ಇನ್ಮುಂದೆ ಆಸ್ಟ್ರೇಲಿಯಾ ಆಟಗಾರರು ಕ್ರಿಕೆಟ್ ಆಡುವುದಿಲ್ಲ : ನಿರುದ್ಯೋಗಿಗಳಾದ ಕಾಂಗರೂ ನಾಡಿನ 230 ಆಟಗಾರರು!

ಕ್ರಿಕೆಟ್​​ ಪ್ರೇಮಿಗಳಿಗೆ ಒಂದು ಬ್ರೇಕಿಂಗ್​​​ ನ್ಯೂಸ್​. ಇನ್ಮುಂದೆ ಆಸ್ಟ್ರೇಲಿಯಾ ಆಟಗಾರರು ಕ್ರಿಕೆಟ್​​​ ಆಡುವುದಿಲ್ಲ. ಕಾಂಗರೂ ನಾಡಿನ ಒಟ್ಟು 230 ಪುರುಷ ಮತ್ತು ಮಹಿಳಾ ಕ್ರಿಕೆಟರ್ಸ್​ ಕ್ರಿಕೆಟ್​​'ಗೆ ಬೆನ್ನು ಮಾಡಿ ಕೂತಿದ್ದಾರೆ. ಇದರೊಂದಿಗೆ ಇಡೀ ವಿಶ್ವ ಕ್ರಿಕೆಟ್​​ಗೆ ದಂಗು ಬಡಿಸಿದ್ದಾರೆ. ಅಷ್ಟಕ್ಕೂ ಆಸೀಸ್​​ ಆಟಗಾರರು ಹೀಗೆ ಮಾಡಲು ಕಾರಣವಾದರೂ ಏನೂ..? ಈ ಸ್ಟೋರಿ ನೋಡಿ.

ಕ್ಯಾನ್ಬೆರಾ(ಜು.05): ಕ್ರಿಕೆಟ್​​ ಪ್ರೇಮಿಗಳಿಗೆ ಒಂದು ಬ್ರೇಕಿಂಗ್​​​ ನ್ಯೂಸ್​. ಇನ್ಮುಂದೆ ಆಸ್ಟ್ರೇಲಿಯಾ ಆಟಗಾರರು ಕ್ರಿಕೆಟ್​​​ ಆಡುವುದಿಲ್ಲ. ಕಾಂಗರೂ ನಾಡಿನ ಒಟ್ಟು 230 ಪುರುಷ ಮತ್ತು ಮಹಿಳಾ ಕ್ರಿಕೆಟರ್ಸ್​ ಕ್ರಿಕೆಟ್​​'ಗೆ ಬೆನ್ನು ಮಾಡಿ ಕೂತಿದ್ದಾರೆ. ಇದರೊಂದಿಗೆ ಇಡೀ ವಿಶ್ವ ಕ್ರಿಕೆಟ್​​ಗೆ ದಂಗು ಬಡಿಸಿದ್ದಾರೆ. ಅಷ್ಟಕ್ಕೂ ಆಸೀಸ್​​ ಆಟಗಾರರು ಹೀಗೆ ಮಾಡಲು ಕಾರಣವಾದರೂ ಏನೂ..? ಈ ಸ್ಟೋರಿ ನೋಡಿ.

ಆಸ್ಟ್ರೇಲಿಯಾದ ಕ್ರಿಕೆಟ್​​ ಆಟಗಾರರು ನಿರುದ್ಯೋಗಿಗಳಾಗಿದ್ದಾರೆ. ಬರೋಬ್ಬರಿ 230 ಆಸ್ಟ್ರೇಲಿಯಾದ ಅಂತಾರಾಷ್ಟ್ರೀಯ ಮತ್ತು ಪ್ರಥಮ ದರ್ಜೆ ಕ್ರಿಕೆಟ್'​​ನ ಆಟಗಾರರು ಇನ್ಮುಂದೆ ಕ್ರಿಕೆಟ್​​ ಆಡಲ್ಲ ಎಂದು ಬಂಡಾಯವೆದ್ದಿದ್ದಾರೆ. ಕೇವಲ ಆಟಗಾರರಷ್ಟೆ ಅಲ್ಲ, ಮಹಿಳಾ ಕ್ರಿಕೆಟ್​​ ಆಟಗಾರ್ತಿಯರೂ ಬಂಡಾಯಕ್ಕೆ ಧ್ವನಿ ಎತ್ತಿದ್ದಾರೆ. ಕ್ರಿಕೆಟ್​​ ಆಸ್ಟ್ರೇಲಿಯಾ ವಿರುದ್ಧ ಪ್ರತಿಭಟನೆಗಿಳಿದ್ದಿದ್ದಾರೆ.

