ಟಿ20 ಕ್ರಿಕೆಟ್'ನಲ್ಲಿ ಹೊಸ ದಾಖಲೆ ಬರೆದ ಬ್ರಾವೋ
ಸಾರಾಂಶ
ಟಿ20 ಕ್ರಿಕೆಟ್'ನಲ್ಲಿ ಅತಿಹೆಚ್ಚು ವಿಕೆಟ್ ಪಡೆದಿರುವವರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರುವ ಶ್ರೀಲಂಕಾದ ಲಸಿತ್ ಮಾಲಿಂಗ (228 ಪಂದ್ಯಗಳಲ್ಲಿ 331ವಿಕೆಟ್)ಗಿಂತ ಬ್ರಾವೋ ಬಹಳ ಮುಂದಿದ್ದಾರೆ. ಇನ್ನು ಸುನಿಲ್ ನರೈನ್(262 ಪಂದ್ಯಗಳಲ್ಲಿ 307 ವಿಕೆಟ್) ಮೂರನೇ ಸ್ಥಾನದಲ್ಲಿದ್ದಾರೆ.
ಹೊಬಾರ್ಟ್(ಡಿ.22): ವೆಸ್ಟ್ ಇಂಡೀಸ್'ನ ಡ್ವೇನ್ ಬ್ರಾವೋ ಟಿ20 ಕ್ರಿಕೆಟ್'ನಲ್ಲಿ 400 ವಿಕೆಟ್ ಕಬಳಿಸಿದ ವಿಶ್ವದ ಮೊದಲ ಬೌಲರ್ ಎನ್ನುವ ದಾಖಲೆ ಬರೆದಿದ್ದಾರೆ.
ಆಸ್ಟ್ರೇಲಿಯಾದ ಬಿಗ್'ಬ್ಯಾಶ್'ನಲ್ಲಿ ಮೆಲ್ಬರ್ನ್ ಪರ ಆಡುತ್ತಿರುವ ಬ್ರಾವೋ, ಹೊಬಾರ್ಟ್ ವಿರುದ್ಧದ ಪಂದ್ಯದಲ್ಲಿ 28ರನ್'ಗಳಿಗೆ 5 ವಿಕೆಟ್ ಕಬಳಿಸಿ 400 ವಿಕೆಟ್ ಮೈಲಿಗಲ್ಲು ಸ್ಥಾಪಿಸಿದರು. ಈ ಪಂದ್ಯದಲ್ಲಿ ಬ್ರಾವೋ ಪ್ರತಿನಿಧಿಸುತ್ತಿರುವ ಮೆಲ್ಬರ್ನ್ ರೆನೆಗೇಡ್ಸ್ ತಂಡ 7 ವಿಕೆಟ್'ಗಳ ಗೆಲುವು ದಾಖಲಿಸಿತು.
ಮೊದಲು ಬ್ಯಾಟಿಂಗ್ ಮಾಡಿದ ಹೊಬಾರ್ಟ್ ಹರಿಕೇನ್ಸ್ 8 ವಿಕೆಟ್'ಗೆ 164 ರನ್'ಗಳಿಸಿತ್ತು. ಮೆಲ್ಬರ್ನ್ ತಂಡ 18.3 ಓವರ್'ಗಳಲ್ಲಿ 3 ವಿಕೆಟ್'ಗೆ 165 ರನ್'ಗಳಿಸಿ ಜಯದ ನಗೆ ಬೀರಿತು.
ಟಿ20 ಕ್ರಿಕೆಟ್'ನಲ್ಲಿ ಅತಿಹೆಚ್ಚು ವಿಕೆಟ್ ಪಡೆದಿರುವವರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರುವ ಶ್ರೀಲಂಕಾದ ಲಸಿತ್ ಮಾಲಿಂಗ (228 ಪಂದ್ಯಗಳಲ್ಲಿ 331ವಿಕೆಟ್)ಗಿಂತ ಬ್ರಾವೋ ಬಹಳ ಮುಂದಿದ್ದಾರೆ. ಇನ್ನು ಸುನಿಲ್ ನರೈನ್(262 ಪಂದ್ಯಗಳಲ್ಲಿ 307 ವಿಕೆಟ್) ಮೂರನೇ ಸ್ಥಾನದಲ್ಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.