ಜೈಪುರ ಪಿಂಕ್ ಪ್ಯಾಂಥರ್ಸ್‌ ಎದುರು ರೋಚಕ ಜಯ ಸಾಧಿಸಿದ ಬೆಂಗಳೂರು ಬುಲ್ಸ್‌
ಕೊನೆಯ ಕ್ಷಣದಲ್ಲಿ ಗೆಲುವಿನ ನಗೆ ಬೀರಿದ ಬುಲ್ಸ್‌ ಪಡೆ
ಕೊನೆಯಲ್ಲಿ ಬುಲ್ಸ್‌ ಪಾಲಿಗೆ ಹೀರೋ ಆದ ವಿಕಾಸ್ ಖಂಡೋಲಾ
ಪುಣೆ(ಅ.31): ಸತತ 2ನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್‌ ಕೊನೆ ಕ್ಷಣದಲ್ಲಿ ಎದುರಾಳಿಯಿಂದ ಗೆಲುವನ್ನು ಕಸಿದುಕೊಂಡಿದೆ. ಭಾನುವಾರ ಜೈಪುರ ಪಿಂಕ್ ಪ್ಯಾಂಥರ್ಸ್‌ ವಿರುದ್ಧ 37-31ರಲ್ಲಿ ಗೆದ್ದ ಬುಲ್ಸ್‌, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲೇ ಮುಂದುವರಿದಿದೆ.
ಪಂದ್ಯ ಮುಕ್ತಾಯಕ್ಕೆ ಒಂದು ನಿಮಿಷ ಬಾಕಿ ಇದ್ದಾಗ ಉಭಯ ತಂಡಗಳು 30-30ರಲ್ಲಿ ಸಮಬಲ ಸಾಧಿಸಿದ್ದವು. ಕೊನೆ 30 ಸೆಕೆಂಡ್‌ ಬಾಕಿ ಇದ್ದಾಗ ಜೈಪುರದ ಮೂರು ಡಿಫೆಂಡರ್‌ಗಳನ್ನು ವಿಕಾಸ್ ಖಂಡೋಲಾ ಔಟ್‌ ಮಾಡಿದರು. ಇದರ ಪರಿಣಾಮ ಜೈಪುರ ಆಲೌಟ್‌ ಆಗಿ ಒಂದೇ ರೈಡ್‌ನಲ್ಲಿ ಬುಲ್ಸ್‌ಗೆ 5 ಅಂಕ ಬಿಟ್ಟುಕೊಟ್ಟಿತು. ಶನಿವಾರ ದಬಾಂಗ್ ಡೆಲ್ಲಿ ವಿರುದ್ಧವೂ ಬುಲ್ಸ್‌ ಕೊನೆ ನಿಮಿಷದಲ್ಲಿ ಜಯ ಸಾಧಿಸಿತ್ತು.
ದಬಾಂಗ್ ಡೆಲ್ಲಿ ವಿರುದ್ಧದ ಗೆಲುವನ್ನು ಅಪ್ಪುವಿಗೆ ಅರ್ಪಿಸಿದ ಬೆಂಗಳೂರು ಬುಲ್ಸ್‌!
7ನೇ ನಿಮಿಷದಲ್ಲೇ ಜೈಪುರವನ್ನು ಆಲೌಟ್‌ ಮಾಡಿದ ಬುಲ್ಸ 10-3ರ ಮುನ್ನಡೆ ಪಡೆಯಿತು. ಆದರೆ ಪುಟಿದೆದ್ದ ಜೈಪುರ ಮೊದಲಾರ್ಧದ ಅಂತ್ಯಕ್ಕೆ 19-19ರಲ್ಲಿ ಸಮಬಲ ಸಾಧಿಸಿತು. ದ್ವಿತೀಯಾರ್ಧದಲ್ಲೂ ಎರಡೂ ತಂಡಗಳ ನಡುವೆ ಪ್ರಬಲ ಪೈಪೋಟಿ ಕಂಡು ಬಂತು. ಆದರೂ ಬೆಂಗಳೂರು ಬುಲ್ಸ್‌ ಪಡೆಯನ್ನು ಗೆಲುವಿನೊಂದ ದೂರವಿರಿಸಲು ಜೈಪುರಕ್ಕೆ ಸಾಧ್ಯವಾಗಲಿಲ್ಲ. ಬೆಂಗಳೂರು ಪರ ಭರತ್‌ 10 ರೈಡ್ ಅಂಕ ಪಡೆದರೆ, ವಿಕಾಸ್ 8 ರೈಡ್ ಅಂಕ ಪಡೆದರು.
