ಫೇಸ್'ಬುಕ್'ನ ಎಕ್ಸ್'ಪ್ರೆಸ್ ವೈಫೈನಿಂದ ಭಾರತದಲ್ಲಿ ಇಂಟರ್ನೆಟ್ ಕ್ರಾಂತಿ ಆಗುತ್ತಾ?
ಸಾರಾಂಶ
ಇಂಟರ್ನೆಟ್ ಸರ್ವಿಸ್ ಪ್ರೊವೈಡರ್ ಸಂಸ್ಥೆಗಳೊಂದಿಗೆ ಫೇಸ್ಬುಕ್ ಒಪ್ಪಂದ ಮಾಡಿಕೊಂಡು ಎಕ್ಸ್'ಪ್ರೆಸ್ ವೈ-ಫೈ ನೀಡಲಿದೆ.
ಬೆಂಗಳೂರು: ಫ್ರೀ ಇಂಟರ್ನೆಟ್ ಎಂಬ ಹೊಸ ಕಾನ್ಸೆಪ್ಟ್'ವೊಂದಿಗೆ ಸುದ್ದಿಯಲ್ಲಿದ್ದ ಫೇಸ್ಬುಕ್ ಈಗ ಹೊಸದೊಂದು ಐಡಿಯಾದೊಂದಿಗೆ ಅಖಾಡಕ್ಕೆ ಇಳಿದಿದೆ. ಫೇಸ್ಬುಕ್'ನ ವೈ-ಫೈ ಸೇವೆ ಭಾರತದಲ್ಲಿ ಪ್ರಾರಂಭವಾಗುವ ಸಾಧ್ಯತೆ ಇದೆ. ಕೆಲ ವರದಿಗಳ ಪ್ರಕಾರ, ಫೇಸ್ಬುಕ್ ಸಂಸ್ಥೆಯು ಭಾರತದ ಹಲವಾರು ಗ್ರಾಮೀಣ ಸ್ಥಳಗಳಲ್ಲಿ ಈ ವೈ-ಫೈ ಸೇವೆಯನ್ನು ಪರೀಕ್ಷಿಸುತ್ತಿದೆ. ಇದು ವರ್ಕೌಟ್ ಆದರೆ, ಶೀಘ್ರದಲ್ಲೇ ದೇಶಾದ್ಯಂತ ವೈ-ಫೈ ಕ್ರಾಂತಿ ನಡೆಯಲಿದೆ ಎಂಬ ಮಾತು ಕೇಳಿಬರುತ್ತಿದೆ.
ಏನಿದು ಎಕ್ಸ್'ಪ್ರೆಸ್ ವೈ-ಫೈ?
ಇಂಟರ್ನೆಟ್ ಸರ್ವಿಸ್ ಪ್ರೊವೈಡರ್ ಸಂಸ್ಥೆಗಳೊಂದಿಗೆ ಫೇಸ್ಬುಕ್ ಒಪ್ಪಂದ ಮಾಡಿಕೊಂಡು ಎಕ್ಸ್'ಪ್ರೆಸ್ ವೈ-ಫೈ ನೀಡಲಿದೆ. ಜನರಿಗೆ ಇದು ಉಚಿತವಾಗಿ ಸಿಗುವುದಿಲ್ಲವಾದರೂ ಈಗಿರುವುದಕ್ಕಿಂತ ಕಡಿಮೆ ಬೆಲೆಯಲ್ಲಿ ಇಂಟರ್ನೆಟ್ ಸೇವೆ ಪಡೆಯಲು ಸಾಧ್ಯವಿದೆ. ಗ್ರಾಮೀಣ ಭಾಗಗಳ ಮೇಲೆ ಹೆಚ್ಚು ಫೋಕಸ್ ಮಾಡುವ ಉದ್ದೇಶವಿದೆಯಾದ್ದರಿಂದ, ಎಕ್ಸ್'ಪ್ರೆಸ್ ವೈ-ಫೈನಿಂದ ಇಂಟರ್ನೆಟ್ ರೀಚ್ ಹೆಚ್ಚಾಗಲಿದೆ. ಇದೇ ವೇಳೆ, ಫೇಸ್ಬುಕ್'ನ ಪ್ರಾಯೋಗಿಕ ಲೇಸರ್ ಡ್ರೋನ್ ಇಂಟರ್ನೆಟ್ ತಂತ್ರಜ್ಞಾನಕ್ಕೂ ಎಕ್ಸ್'ಪ್ರೆಸ್ ವೈ-ಫೈ ಇಂಟರ್ನೆಟ್'ಗೂ ಸಂಬಂಧವಿಲ್ಲವೆಂಬ ಸ್ಪಷ್ಟನೆಯೂ ಕೇಳಿಬಂದಿದೆ. ಈ ಬಗ್ಗೆ ಹೆಚ್ಚಿನ ವಿವರ ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.