ಅಂಡರ್ 17 ವಿಶ್ವಕಪ್: ಒಂದು ಗೆಲುವೂ ಕಾಣದೇ ಹೊರಬಿದ್ದ ಭಾರತ

ಮೊದಲ ಪಂದ್ಯದಲ್ಲಿ ಯುಎಸ್‌ಎ ವಿರುದ್ಧ 0-3 ಗೋಲುಗಳ ಸೋಲು ಕಂಡಿದ್ದ ಭಾರತ, ಕೊಲಂಬಿಯಾ ವಿರುದ್ಧ 1-2 ಗೋಲುಗಳಿಂದ ಪರಾಭವಗೊಂಡು ನಿರಾಸೆ ಅನುಭವಿಸಿತ್ತು.

ನವದೆಹಲಿ(ಅ.12): ಫಿಫಾ ಅಂಡರ್ 17ರ ಫುಟ್ಬಾಲ್ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ತಂಡ, ಘಾನಾ ವಿರುದ್ಧದ ಸೋಲಿನೊಂದಿಗೆ ಟೂರ್ನಿಯಿಂದ ಹೊರಬಿದ್ದಿದೆ.

ಇಲ್ಲಿನ ಜವಾಹರ್ ಲಾಲ್ ನೆಹರು ಕ್ರೀಡಾಂಗಣದಲ್ಲಿ ನಡೆದ ‘ಎ’ ಗುಂಪಿನ ಪಂದ್ಯದಲ್ಲಿ ಭಾರತ 0-4 ಗೋಲುಗಳಿಂದ ಘಾನಾ ಎದುರು ಸೋಲು ಕಂಡಿತು. ಇದೊರಂದಿಗೆ ಭಾರತ ಟೂರ್ನಿಯಲ್ಲಿ ಆಡಿರುವ 3 ಪಂದ್ಯಗಳಲ್ಲೂ ಪರಾಭವ ಹೊಂದಿದೆ. ಪಂದ್ಯದಲ್ಲಿ ಘಾನಾ ತಂಡದ ನಾಯಕ ಎರಿಕ್ ಅಯೆಹ್ 2, ಡಾನ್ಸೊ ಮತ್ತು ಟೊಕು ತಲಾ 1 ಗೋಲುಗಳಿಸಿ ಭಾರತದ ಜಯದ ಆಸೆಗೆ ತಣ್ಣೀರು ಎರಚಿದರು.

ಮೊದಲ ಪಂದ್ಯದಲ್ಲಿ ಯುಎಸ್‌ಎ ವಿರುದ್ಧ 0-3 ಗೋಲುಗಳ ಸೋಲು ಕಂಡಿದ್ದ ಭಾರತ, ಕೊಲಂಬಿಯಾ ವಿರುದ್ಧ 1-2 ಗೋಲುಗಳಿಂದ ಪರಾಭವಗೊಂಡು ನಿರಾಸೆ ಅನುಭವಿಸಿತ್ತು.