ಅತೀ ವೇಗದ ಶತಕದೊಂದಿಗೆ ಮತ್ತೆರಡು ದಾಖಲೆ ನಿರ್ಮಿಸಿದ ರೋಹಿತ್ ಶರ್ಮಾ

ಕೆ.ಎಲ್. ರಾಹುಲ್ ಅವರೊಂದಿಗೆ ಇನಿಂಗ್ಸ್ ಆರಂಭಿಸಿದ ಮೊದಲ ವಿಕೇಟ್ ಜೊತೆಯಾಟಕ್ಕೆ 76 ಎಸೆತಗಳಲ್ಲಿ 165 ರನ್ ಪೇರಿಸಿದರು.

ಇಂಧೋರ್(ಡಿ.22): ಕೆಲ ದಿನಗಳ ಹಿಂದಷ್ಟೆ ಶ್ರೀಲಂಕಾ ವಿರುದ್ಧದ ಏಕದಿನ ಪಂದ್ಯದಲ್ಲಿ 3ನೇ ದ್ವಿಶತಕ ಬಾರಿಸಿ ದಾಖಲೆ ನಿರ್ಮಿಸಿದ್ದ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಈಗ ಮತ್ತೊಂದು ಇತಿಹಾಸ ನಿರ್ಮಿಸಿದ್ದಾರೆ.

ಇಂದು ಶ್ರೀಲಂಕಾ ವಿರುದ್ಧ ನಡೆದ 2ನೇ ಏಕದಿನ ಪಂದ್ಯದಲ್ಲಿ ಕೇವಲ 35 ಎಸೆತಗಳಲ್ಲಿ ಶತಕ ಬಾರಿಸಿ ದಕ್ಷಿಣ ಆಫ್ರಿಕಾ ಬ್ಯಾಟ್ಸ್'ಮೆನ್ ಡೇವಿಡ್ ಮಿಲರ್ ಅವರ ಹೆಸರಿನಲ್ಲಿದ್ದ ದಾಖಲೆಗೆ ಸಮನಾಗಿದ್ದಾರೆ.   

35 ಎಸೆತಗಳ ಶತಕದಲ್ಲಿ 10 ಭರ್ಜರಿ ಸಿಕ್ಸ್'ರ್'ಗಳು ಹಾಗೂ 12 ಬೌಂಡರಿಗಳು ಒಳಗೊಂಡಿದ್ದವು. ರೋಹಿತ್ ಅವರ ಶತಕ ಟಿ20ಯಲ್ಲಿ 2ನೇ ಶತಕವಾಗಿದೆ. ಟಿ20ಯಲ್ಲಿ ಇಲ್ಲಿಯವರೆಗೂ ಗೇಲ್ ಮಾತ್ರ 2 ಶತಕ ದಾಖಲಿಸಿದ್ದರು. ಈಗ ಅವರ ದಾಖಲೆಗೂ ಸಮನಾಗಿದೆ.

ಕೆ.ಎಲ್. ರಾಹುಲ್ ಅವರೊಂದಿಗೆ ಇನಿಂಗ್ಸ್ ಆರಂಭಿಸಿದ ಮೊದಲ ವಿಕೇಟ್ ಜೊತೆಯಾಟಕ್ಕೆ 76 ಎಸೆತಗಳಲ್ಲಿ 165 ರನ್ ಪೇರಿಸಿದರು. 3 ಪಂದ್ಯಗಳ ಸರಣಿಯಲ್ಲಿ ಈಗಾಗಲೇ 1-0 ಮುನ್ನಡೆಯಲ್ಲಿರುವ ಭಾರತ  2ನೇ ಪಂದ್ಯದಲ್ಲಿ 20 ಓವರ್'ಗಳಲ್ಲಿ 260 ರನ್ ದಾಖಲಿಸಿ 261 ರನ್ ಬೃಹತ್ ಸವಾಲಿನ ಗುರಿ ನೀಡಿದ್ದಾರೆ.