ನೂರನೇ ಪಂದ್ಯವನ್ನು ಸ್ಮರಣೀಯವಾಗಿಸಿಕೊಂಡ ಸ್ವಾರೆಜ್

100ನೇ ಅಂತಾರಾಷ್ಟ್ರೀಯ ಪಂದ್ಯವಾಡುತ್ತಿರುವ ಸ್ವಾರೆಜ್ ಈ ಪಂದ್ಯವನ್ನು ಸ್ಮರಣೀಯವಾಗಿಸಿಕೊಂಡರು. ಆರಂಭದಿಂದಲೂ ಆಕ್ರಮಣಕಾರಿ ಆಟಕ್ಕಿಳಿದ ಉರುಗ್ವೆ ಆಟಗಾರರು ಸೌದಿ ಅರೇಬಿಯಾ ಎದುರು ಮೇಲುಗೈ ಸಾಧಿಸಿದ್ದರು.

ರಷ್ಯಾ(ಜೂ.20]: ಲೂಯಿಸ್ ಸ್ವಾರೆಜ್ ಬಾರಿಸಿದ ಗೋಲಿನ ನೆರವಿನಿಂದ ಉರುಗ್ವೆ ತಂಡ ಸೌದಿ ಅರೇಬಿಯಾ ವಿರುದ್ಧ 1-0 ಗೋಲಿನಿಂದ ಮಣಿಸಿ ಗೆಲುವಿನ ನಗೆ ಬೀರಿತು.

ಪಂದ್ಯದ 23ನೇ ನಿಮಿಷದಲ್ಲಿ ಲೂಯಿಸ್ ಸ್ವಾರೆಜ್ ಬಾರಿಸಿದ ಏಕೈಕ ಗೋಲು ಉರುಗ್ವೆಯನ್ನು ಪ್ರೀಕ್ವಾರ್ಟರ್ ಹಂತಕ್ಕೇರುವಂತೆ ಮಾಡಿದರೆ, ಸೌದಿ ಅರೇಬಿಯಾದ ಬಹುತೇಕ ಟೂರ್ನಿಯಿಂದ ಹೊರಬಿದ್ದಿದೆ. 100ನೇ ಅಂತಾರಾಷ್ಟ್ರೀಯ ಪಂದ್ಯವಾಡುತ್ತಿರುವ ಸ್ವಾರೆಜ್ ಈ ಪಂದ್ಯವನ್ನು ಸ್ಮರಣೀಯವಾಗಿಸಿಕೊಂಡರು. ಆರಂಭದಿಂದಲೂ ಆಕ್ರಮಣಕಾರಿ ಆಟಕ್ಕಿಳಿದ ಉರುಗ್ವೆ ಆಟಗಾರರು ಸೌದಿ ಅರೇಬಿಯಾ ಎದುರು ಮೇಲುಗೈ ಸಾಧಿಸಿದ್ದರು. ಪಂದ್ಯದ

23ನೇ ನಿಮಿಷದಲ್ಲಿ ಸ್ವಾರೆಜ್ ಆಕರ್ಷಕ ಗೋಲು ಸಿಡಿಸಿ ಉರುಗ್ವೆಗೆ 1-0 ಮುನ್ನಡೆ ನೀಡಿದರು. ಕೊನೆವರೆಗೂ ಇದೇ ಮುನ್ನಡೆ ಕಾಯ್ದುಕೊಂಡ ಉರುಗ್ವೆ ಕೊನೆಗೂ ಜಯದ ನಗೆ ಬೀರಿತು. ಉದ್ಘಾಟನಾ ಪಂದ್ಯದಲ್ಲಿ ರಷ್ಯಾದೆದುರು ಮುಗ್ಗರಿಸಿದ್ದ ಸೌದಿ ಅರೇಬಿಯಾ, ಇದೀಗ ಎರಡನೇ ಪಂದ್ಯದಲ್ಲೂ ಸೋಲಿನ ಕಹಿಯುಂಡಿದೆ.