ಕೊರೊನಾ ಆತಂಕ ನಿವಾರಣೆಗೆ ಮುಂದಾದ ಸರ್ಕಾರ| ರಾಜ್ಯ ಸರ್ಕಾರದಿಂದ ಟೆಲಿಗ್ರಾಮ್ ಗ್ರೂಪ್| ಟ್ವಿಟರ್ನಲ್ಲಿ ಟೆಲಿಗ್ರಾಮ್ ಗ್ರೂಪ್ ಬಗ್ಗೆ ಸಿಎಂ ಮಾಹಿತಿ| ‘ಕೋವಿಡ್ 19 ಸಹಾಯ ಗ್ರೂಪ್ ’ ಹೆಸರಿನಲ್ಲಿ ಟೆಲಿಗ್ರಾಮ್ ಗ್ರೂಪ್| ಜನರ ಪ್ರಶ್ನೆ, ಆತಂಕ, ದೂರುಗಳಿಗೆ ಸರ್ಕಾರದ ಸ್ಪಂದನೆ
ಬೆಂಗಳೂರು[ಮಾ.17]: ಮಾರಕ ಕೊರೋನಾ ವೈರಸ್ ಜಗತ್ತಿನಾದ್ಯಂತ ಅಟ್ಟಹಾಸ ಮೆರೆಯುತ್ತಿದ್ದು, ಸಾವಿರಾರು ಮಂದಿಯನ್ನು ಬಲಿ ಪಡೆದಿದೆ. ಬಹುತೇಕ ಎಲ್ಲಾ ರಾಷ್ಟ್ರಗಳಿಗೂ ಹರಡಿರುವ ಡೆಡ್ಲಿ ವೈರಸ್ ರಾಜ್ಯದಲ್ಲೂ ಆತಂಕವದ ವಾತಾವರಣ ನಿರ್ಮಿಸಿದೆ. ದೇಶದಲ್ಲಿ ಸೋಂಕಿತರ ಸಂಖ್ಯೆ 120 ದಾಟಿದ್ದು, ರಾಜ್ಯದಲ್ಲಿ 10 ಮಂದಿ ಈ ಸೋಂಕಿನಿಂದ ಪೀಡಿತರಾಗಿದ್ದಾರೆ. ಹೀಗಿರುವಾಗ ಭಯದ ವಾತಾವರಣ ನಿರ್ಮಿಸಿರುವ ಕೊರೋನಾ ಕುರಿತು ಸಾರ್ವಜನಿಕರ ಅನುಮಾನ ನಿವಾರಿಸಲು, ಸೂಕ್ತ ಮಾಹಿತಿ ನೀಡಲು ರಾಜ್ಯ ಸರ್ಕಾರ ಟೆಲಿಗ್ರಾಮ್ ಗ್ರೂಪ್ ಒಂದನ್ನು ಆರಂಭಿಸಿದೆ.
ಹೌದು ಈ ಕುರಿತು ಕರ್ನಾಟಕ ರಾಜ್ಯ ಮುಖ್ಯಮಂತ್ರಿಗಳ ಟ್ವಿಟರ್ ಖಾತೆಯಲ್ಲಿ ಮಹಿತಿ ನೀಡಲಾಗಿದೆ. ಇಲ್ಲಿ ಟೆಲಿಗ್ರಾಂ ಗುಂಪಿನ ಲಿಂಕ್ ಶೇರ್ ಮಾಡಲಾಗಿದ್ದು, 'ಕೊರೊನಾ ಸೋಂಕಿನ ಕುರಿತು ಹೆಚ್ಚಿನ ಮಾಹಿತಿ ಬೇಕಿದೆಯೇ? ಸೋಂಕಿನ ಲಕ್ಷಣದ ಕುರಿತು ಗೊಂದಲ ಅಥವಾ ಅನುಮಾನಗಳಿವೆಯೇ? ಈ ಬಗ್ಗೆ ಯಾರನ್ನು ಕೇಳೋದು, ಯಾರು ಸರಿಯಾದ ಮಾಹಿತಿ ಕೊಡಬಹುದು ಎಂದು ಯೋಚಿಸುತ್ತಿದ್ದೀರಾ? ಹಾಗಿದ್ದರೆ, ಅಧಿಕೃತ ಮಾಹಿತಿಗಾಗಿ ಸಾರ್ವಜನಿಕ ಸಂಪರ್ಕ ಇಲಾಖೆಯ https://t.me/joinchat/Ca7E7kiRtd5MKjcDU5-LUA ಟೆಲಿಗ್ರಾಮ್ ಗ್ರೂಪ್ ಸೇರಿಕೊಳ್ಳಿ.' ಎಂದು ಟ್ವೀಟ್ ಮಾಡಲಾಗಿದೆ.
ಕೊರೊನಾ ಸೋಂಕಿನ ಕುರಿತು ಹೆಚ್ಚಿನ ಮಾಹಿತಿ ಬೇಕಿದೆಯೇ? ಸೋಂಕಿನ ಲಕ್ಷಣದ ಕುರಿತು ಗೊಂದಲ ಅಥವಾ ಅನುಮಾನಗಳಿವೆಯೇ? ಈ ಬಗ್ಗೆ ಯಾರನ್ನು ಕೇಳೋದು, ಯಾರು ಸರಿಯಾದ ಮಾಹಿತಿ ಕೊಡಬಹುದು ಎಂದು ಯೋಚಿಸುತ್ತಿದ್ದೀರಾ? ಹಾಗಿದ್ದರೆ, ಅಧಿಕೃತ ಮಾಹಿತಿಗಾಗಿ ನ https://t.co/qdevMQ8eSy ಟೆಲಿಗ್ರಾಮ್ ಗ್ರೂಪ್ ಸೇರಿಕೊಳ್ಳಿ.
— CM of Karnataka (@CMofKarnataka)ಈಗಾಗಲೇ ಈ ಟೆಲಿಗ್ರಾಂ ಗುಂಪಿಗೆ 890ಕ್ಕೂ ಅಧಿಕ ಮಂದಿ ಸೇರ್ಪಡೆಗೊಂಡಿದ್ದಾರೆ. ಸದ್ಯ ರಾಜ್ಯದಲ್ಲಿ ಏನಾಗುತ್ತಿದೆ? ಎಷ್ಟು ಮಂದಿ ಕೊರೋನಾ ಪೀಡಿತರಿದ್ದಾರೆ? ಕೊರೋನಾ ನಿಯಂತ್ರಿಸಲು ಯಾವೆಲ್ಲಾ ಕ್ರಮಗಳನ್ನು ಕೈಗೊಳ್ಳಬೇಕು ಮೊದಲಾದ ಮಾಹಿತಿ ನೀಡಲಾಗಿದೆ.