We've started to believe that ' matches are not for the faint-hearted 😅
They consolidate the top spot in the standings after beating 🔥 pic.twitter.com/O9Bf4QOI1d
ಭಾನುವಾರದ 2ನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ವಿರುದ್ಧ ತಮಿಳ್ ತಲೈವಾಸ್ 49-39ರಲ್ಲಿ ಗೆಲುವು ಸಾಧಿಸಿತು. ತಲೈವಾಸ್‌ಗಿದು ಸತತ 2ನೇ ಜಯ. ಡೆಲ್ಲಿಗೆ ಸತತ 2ನೇ ಸೋಲು. ತಮಿಳ್ ತಲೈವಾಸ್ ತಂಡದ ಪರ ಅತ್ಯದ್ಭುತ ಪ್ರದರ್ಶನ ತೋರಿದ ನರೇಂದರ್ 24 ಅಂಕಗಳನ್ನು ಗಳಿಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
𝗔 𝗧𝗵𝗮𝗹𝗮𝗶𝘃𝗮 𝗯𝗹𝗶𝘁𝘇 💪 get the victory in style as they beat the defending champions 🔥 pic.twitter.com/MBb6bOjmYW
— ProKabaddi (@ProKabaddi)ಹಾಲಿ ಚಾಂಪಿಯನ್ ದಬಾಂಗ್ ಡೆಲ್ಲಿ ವಿರುದ್ದ ತಮಿಳ್ ತಲೈವಾಸ್ ತಂಡವು ರೈಡಿಂಗ್ ಹಾಗೂ ಡಿಫೆನ್ಸ್‌ ವಿಭಾಗದಲ್ಲಿ ಸಂಘಟಿತ ಪ್ರದರ್ಶನ ತೋರುವ ಮೂಲಕ ಭರ್ಜರಿ ಗೆಲುವು ದಾಖಲಿಸುವಲ್ಲಿ ಯಶಸ್ವಿಯಾಯಿತು. ಮೊದಲಾರ್ಧದ ಅಂತ್ಯದ ವೇಳೆಗೆ ತಮಿಳ್ ತಲೈವಾಸ್ ತಂಡವು 32-11 ಅಂಕಗಳ ಮುನ್ನಡೆ ಗಳಿಸಿತ್ತು. ಇನ್ನು ಇದಾದ ಬಳಿಕ ದ್ವಿತಿಯಾರ್ಧದಲ್ಲಿ ದಬಾಂಗ್ ಡೆಲ್ಲಿ ತಂಡವು 28 ಅಂಕಗಳನ್ನು ಕಲೆಹಾಕಿತಾದರೂ, ಸೋಲಿನಿಂದ ಪಾರಾಗಲು ಸಾಧ್ಯವಾಗಲಿಲ್ಲ. ನಾಯಕ ನವೀನ್ ಕುಮಾರ್ 11 ರೈಡ್ ನಡೆಸಿ ಕೇವಲ 5 ಅಂಕ ಗಳಿಸಿದ್ದು ಡೆಲ್ಲಿ ತಂಡಕ್ಕೆ ಹಿನ್ನೆಡೆಯಾಗಿ ಪರಿಣಮಿಸಿತು.
ಇಂದಿನ ಪಂದ್ಯಗಳು:
ಗುಜರಾತ್‌-ಪಾಟ್ನಾ, ಸಂಜೆ 7.30ಕ್ಕೆ
ಯು.ಪಿ.ಯೋಧಾಸ್‌-ತೆಲುಗು ಟೈಟಾನ್ಸ್‌, ರಾತ್ರಿ 8.30ಕ್ಕೆ