ಕೆಎಸ್ಆರ್ಟಿಸಿ ಎಲೆಕ್ಟ್ರಿಕ್ ಬಸ್ಗಳಿಂದ 3 ತಿಂಗಳಿಗೇ ಬರೋಬ್ಬರಿ 4.25 ಕೋಟಿ ಗಳಿಕೆ..!
ಸಾರಾಂಶ
ಒಟ್ಟು 4.25 ಕೋಟಿ ರು. ಆದಾಯ ಬಂದಿದೆ. ಅದರಲ್ಲಿ ವಿರಾಜಪೇಟೆ ಮಾರ್ಗದಿಂದ ಅತಿಹೆಚ್ಚು 1.32 ಕೋಟಿ ರು., ಮಡಿಕೇರಿ ಮಾರ್ಗದಿಂದ 1.26 ಕೋಟಿ ರು., ದಾವಣಗೆರೆ ಮಾರ್ಗದಿಂದ 96.88 ಲಕ್ಷ ರು. ಹಾಗೂ ಚಿಕ್ಕಮಗಳೂರು ಮಾರ್ಗದಿಂದ 70 ಲಕ್ಷ ರು. ಆದಾಯ ಬಂದಿದೆ.
ಬೆಂಗಳೂರು(ಜೂ.24): ಪರಿಸರ ಸಂರಕ್ಷಣೆ, ಡೀಸೆಲ್ ಬಳಕೆ ತಗ್ಗಿಸುವ ಸಲುವಾಗಿ ಕೆಎಸ್ಆರ್ಟಿಸಿ ಆರಂಭಿಸಿದ ಎಲೆಕ್ಟ್ರಿಕ್ ಬಸ್ ಸೇವೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಮೂರು ತಿಂಗಳಲ್ಲಿಯೇ ಕೆಎಸ್ಸಾರ್ಟಿಸಿಗೆ ನಾಲ್ಕು ಮಾರ್ಗಗಳಿಂದ 4.25 ಕೋಟಿ ರು. ಆದಾಯ ಬಂದಿದೆ.
ಕೇಂದ್ರ ಸರ್ಕಾರದ ಫೇಮ್ ಯೋಜನೆ ಅಡಿಯಲ್ಲಿ ಕೆಎಸ್ಆರ್ಟಿಸಿಗೆ ಎಲೆಕ್ಟ್ರಿಕ್ ಬಸ್ಗಳನ್ನು ನೀಡಲಾಗಿದೆ. ಕಳೆದ ಮಾರ್ಚ್ 24ರಿಂದ ಎಲೆಕ್ಟ್ರಿಕ್ ಬಸ್ ಸೇವೆಯನ್ನು ಆರಂಭಿಸಲಾಗಿದೆ. ಸದ್ಯ ಕೆಎಸ್ಆರ್ಟಿಸಿ ಕೇಂದ್ರೀಯ ವಿಭಾಗದಿಂದ ದಾವಣಗೆರೆ, ವಿರಾಜಪೇಟೆ, ಮಡಿಕೇರಿ ಹಾಗೂ ಚಿಕ್ಕಮಗಳೂರಿಗೆ ಬಸ್ ಸೇವೆ ನೀಡಲಾಗುತ್ತಿದೆ. ಕಳೆದ ಮೂರು ತಿಂಗಳಿನಿಂದ ಈ ನಾಲ್ಕು ಮಾರ್ಗಗಳಲ್ಲಿ 95,174 ಪ್ರಯಾಣಿಕರು ಸಂಚರಿಸಿದ್ದಾರೆ.
ಚಿಕ್ಕಮಗಳೂರಿನಿಂದ ಬೆಂಗಳೂರಿಗೆ 6 ಎಲೆಕ್ಟ್ರಿಕ್ ಬಸ್ ಆರಂಭ
ಒಟ್ಟು 4.25 ಕೋಟಿ ರು. ಆದಾಯ ಬಂದಿದೆ. ಅದರಲ್ಲಿ ವಿರಾಜಪೇಟೆ ಮಾರ್ಗದಿಂದ ಅತಿಹೆಚ್ಚು 1.32 ಕೋಟಿ ರು., ಮಡಿಕೇರಿ ಮಾರ್ಗದಿಂದ 1.26 ಕೋಟಿ ರು., ದಾವಣಗೆರೆ ಮಾರ್ಗದಿಂದ 96.88 ಲಕ್ಷ ರು. ಹಾಗೂ ಚಿಕ್ಕಮಗಳೂರು ಮಾರ್ಗದಿಂದ 70 ಲಕ್ಷ ರು. ಆದಾಯ ಬಂದಿದೆ.
ಎಲೆಕ್ಟ್ರಿಕ್ ಬಸ್ಗಳು ಈವರೆಗೆ 6 ಲಕ್ಷ ಕಿಮೀ ಸಂಚರಿಸಿದ್ದು, ಪ್ರತಿ ಕಿಮೀಗೆ ಕೆಎಸ್ಸಾರ್ಟಿಸಿ 71 ರು. ಆದಾಯ ತಂದುಕೊಟ್ಟಿವೆ. ಅದರ ಜತೆಗೆ ಡೀಸೆಲ್ಗೆ ಮಾಡಲಾಗುತ್ತಿದ್ದ ವೆಚ್ಚವು ಉಳಿತಾಯವಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