ಚಳಿಗಾಲದ ಒಲಿಂಪಿಕ್ಸ್ ಇಂದಿನಿಂದ ಆರಂಭ

4 ವರ್ಷಗಳ ಬಳಿಕ ನಡೆಯುತ್ತಿರುವ ಮಹಾ ಕ್ರೀಡಾಕೂಟದಲ್ಲಿ 15 ಕ್ರೀಡೆಗಳ 102 ಸ್ಪರ್ಧೆಗಳು ನಡೆಯಲಿದ್ದು, 92 ದೇಶಗಳ 2952 ಕ್ರೀಡಾಪಟುಗಳು ಪಾಲ್ಗೊಳ್ಳುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಇಕ್ವೆಡಾರ್, ಎರಿಟ್ರಿಯಾ,ಕೊಸೊವೊ, ಮಲೇಷ್ಯಾ, ನೈಜೀರಿಯಾ ಹಾಗೂ ಸಿಂಗಾಪುರ್ ದೇಶಗಳು ಪಾಲ್ಗೊಳ್ಳುತ್ತಿವೆ.

ಪೈಯೋಂಗ್ಚಂಗ್(ದ.ಕೊರಿಯಾ): 23ನೇ ಚಳಿಗಾಲದ ಒಲಿಂಪಿಕ್ಸ್‌ ಇಂದಿನಿಂದ ಆರಂಭಗೊಂಡಿದ್ದು, ಫೆ. 25ರವರೆಗೂ ನಡೆಯಲಿರುವ ಕ್ರೀಡಾಕೂಟಕ್ಕೆ ದಕ್ಷಿಣ ಕೊರಿಯಾದ ಪೈಯೋಂಗ್ಚಂಗ್ ಆತಿಥ್ಯ ವಹಿಸಲಿದೆ. ಇದೇ ಮೊದಲ ಬಾರಿಗೆ ದ.ಕೊರಿಯಾ ಆತಿಥ್ಯ ವಹಿಸುತ್ತಿದೆ.

4 ವರ್ಷಗಳ ಬಳಿಕ ನಡೆಯುತ್ತಿರುವ ಮಹಾ ಕ್ರೀಡಾಕೂಟದಲ್ಲಿ 15 ಕ್ರೀಡೆಗಳ 102 ಸ್ಪರ್ಧೆಗಳು ನಡೆಯಲಿದ್ದು, 92 ದೇಶಗಳ 2952 ಕ್ರೀಡಾಪಟುಗಳು ಪಾಲ್ಗೊಳ್ಳುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಇಕ್ವೆಡಾರ್, ಎರಿಟ್ರಿಯಾ,ಕೊಸೊವೊ, ಮಲೇಷ್ಯಾ, ನೈಜೀರಿಯಾ ಹಾಗೂ ಸಿಂಗಾಪುರ್ ದೇಶಗಳು ಪಾಲ್ಗೊಳ್ಳುತ್ತಿವೆ.

ಭಾರತ ಪರ ಇಬ್ಬರು: ಭಾರತದಲ್ಲಿ ಚಳಿಗಾಲದ ಕ್ರೀಡೆಗಳು ಅಷ್ಟು ಜನಪ್ರಿಯವಲ್ಲ. ಆದರೂ ಒಲಿಂಪಿಕ್ಸ್‌'ನಲ್ಲಿ ಇಬ್ಬರು ಕ್ರೀಡಾಪಟುಗಳು ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ಲೂಜ್‌'ನಲ್ಲಿ ಶಿವಕೇಶವನ್ ಹಾಗೂ ಕ್ರಾಸ್ ಕಂಟ್ರಿ ಸ್ಕೀಯಿಂಗ್‌'ನಲ್ಲಿ ಜಗದೀಶ್ ಸಿಂಗ್ ಸ್ಪರ್ಧೆ ಗಿಳಿಯುತ್ತಿದ್ದಾರೆ. ಶಿವ ಕೇಶವನ್‌'ಗಿದು ಸತತ 6ನೇ ಒಲಿಂಪಿಕ್ಸ್ ಆಗಿದ್ದು, ಈ ಕ್ರೀಡಾಕೂಟದ ಬಳಿಕ ಅವರು ನಿವೃತ್ತಿ ಘೋಷಿಸುವುದಾಗಿ ಹೇಳಿದ್ದಾರೆ.

ಅಮೆರಿಕ ಅತಿಹೆಚ್ಚು ಅಂದರೆ 242 ಕ್ರೀಡಾಪಟುಗಳನ್ನು ಕಣಕ್ಕಿಳಿಸುತ್ತಿದೆ. ಸ್ವಿಟ್ಜರ್‌'ಲೆಂಡ್ (169) ಜರ್ಮನಿ (156) ಹಾಗೂ ಆತಿಥೇಯ ದ.ಕೊರಿಯಾವನ್ನು (122) ಕ್ರೀಡಾಪಟುಗಳು ಪ್ರತಿನಿಧಿಸಲಿದ್ದಾರೆ.