ಆಫ್ ಸ್ಪಿನ್ ಬೌಲರ್ ಆಗಿ ಬದಲಾದ ಮಾಲಿಂಗ..! ಸ್ಪಿನ್ ಮಾಡಿಯೇ 3 ವಿಕೆಟ್ ಕಿತ್ತ ವೇಗಿ..!
ಸಾರಾಂಶ
ಇತ್ತೀಚೆಗೆ ಸಾಕಷ್ಟು ಗಾಯದ ಸಮಸ್ಯೆಯಿಂದಾಗಿ ತಂಡದಿಂದ ಪದೇಪದೇ ಹೊರುಗುಳಿಯುತ್ತಿರುವ ಮಾಲಿಂಗ, ನಿವೃತ್ತಿಯಾಗಲಿದ್ದಾರೆ ಎಂಬ ಮಾತುಗಳೂ ಕೇಳಿಬಂದಿದ್ದವು. ಅಲ್ಲದೇ ಮಾಲಿಂಗ ಕೂಡಾ ಈ ಹಿಂದೆ ನಿವೃತ್ತಿಯ ಸುಳಿವು ನೀಡಿದ್ದರು.
ಕೊಲಂಬೊ(ನ.02): ಶ್ರೀಲಂಕಾದ ಹಿರಿಯ ವೇಗದ ಬೌಲರ್ ಲಸಿತ್ ಮಾಲಿಂಗ ಮಾರಕ ವೇಗಿ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಆದರೆ ಮಾಲಿಂಗ ಸ್ಪಿನ್ ಬೌಲಿಂಗ್ ಮಾಡಿ ಯಶಸ್ವಿಯಾಗಿದ್ದನ್ನು ಎಲ್ಲಾದರೂ ನೋಡಿದ್ದೀರಾ..?
ಹೌದು, ಲಂಕಾ ವೇಗಿ ದೇಸಿ ಪಂದ್ಯವೊಂದರಲ್ಲಿ ಆಫ್ ಸ್ಪಿನ್ ಬೌಲಿಂಗ್ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ತೇಜೆಲಂಕಾ ತಂಡದ ಪರ ಕಣಕ್ಕಿಳಿದಿದ್ದ ಮಾಲಿಂಗ, ಎಲ್'ಬಿ ಫೈನಾನ್ಸ್ ತಂಡದ ವಿರುದ್ಧ ದೇಸಿ ಪಂದ್ಯಾವಳಿಯ ಫೈನಲ್'ನಲ್ಲಿ ತಮ್ಮ ಸ್ವಿಂಗ್ ಬೌಲಿಂಗ್ ಶೈಲಿಯಲ್ಲೇ ಆಫ್ ಬ್ರೇಕ್ ಬೌಲಿಂಗ್ ಮಾಡಿದ ಅವರು 3 ವಿಕೆಟ್ ಕಬಳಿಸಿದರು.
ಆಟಕ್ಕೆ ಮಳೆ ಅಡ್ಡಿಪಡಿಸಬಹುದು ಎನ್ನುವ ನಿರೀಕ್ಷೆ ಇದ್ದ ಕಾರಣ, ಬೇಗನೆ ಓವರ್'ಗಳನ್ನು ಪೂರ್ಣಗೊಳಿಸಲು ಮಾಲಿಂಗ ವೇಗದ ಬದಲು ಸ್ಪಿನ್ ಮಾಡಲು ನಿರ್ಧರಿಸಿದರು.
ಇತ್ತೀಚೆಗೆ ಸಾಕಷ್ಟು ಗಾಯದ ಸಮಸ್ಯೆಯಿಂದಾಗಿ ತಂಡದಿಂದ ಪದೇಪದೇ ಹೊರುಗುಳಿಯುತ್ತಿರುವ ಮಾಲಿಂಗ, ನಿವೃತ್ತಿಯಾಗಲಿದ್ದಾರೆ ಎಂಬ ಮಾತುಗಳೂ ಕೇಳಿಬಂದಿದ್ದವು. ಅಲ್ಲದೇ ಮಾಲಿಂಗ ಕೂಡಾ ಈ ಹಿಂದೆ ನಿವೃತ್ತಿಯ ಸುಳಿವು ನೀಡಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.