ಕೊಹ್ಲಿ ಬೌಲಿಂಗ್ ಟ್ರೋಲ್ ಮಾಡಿದ ಬುಮ್ರಾ...!
ಸಾರಾಂಶ
ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಬೌಲಿಂಗ್ ಮಾಡುವುದನ್ನೇ ಜಸ್ಪ್ರೀತ್ ಬುಮ್ರಾ ಟ್ರೋಲ್ ಮಾಡಿದ್ದರಂತೆ. ಕೊಹ್ಲಿ ಹೇಳಿದ್ದೇನು..? ನೀವೇ ನೋಡಿ..
ಸೌಥಾಂಪ್ಟನ್[ಜೂ.04]: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ 2017ರ ಡಿಸೆಂಬರ್ನಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಬೌಲಿಂಗ್ ಮಾಡಿಲ್ಲ. ಇದಕ್ಕೆ ಕಾರಣವೇನು ಎನ್ನುವುದನ್ನು ಸ್ವತಃ ಕೊಹ್ಲಿಯೇ ಬಹಿರಂಗಪಡಿಸಿದ್ದಾರೆ.
ಭಾನುವಾರ ವಿಶ್ವಕಪ್ ಪಂದ್ಯಗಳನ್ನು ಪ್ರಸಾರ ಮಾಡುತ್ತಿರುವ ವಾಹಿನಿಯ ನಿರೂಪಕರು ‘ನೀವು ಬೌಲಿಂಗ್ ಮಾಡುವುದನ್ನು ಏಕೆ ನಿಲ್ಲಿಸಿದ್ದೀರಿ’ ಎಂದು ಕೇಳಿದ್ದಕ್ಕೆ ಉತ್ತರಿಸಿದ ವಿರಾಟ್, ‘2017ರ ಶ್ರೀಲಂಕಾ ಪ್ರವಾಸದ ವೇಳೆ ಏಕದಿನ ಪಂದ್ಯವೊಂದರಲ್ಲಿ ನಾವು ಬಹುತೇಕ ಗೆಲುವು ಸಾಧಿಸಿದ್ದೆವು. ಆಗ ಧೋನಿಯನ್ನು ನಾನು ಬೌಲ್ ಮಾಡಲ ಎಂದು ಕೇಳಿದೆ. ನಾನು ಇನ್ನೇನು ಬೌಲಿಂಗ್ ಆರಂಭಿಸಬೇಕು. ಬೌಂಡರಿ ಗೆರೆ ಬಳಿ ಇದ್ದ ಜಸ್ಪ್ರೀತ್ ಬುಮ್ರಾ, ಇದು ಅಂತಾರಾಷ್ಟ್ರೀಯ ಕ್ರಿಕೆಟ್ ತಮಾಷೆ ಮಾಡಬಾರದು ಎಂದು ಕೂಗಿದರು. ನನ್ನ ಬೌಲಿಂಗ್ ಮೇಲೆ ನನಗೆ ನಂಬಿಕೆಯಿದೆ, ಆದರೆ ತಂಡಕ್ಕಿಲ್ಲ. ಬೆನ್ನು ನೋವಿನ ಸಮಸ್ಯೆ ಎದುರಾದ ಬಳಿಕ ನಾನು ಬೌಲ್ ಮಾಡುವುದನ್ನು ನಿಲ್ಲಿಸಿದೆ’ ಎಂದರು.
ಮೊದಲ ಪಂದ್ಯಕ್ಕೂ ಮುನ್ನ ಟೀಂ ಇಂಡಿಯಾಗೆ ಬಿಗ್ ಶಾಕ್..!
ಕೊಹ್ಲಿ ನೆಟ್ಸ್ ಅಭ್ಯಾಸದ ವೇಳೆ ಈಗಲೂ ಬೌಲಿಂಗ್ ಮಾಡುತ್ತಾರೆ. ಏಕದಿನ ಹಾಗೂ ಅಂತಾರಾಷ್ಟ್ರೀಯ ಟಿ20ಯಲ್ಲಿ ತಲಾ 4 ವಿಕೆಟ್ ಕಿತ್ತಿರುವ ಕೊಹ್ಲಿ, ಟೆಸ್ಟ್ನಲ್ಲಿ 163 ಎಸೆತ ಎಸೆದಿದ್ದು ಇನ್ನೂ ವಿಕೆಟ್ ಖಾತೆ ತೆರೆದಿಲ್ಲ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.