4 ರನ್‌ಗೆ 4 ವಿಕೆಟ್ ಕಿತ್ತ ಪಾಕ್ ಬೌಲರ್, ಹ್ಯಾಟ್ರಿಕ್ ಮೇಲೊಂದು ಹುದ್ದರಿ!

ಕ್ರಿಕೆಟ್ ಅಂದರೆ ಪ್ರತಿದಿನ ಒಂದಿಲ್ಲೊಂದು ಹೊಸ ದಾಖಲೆ ನಿರ್ಮಾಣ ಆಗುತ್ತಲೆ ಇರುತ್ತದೆ.  ಟಿ10 ಲೀಗ್​​ನಲ್ಲಿ ದಾಖಲೆಗಳ ಮೇಲೆ ದಾಖಲೆ ಸೃಷ್ಠಿಯಾಗುತ್ತಿದ್ದು, ನಿನ್ನೆಯಷ್ಟೇ ಅಫ್ಘಾನಿಸ್ತಾನ ಶಹಜಾದ್  16 ಎಸೆತಗಳಲ್ಲಿ 74 ರನ್​ ಚಚ್ಚಿ ದಾಖಲೆ ಬರೆದಿದ್ದರು ಇಂದು ಪಾಕಿಸ್ತಾನದ ಬೌಲರ್ ಸರದಿ.

ಶಾರ್ಜಾ[ನ.22]  ಪಾಕಿಸ್ತಾನ ಕ್ರಿಕೆಟ್​ ತಂಡದ ವೇಗದ ಬೌಲರ್​ ಅಮೀರ್ ಯಮಿನ್  ದಾಖಲೆ ಬರೆದಿದ್ದಾರೆ. ಬೆಂಗಾಲ್​ ಟೈಗರ್ಸ್​​ ಹಾಗೂ ನಾರ್ಥನ್​ ವಾರಿಯರ್ಸ್​ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಹ್ಯಾಟ್ರಿಕ್ ಮೇಲೆ ಮತ್ತೊಂದು ವಿಕೆಟ್ ಸಾಧನೆ ಮಾಡಿದ್ದಾರೆ.

ಬೆಂಗಾಲ್ ಟೈಗರ್ಸ್ ನ ಪಾಕ್​ ಬೌಲರ್​ ಅಮೀರ್​ ಯಮಿನ್​ ತಾವು ಎಸೆದ 2 ಓವರ್​ಗಳಲ್ಲಿ 1 ಓವರ್​ ಮೆಡನ್​ ಸೇರಿ ಕೇವಲ 4ರನ್​ ನೀಡಿದ್ದು, ಪ್ರಮುಖ ನಾಲ್ಕು ವಿಕೆಟ್​ ಪಡೆದುಕೊಂಡರು. ಇನ್ನು ಟಿ10 ಲೀಗ್​​ನಲ್ಲಿ ಅಮೀರ್​ ಒಂದು ಓವರ್​ ಮೆಡನ್​ ಮಾಡಿರುವ ದಾಖಲೆ ಸಹ ನಿರ್ಮಿಸಿದ್ದಾರೆ. ಜತೆಗೆ ಹ್ಯಾಟ್ರಿಕ್​ ಸಹ ಪಡೆದುಕೊಂಡರು.

ಮೊದಲು ಬ್ಯಾಟ್​ ಮಾಡಿದ ಬೆಂಗಾಲ್​ ತಂಡ, ನಿಗದಿತ 10 ಓವರ್​ಗಳಲ್ಲಿ ಜಾಸನ್​ ರಾಯ್​ ಅಜೇಯ(60)ರನ್​ ಹಾಗೂ ರುದರ್ಫೋರ್ಡ್ ಅಜೇಯ(47)ರನ್​ಗಳ ನೇರವಿನಿಂದ ಕೇವಲ 1ವಿಕೆಟ್​ ಕಳೆದುಕೊಂಡು 130ರನ್​ ಗಳಿಕೆ ಮಾಡಿತ್ತು. ಇದರ ಬೆನ್ನತ್ತಿದ್ದ ವಾರಿಯರ್ಸ್​ ತಂwಡ 7ವಿಕೆಟ್​ ಕಳೆದುಕೊಂಡು ಕೇವಲ 94ರನ್​ಗಳಿಕೆ ಮಾಡಲು ಶಕ್ತವಾಯಿತು.