2020ರ ಟೋಕಿಯೋ ಒಲಿಂಪಿಕ್ಸ್ ಅಧಿಕೃತ ಲಾಂಛನ ಅನಾವರಣ
ಸಾರಾಂಶ
ಟೋಕಿಯೋ ಒಲಿಂಪಿಕ್ಸ್ನ ಲಾಂಛನವನ್ನು ನೀಲಿವರ್ಣದಿಂದ ರೂಪಿಸಲಾಗಿದ್ದು, ಇದಕ್ಕೆ ‘ಮಿರೈಟೊವಾ’ ಎಂದು ಹೆಸರಿಡಲಾಗಿದೆ. ಜಪಾನ್ನ ಭವಿಷ್ಯವನ್ನು ಪ್ರತಿಬಿಂಬಸಲಿದೆ ಹಾಗೂ ಭವಿಷ್ಯದ ಭರವಸೆಯ ಸಂಕೇತವಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
ಟೋಕಿಯೋ(ಜು.23]: 2020ರ ಟೋಕಿಯೋ ಒಲಿಂಪಿಕ್ಸ್ ಲಾಂಛನವನ್ನು, ಕ್ರೀಡಾಕೂಟದ ಆಯೋಜಕರು ಭಾನುವಾರ ಬಿಡುಗಡೆಗೊಳಿಸಿದರು. ಇದೇ ವೇಳೆ ಪ್ಯಾರಾಲಿಂಪಿಕ್ ಲಾಂಛನವನ್ನೂ ಲೋಕಾರ್ಪಣೆ ಮಾಡಲಾಯಿತು.
ಟೋಕಿಯೋ ಒಲಿಂಪಿಕ್ಸ್ನ ಲಾಂಛನವನ್ನು ನೀಲಿವರ್ಣದಿಂದ ರೂಪಿಸಲಾಗಿದ್ದು, ಇದಕ್ಕೆ ‘ಮಿರೈಟೊವಾ’ ಎಂದು ಹೆಸರಿಡಲಾಗಿದೆ. ಜಪಾನ್ನ ಭವಿಷ್ಯವನ್ನು ಪ್ರತಿಬಿಂಬಸಲಿದೆ ಹಾಗೂ ಭವಿಷ್ಯದ ಭರವಸೆಯ ಸಂಕೇತವಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ. ಇನ್ನು ಪಿಂಕ್ ವರ್ಣಮಯವಾಗಿರುವ ಪ್ಯಾರಾಲಿಂಪಿಕ್ ಲಾಂಛನಕ್ಕೆ ‘ಸಮೇಟಿ’ ಎಂದು ನಾಮಕಾರಣ ಮಾಡಲಾಗಿದೆ.
ಜಪಾನ್ನ ಪ್ರತಿಬಿಂಬವಾದ ಚೆರ್ರಿ ಮರಗಳು ಹಾಗೂ ಇಂಗ್ಲಿಷ್ನ ‘ಸೋ ಮೈಟ್’ (ಬಹಳ ಪ್ರಬಲ) ಎಂಬ ಪದಗಳಿಂದ ಪ್ರೇರಣೆಗೊಂಡು ಈ ಹೆಸರಿಡಲಾಗಿದೆ. ಜಪಾನ್ನ ಸಂಪ್ರದಾಯ ಹಾಗೂ ನಾವೀನ್ಯತೆಯ ಸಂಕೇತ ಇದಾಗಿದೆ ಎಂದು ಕ್ರೀಡಾಕೂಟದ ಆಯೋಜಕರು ಪ್ಯಾರಾಲಿಂಪಿಕ್ ಲಾಂಛನ ಕುರಿತು ವಿವರಣೆ ನೀಡಿದ್ದಾರೆ. ಇದರಲ್ಲಿ ‘ಮಿರೈಟೊವಾ’ ನ್ಯಾಯದ ಪ್ರತಿರೂಪವಾಗಿದೆ. ಎಲ್ಲಿಗಾದರೂ ಚಲಿಸಬಲ್ಲ ಮಾಂತ್ರಿಕಶಕ್ತಿಯನ್ನು ಇದು ಹೊಂದಿದೆ. ಇನ್ನು ‘ಸಮೇಟಿ’ ಸಾಮಾನ್ಯವಾಗಿ ಶಾಂತಚಿತ್ತವಾಗಿರುತ್ತದೆ. ಆದರೆ, ಅಗತ್ಯಬಿದ್ದಾಗ ತನ್ನಲ್ಲಿರುವ ಅಗಾಧಶಕ್ತಿ ಯನ್ನು ಹೊರಹಾಕುತ್ತದೆ ಎಂದು ಲಾಂಛನಗಳ ಕುರಿತಾದ ಕಥೆಗಳನ್ನು ಆಯೋಜಕರು ತಿಳಿಸಿದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.