ಐಎಸ್ಎಸ್ಎಫ್ ಶೂಟಿಂಗ್ ವಿಶ್ವಕಪ್: ವಿಶ್ವ ದಾಖಲೆಯೊಂದಿಗೆ ಅಪೂರ್ವಿಗೆ ಚಿನ್ನ!
ಸಾರಾಂಶ
26 ವರ್ಷದ ಅಪೂರ್ವಿ ಫೈನಲ್ನಲ್ಲಿ 252.9 ಅಂಕ ಕಲೆಹಾಕಿ ಮೊದಲ ಸ್ಥಾನ ಪಡೆದರು. 251.8 ಅಂಕ ಪಡೆದ ಚೀನಾದ ರುಝು ಝವೊ ಬೆಳ್ಳಿ ಗೆದ್ದರೆ, ಚೀನಾದವರೇ ಆದ ಹಾಂಗ್ ಕ್ಸು 230.4 ಅಂಕಗಳೊಂದಿಗೆ ಕಂಚು ಜಯಿಸಿದರು.
ನವದೆಹಲಿ[ಫೆ.24]: ಭಾರತದ ಅಪೂರ್ವಿ ಚಾಂಡೆಲಾ ಶನಿವಾರದಿಂದ ಇಲ್ಲಿ ಆರಂಭಗೊಂಡ 2019ರ ಮೊದಲ ಐಎಸ್ಎಸ್ಎಫ್ ಶೂಟಿಂಗ್ ವಿಶ್ವಕಪ್ನ ಮಹಿಳೆಯರ 10 ಮೀ. ಏರ್ ರೈಫಲ್ ಸ್ಪರ್ಧೆಯಲ್ಲಿ ವಿಶ್ವ ದಾಖಲೆಯೊಂದಿಗೆ ಚಿನ್ನದ ಪದಕ ಗೆದ್ದಿದ್ದಾರೆ.
26 ವರ್ಷದ ಅಪೂರ್ವಿ ಫೈನಲ್ನಲ್ಲಿ 252.9 ಅಂಕ ಕಲೆಹಾಕಿ ಮೊದಲ ಸ್ಥಾನ ಪಡೆದರು. 251.8 ಅಂಕ ಪಡೆದ ಚೀನಾದ ರುಝು ಝವೊ ಬೆಳ್ಳಿ ಗೆದ್ದರೆ, ಚೀನಾದವರೇ ಆದ ಹಾಂಗ್ ಕ್ಸು 230.4 ಅಂಕಗಳೊಂದಿಗೆ ಕಂಚು ಜಯಿಸಿದರು.
ಕಳೆದ ವರ್ಷ ಕೊರಿಯಾದ ಚಾಂಗ್ವೊನ್ನಲ್ಲಿ ನಡೆದಿದ್ದ ವಿಶ್ವಕಪ್ನಲ್ಲಿ ಝವೊ 252.4 ಅಂಕ ಗಳಿಸಿ ವಿಶ್ವ ದಾಖಲೆ ಬರೆದಿದ್ದರು. 0.5 ಅಂಕಗಳ ಮುನ್ನಡೆಯೊಂದಿಗೆ ಅಪೂರ್ವಿ ವಿಶ್ವ ದಾಖಲೆಯನ್ನು ನಿರ್ಮಿಸಿದ್ದಾರೆ. ಕಳೆದ ವರ್ಷ ವಿಶ್ವ ಚಾಂಪಿಯನ್ಶಿಪ್ನಲ್ಲೇ ಟೋಕಿಯೋ ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿದ್ದ ಅಪೂರ್ವಿ, ಅರ್ಹತಾ ಸುತ್ತಿನಲ್ಲಿ 629.3 ಅಂಕಗಳೊಂದಿಗೆ 4ನೇ ಸ್ಥಾನ ಪಡೆದಿದ್ದರು. 8 ಶೂಟರ್ಗಳಿದ್ದ ಫೈನಲ್ನಲ್ಲಿ ಅಪೂರ್ವಿ ಆರಂಭದಿಂದಲೂ ಪ್ರಾಬಲ್ಯ ಮೆರೆದು ಅಗ್ರಸ್ಥಾನ ಕಾಯ್ದುಕೊಂಡರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.