ಮಯಾಂಕ್ ಅಗರ್ವಾಲ್ ಹಾಗೂ ಭಾರತದ ರಣಜಿ ಕ್ರಿಕೆಟ್‌ನ್ನ ಆಸ್ಟ್ರೇಲಿಯಾ ವೀಕ್ಷಕ ವಿವರಣೆಗಾರ ಅವಮಾನಿಸಿದ್ದಾರೆ. ಮೆಲ್ಬರ್ನ್ ಟೆಸ್ಟ್ ಪಂದ್ಯದಲ್ಲಿ ವೀಕ್ಷಕ ವಿವರಣೆ ನೀಡುತ್ತಿದ್ದ ಆಸಿಸ್ ಕಮೆಂಟೇಟರ್ ವಿವಾದಾತ್ಮಕ ಹೇಳಿಕೆ ನೀಡಿ ಟೀಕೆಗೆ ಗುರಿಯಾಗಿದ್ದಾರೆ.
ಮೆಲ್ಬರ್ನ್(ಡಿ.26): ಆಸ್ಟ್ರೇಲಿಯಾ ವಿರುದ್ಧದ ಮೆಲ್ಬರ್ನ್ ಟೆಸ್ಟ್ ಪಂದ್ಯದಲ್ಲಿ ಕನ್ನಡಿಗ ಮಯಾಂಕ್ ಅಗರ್ವಾಲ್ ಟೀಂ ಇಂಡಿಯಾದ ಆರಂಭಿಕರ ಸಮಸ್ಯೆಗೆ ಉತ್ತರ ನೀಡಿದ್ದಾರೆ. ಪದಾರ್ಪಣೆ ಪಂದ್ಯದದಲ್ಲೇ 76 ರನ್ ಸಿಡಿಸಿ ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದಲ್ಲಿ ಭಾರತಕ್ಕೆ ಉತ್ತಮ ಆರಂಭ ನೀಡಿದ್ದಾರೆ.
ಇದನ್ನೂ ಓದಿ: ಬಾಕ್ಸಿಂಗ್ ಡೇ ಟೆಸ್ಟ್: ಮಯಾಂಕ್ ಅಬ್ಬರ-ಮೇಲುಗೈ ಸಾಧಿಸಿದ ಭಾರತ!
ಮಯಾಂಕ್ ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ಆಸ್ಟ್ರೇಲಿಯಾ ವೀಕ್ಷಕ ವಿವರಣೆಗಾರ ಕೆರಿ ಓ ಕೀಫೆ ಅವಮಾನ ಮಾಡಿದ್ದಾರೆ. ಮಯಾಂಕ್ ರಣಜಿ ಟೂರ್ನಿಯಲ್ಲಿ ತ್ರಿಶತಕ ಸಿಡಿಸಿದ ಸಾಧನೆ ಮಾಡಿದ್ದಾರೆ. ಮಯಾಂಕ್ ಸಾಧನೆಯ ಅಂಕಿ ಅಂಶ ನೋಡಿ ಕೆರಿ ಓ ಕೀಫೆ, ತ್ರಿಶತಕ ಯಾವುದೋ ಕ್ಯಾಂಟೀನ್ ಸಿಬ್ಬಂಧಿಗಳು ಅಥವಾ ಹೊಟೆಲ್ ವೈಟರ್ ವಿರುದ್ಧ ಹೊಡೆದಿರಬಹುದು ಎಂದಿದ್ದಾರೆ.
ಇದನ್ನೂ ಓದಿ: ಭಾರತದ ಮೊತ್ತ ಮೊದಲ WWE ಚಾಂಪಿಯನ್ ಆಗುವತ್ತ ಕವಿತಾ ದೇವಿ!
ಮಯಾಂಕ್ ಅಗರ್ವಾಲ್ ಹಾಗೂ ಭಾರತದ ರಣಜಿ ಕ್ರಿಕೆಟ್‌ಗೆ ಅವಮಾನ ಮಾಡಿದ ಬೆನ್ನಲ್ಲೇ, ಮಾಜಿ ನಾಯಕ ಸ್ಟೀವ್ ವ್ಹಾ , ಮಯಾಂಕ್ ಭಾರತದಲ್ಲಿ ಬ್ಯಾಟಿಂಗ್ ಸರಾಸರಿ 50 , ಆದರೆ ಆಸ್ಟ್ರೇಲಿಯಾ ನೆಲಕ್ಕೆ ಹೋಲಿಸಿದರೆ 40 ಎಂದಿದ್ದಾರೆ. ಈ ಮೂಲಕ ಆಸಿಸ್ ದೇಸಿ ಕ್ರಿಕೆಟ್ ಶ್ರೇಷ್ಠ ಭಾರತದ ಕ್ರಿಕೆಟ್ ಕಳಪೆ ಗುಣಮಟ್ಟ ಹೊಂದಿದೆ ಎಂದು ಪರೋಕ್ಷವಾಗಿ ಹೇಳಿದ್ದಾರೆ.
ಇದನ್ನೂ ಓದಿ: ಜಡೇಜಾ ಫಿಟ್ನೆಸ್‌ ಗುಟ್ಟು ಮುಚ್ಚಿಟ್ಟಿದ್ದ ಭಾರತ!
ಕೀಫೆ ಹಾಗೂ ಸ್ಟೀವ್ ವ್ಹಾ ಹೇಳಿಕೆಗೆ ಮಯಾಂಕ್ ಬ್ಯಾಟಿಂಗ್ ಮೂಲಕವೇ ತಕ್ಕ ಉತ್ತರ ನೀಡಿದ್ದಾರೆ. ಮಯಾಂಕ್ 76 ರನ್ ಸಿಡಿಸಿದ್ದಾರೆ. ಭಾರತ ಮೊದಲ ದಿನದಾಟದಲ್ಲಿ 2 ವಿಕೆಟ್ ನಷ್ಟಕ್ಕೆ 215 ರನ್ ಸಿಡಿಸಿದೆ.