಪನಿಯು ಈ ಹಿಂದೆ ಭಾರತೀಯ ರಾಜಕಾರಣಿಗಳಿಗೆ ಇದೇ ರೀತಿಯ ಎಚ್ಚರಿಕೆಗಳನ್ನು ಕಳುಹಿಸಿತ್ತು.
ನವದೆಹಲಿ (ಏ.11): ಆಪಲ್ ಇತ್ತೀಚೆಗೆ ಭಾರತ ಸೇರಿದಂತೆ 91 ಇತರ ದೇಶಗಳಲ್ಲಿನ ಐಫೋನ್ ಬಳಕೆದಾರರಿಗೆ ಎಚ್ಚರಿಕೆಗಳನ್ನು ಕಳುಹಿಸಿದೆ. ಇಸ್ರೇಲ್‌ನ ಎನ್‌ಎಸ್‌ಓ ಗ್ರೂಪ್ ಎಂಬ ಕಂಪನಿಯು ತಯಾರಿಸಿದ ಪೆಗಾಸಸ್ ಅನ್ನು ಒಳಗೊಂಡಂತೆ "ಮರ್ಕೆನರಿ ಸ್ಪೈವೇರ್" ಎಂಬ ಸ್ಪೈವೇರ್‌ನಿಂದ ಅವರ ಐಫೋನ್‌ಗಳು ಸಂಭಾವ್ಯ ದಾಳಿಗೆ ಒಳಗಾಗಿರಬಹುದು ಎಂದು ಕಂಪನಿಯು ಯೂಸರ್‌ಗಳಿಗೆ ಮಾಹಿತಿ ನೀಡಿದೆ. ಕಳೆದ ಅಕ್ಟೋಬರ್‌ನಲ್ಲಿ, ಅವರು ಭಾರತದ ವಿವಿಧ ಪಕ್ಷಗಳ ರಾಜಕಾರಣಿಗಳಿಗೆ ಇದೇ ರೀತಿಯ ಎಚ್ಚರಿಕೆಗಳನ್ನು ಕಳುಹಿಸಲಾಗಿತ್ತ. ಈ ವೇಳೆ ಐಫೋನ್‌ಗಳ ಮೇಲೆ ರಾಜ್ಯ ಪ್ರಾಯೋಜಿತ ಸ್ಪೈವೇರ್ ದಾಳಿ ನಡದಿದೆ ಎಂದು ಆರೋಪಿಸಲಾಗಿತ್ತು.ಆದರೆ, ಈ ಹಂತದಲ್ಲಿ ಪ್ರತಿಕ್ರಿಯೆ ನೀಡಿದ್ದ ಆಪಲ್, ಈ ಹಂತದಲ್ಲಿ ಇದು ಸಂಭಾವ್ಯ ದಾಳಿ ಎಂದು ಹೇಳಲು ಸಾಧ್ಯವಿಲ್ಲ ಎಂದು ಹೇಳಿತ್ತು.
ಇಂಡಿಯನ್ ಎಕ್ಸ್‌ಪ್ರೆಸ್ ವರದಿಯ ಪ್ರಕಾರ. ಈ ವಾರ್ನಿಂಗ್‌ಗಳಲ್ಲಿ ಇಂಥ ದಾಳಿಗೆ ಯಾರನ್ನೂ ದೂಷಣೆ ಮಾಡದೇ ಬಂದಿವೆ. ಎಚ್ಚರಿಕೆಯ ಇಮೇಲ್‌ಗಳನ್ನು ಗುರುವಾರದಂದು 12:30 IST ಕ್ಕೆ ಕಳುಹಿಸಲಾಗಿದೆ. ಎಷ್ಟು ಜನರಿಗೆ ಸಿಕ್ಕಿದೆ ಎಂಬುದು ಸ್ಪಷ್ಟವಾಗಿಲ್ಲ. ಇಮೇಲ್‌ಗಳು ಪೆಗಾಸಸ್ ಸ್ಪೈವೇರ್ ಅನ್ನು ಉಲ್ಲೇಖಿಸಿವೆ ಮತ್ತು ಜನರನ್ನು ಗುರಿಯಾಗಿಸಲು ಜಾಗತಿಕವಾಗಿ ಇದೇ ರೀತಿಯ ಸಾಧನಗಳನ್ನು ಬಳಸಲಾಗುತ್ತಿದೆ ಎಂದು ತಿಳಿಸಿದೆ.
ಈ ಮೇಲ್‌ನಲ್ಲಿರುವ ಸಬ್ಜಕ್ಟ್‌ ಲೈನ್‌ನಲ್ಲಿ, 'ಅಲರ್ಟ್‌: ನಿಮ್ಮ ಐಫೋನ್‌ನನ ಮೇಳೆ ಉದ್ದೇಶಿತ ಮರ್ಕೆನರಿ ಸ್ಪೈವೇರ್ ದಾಳಿಯನ್ನು Apple ಪತ್ತೆಹಚ್ಚಿದೆ' ಎಂದು ತಿಳಿಸಲಾಗಿದೆ. ಈ ದಾಳಿಗಳು ಅಪರೂಪದ ಮತ್ತು ಅತ್ಯಾಧುನಿಕವಾಗಿದ್ದು, ಸಾಕಷ್ಟು ಹಣವನ್ನು ಖರ್ಚು ಮಾಡುತ್ತವೆ ಮತ್ತು ಕೆಲವೇ ಜನರನ್ನು ಗುರಿಯಾಗಿಸಿಕೊಂಡಿವೆ ಎಂದು ಆಪಲ್ ಇಮೇಲ್‌ನಲ್ಲಿ ವಿವರಿಸಿದೆ. ಅಪರಿಚಿತ ಕಳುಹಿಸುವವರ ಲಿಂಕ್‌ಗಳು ಮತ್ತು ಲಗತ್ತುಗಳೊಂದಿಗೆ ಜಾಗರೂಕರಾಗಿರಲು ಅವರು ಬಳಕೆದಾರರಿಗೆ ಸಲಹೆ ನೀಡಿದೆ.
