ಕೇಂದ್ರದ ವಿರುದ್ಧ ಆನ್ಲೈನ್‌ ಅಭಿಯಾನ!

 ಕೇಂದ್ರ ಗೃಹ ಸಚಿವರ ನೇತೃತ್ವದಲ್ಲಿ ರಚನೆಯಾಗಿರುವ ಸಮಿತಿಗೆ ವಿರೋಧ| ಕೇಂದ್ರದ ವಿರುದ್ಧ ಆನ್ಲೈನ್‌ ಅಭಿಯಾನ

ಬೆಂಗಳೂರು(ಆ.25): ಅಪರಾಧ ಕಾನೂನುಗಳ ಸುಧಾರಣೆ ಸಂಬಂಧ ಕೇಂದ್ರ ಗೃಹ ಸಚಿವರ ನೇತೃತ್ವದಲ್ಲಿ ರಚನೆಯಾಗಿರುವ ಸಮಿತಿಯನ್ನು ವಿರೋಧಿಸಿ ಬೆಂಗಳೂರಿನ ರಾಷ್ಟ್ರೀಯ ಕಾನೂನು ಮಹಾವಿದ್ಯಾಲಯದ ವಿದ್ಯಾರ್ಥಿಗಳು (ಎನ್‌ಎಲ್‌ಎಸ್‌ಐಯು)ಆನ್‌ಲೈನ್‌ನಲ್ಲಿ ಅಭಿಯಾನ ಆರಂಭಿಸಿದ್ದಾರೆ.

ಸಮಿತಿಯಲ್ಲಿ ದಲಿತರು, ಮಹಿಳೆಯರು, ಅಲ್ಪಸಂಖ್ಯಾತರು ಹಾಗೂ ಲೈಂಗಿಕ ಅಲ್ಪಸಂಖ್ಯಾತರು ಸೇರಿದಂತೆ ಸುಧಾರಣೆಗಳು ಯಾರ ಮೇಲೆ ಹೆಚ್ಚು ಪರಿಣಾಮ ಬೀರುತ್ತವೆಯೋ ಆ ಸಮುದಾಯಗಳ ಪ್ರತಿನಿಧಿಗಳಿಗೆ ಅವಕಾಶ ಕಲ್ಪಿಸಿಲ್ಲ. ಕೊರೋನಾ ಹಿನ್ನೆಲೆಯಲ್ಲಿ ಸಮಾಜದ ವಿವಿಧ ವರ್ಗಗಳು ಭಾಗವಹಿಸಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಈ ಕುರಿತು ತಜ್ಞರ ಸಮಾಲೋಚನೆಯನ್ನು ಮುಂದೂಡಲು ಸಹ ಸಮಿತಿಯನ್ನು ಒತ್ತಾಯಿಸಲಾಗಿದೆ ಎಂದು ಅಭಿಯಾನದ ಪ್ರಮುಖ ಸಂಘಟಕ ಡಿ.ಮಂಥನ್‌ ತಿಳಿಸಿದ್ದಾರೆ.

ಈ ಸಂಬಂಧ ವಿದ್ಯಾರ್ಥಿಗಳು ಹಾಗೂ ನಾಗರಿಕರು ಆಕ್ಷೇಪಣೆಗಳಿದ್ದರೆ ಲೀಲ್‌ ಸರ್ವಿಸಸ್‌ ಕ್ಲಿನಿಕ್‌ ಸಂಪರ್ಕಿಸಬಹುದಾಗಿದೆ. ಕಾನೂನು ನೆರವು ಮತ್ತು ಸಮಾಲೋಚನೆಗೆ ಲೀಗಲ್‌ ಸೆಲ್‌ ಮಧ್ಯಸ್ಥಿಕೆ ವಹಿಸುತ್ತದೆ. ಈ ಬಗ್ಗೆ ನೆರವಿಗೆ 7019373502 (ಡಿ.ಮಂಥನ್‌) ಅಥವಾ ಐs್ಚಃ್ಞಜಿs.a್ಚ.ಜ್ಞಿ ಸಂಪರ್ಕಿಸಬಹುದಾಗಿದೆ ಎಂದು ವಿನಂತಿಸಿದ್ದಾರೆ.