“ನಿಮ್ಮ Apple ID -xxx- ನೊಂದಿಗೆ ಸಂಯೋಜಿತವಾಗಿರುವ iPhone ಮೇಲೆ ಮರ್ಕೆನೆರಿ ಸ್ಪೈವೇರ್‌ನಿಂದ ಸಂಭಾವ್ಯ ದಾಳಿಯಾಗುದೆ ಎಂದು Apple ಪತ್ತೆಹಚ್ಚಿದೆ. ನೀವು ಯಾರು ಅಥವಾ ನೀವು ಏನು ಮಾಡುತ್ತಿದ್ದೀರಿ ಎಂಬ ಕಾರಣದಿಂದಾಗಿ ಈ ದಾಳಿಯು ನಿರ್ದಿಷ್ಟವಾಗಿ ನಿಮ್ಮನ್ನು ಗುರಿಯಾಗಿಸಿಕೊಂಡಿರಬಹುದು. ಅಂತಹ ದಾಳಿಗಳನ್ನು ಪತ್ತೆಹಚ್ಚುವಾಗ ಸಂಪೂರ್ಣ ಖಚಿತತೆಯನ್ನು ಸಾಧಿಸಲು ಎಂದಿಗೂ ಸಾಧ್ಯವಿಲ್ಲವಾದರೂ, ಆಪಲ್ ಈ ಎಚ್ಚರಿಕೆಯಲ್ಲಿ ಹೆಚ್ಚಿನ ವಿಶ್ವಾಸವನ್ನು ಹೊಂದಿದೆ - ದಯವಿಟ್ಟು ಅದನ್ನು ಗಂಭೀರವಾಗಿ ತೆಗೆದುಕೊಳ್ಳಿ, ”ಎಂದು ಇಮೇಲ್‌ನಲ್ಲಿ ಬರೆಯಲಾಗಿದೆ.
"NSO ಗ್ರೂಪ್‌ನಿಂದ ಪೆಗಾಸಸ್ ಅನ್ನು ಬಳಸುವಂತಹ ಮರ್ಕೆನರಿ ಸ್ಪೈವೇರ್ ದಾಳಿಗಳು ಅಸಾಧಾರಣವಾಗಿ ಅಪರೂಪ ಮತ್ತು ಸಾಮಾನ್ಯ ಸೈಬರ್ ಕ್ರಿಮಿನಲ್ ಚಟುವಟಿಕೆ ಅಥವಾ ಗ್ರಾಹಕ ಮಾಲ್‌ವೇರ್‌ಗಿಂತ ಹೆಚ್ಚು ಅತ್ಯಾಧುನಿಕವಾಗಿವೆ. ಈ ದಾಳಿಗಳು ಮಿಲಿಯನ್‌ಗಟ್ಟಲೆ ಡಾಲರ್‌ಗಳನ್ನು ವೆಚ್ಚ ಮಾಡುತ್ತವೆ ಮತ್ತು ವೈಯಕ್ತಿಕವಾಗಿ ಬಹಳ ಕಡಿಮೆ ಸಂಖ್ಯೆಯ ಜನರ ವಿರುದ್ಧ ನಿಯೋಜಿಸಲಾಗಿದೆ' ಎಂದು ಆಪಲ್ ತನ್ನ ಅಲರ್ಟ್‌ ನೋಟಿಸ್‌ನಲ್ಲಿ ತಿಳಿಸಿದೆ.
iPhone 16 Pro Max: ಹೊಸ ಫೋನ್‌ಗಳಲ್ಲಿ ಇರಲಿದೆ ಈ 7 ಪ್ರಮುಖ ಅಪ್‌ಡೇಟ್‌ಗಳು!
ಆಪಲ್ ಅಲರ್ಟ್‌ಗಳನ್ನು ಏಕೆ ಕಳುಹಿಸಲಾಗಿದೆ ಎಂಬುದರ ಕುರಿತು ಹೆಚ್ಚಿನ ವಿವರಗಳನ್ನು ನೀಡಲು ಸಾಧ್ಯವಾಗಲಿಲ್ಲ ಏಕೆಂದರೆ ಇದು ದಾಳಿಕೋರರಿಗೆ ಪತ್ತೆಹಚ್ಚುವಿಕೆಯನ್ನು ತಪ್ಪಿಸಲು ಸಹಾಯ ಮಾಡುತ್ತದೆ. ಗುರಿಯಾಗಬಹುದಾದ ಬಳಕೆದಾರರಿಗೆ ಸಹಾಯ ಮಾಡಲು ಅವರು ತಮ್ಮ ಸಪೋರ್ಟ್‌ ಮೇಜ್‌ಅನ್ನು ಅಪ್‌ಡೇಟ್‌ ಮಾಡಿದೆ.
iPhone 16 Update: ಐಫೋನ್ 16 ಸಿರೀಸ್‌ನ ಮೊಬೈಲ್‌ ಬಗ್ಗೆ ಬಿಗ್ಗೆಸ್ಟ್‌ ನ್ಯೂಸ್‌ ಲೀಕ್‌!