ಒಂದು ಕಾಲದಲ್ಲಿ ಕ್ರಿಕೆಟ್​​ ಜಗತನ್ನೇ ಆಳಿದ್ದ, 4 ಬಾರಿ ವಿಶ್ವ ಚಾಂಪಿಯನ್ನಗಳಾಗಿರುವ ಆಸ್ಟ್ರೇಲಿಯಾ ಸದ್ಯ ಗೊಂದಲದ ಗೂಡಾಗಿಬಿಟ್ಟಿದೆ. ಯಾರ ಮಾತನ್ನೂ ಯಾರೂ ಕೇಳುತ್ತಿಲ್ಲ. ಆಸ್ಟ್ರೇಲಿಯಾದ ಕ್ರಿಕೆಟ್​​ ಬೋರ್ಡ್ ವಿರುದ್ಧ ಆಸ್ಟ್ರೇಲಿಯಾದ ಆಟಗಾರರು ಗರಂ ಆಗಿದ್ದಾರೆ. ಕ್ರಿಕೆಟ್​​​ ಬೋರ್ಡ್​ ವಿರುದ್ಧ ಒಟ್ಟು 230 ಮಹಿಳಾ ಮತ್ತು ಪುರುಷ ಆಟಗಾರರು ಪ್ರತಿಭಟನೆಗಿಳಿದ್ದಾರೆ.

ಕ್ರಿಕೆಟ್​​ ಬೋರ್ಡ್​ ವಿರುದ್ಧ ಆಟಗಾರರು ಗರಂ ಆಗಿರೋದ್ಯಾಕೆ.?: ಆಟಗಾರರನ್ನ ಕಡೆಗಣಿಸುತ್ತಿದ್ಯಾ ಕ್ರಿಕೆಟ್​​ ಬೋರ್ಡ್​..?

ಆಸ್ಟ್ರೇಲಿಯಾದ ಕ್ರಿಕೆಟ್​​​ ಬೋರ್ಡ್​ ಮತ್ತು ಆಟಗಾರರ ನಡುವೆ ಫೈಟ್​​​ ಶುರುವಾಗಿದೆ. ಆಟಗಾರರ ಸಂಬಳದ ವಿಚಾರವಾಗಿ ಬೋರ್ಡ್​ ಮತ್ತು ಆಟಗಾರರ ನಡುವೆ ಮನಸ್ಥಾಪ ಹುಟ್ಟಿಕೊಂಡಿದೆ. ಕಳೆದ ಮಾರ್ಚ್​ನಲ್ಲಿ ಕ್ರಿಕೆಟ್​​ ಬೋರ್ಡ್​ ಸಂಬಳದ ವಿಚಾರವಾಗಿ ತೆಗೆದುಕೊಂಡಿರುವ ಒಂದು ನಿರ್ಧಾರ ಇಂದು ಆಟಗಾರರ ಕೋಪಕ್ಕೆ ಕಾರಣವಾಗಿದೆ. ಆ ನಿರ್ಧಾರದಿಂದ ಇಡೀ ದೇಶದ ಕ್ರಿಕೆಟ್​​ ಆಟಗಾರರಿಗೆ ಅನ್ಯಾಯವಾಗಲಿದೆ. ಹೀಗಾಗಿ ಅಂತಾರಾಷ್ಟ್ರೀಯ ಮತ್ತು ಡೊಮೆಸ್ಟಿಕ್​​ ಆಟಗಾರರು ಒಂದಾಗಿ ಬೋರ್ಡ್​ ವಿರುದ್ಧ ಕತ್ತಿ ಮಸೆಯುತ್ತಿದ್ದಾರೆ.

ಆಟಗಾರರ ಸಂಬಳಕ್ಕೆ ಕತ್ತರಿ ಹಾಕಲು ಹೊರಟಿದೆ ಕ್ರಿಕೆಟ್​​ ಬೋರ್ಡ್​

ಹೌದು, ಕ್ರಿಕೆಟ್​​ ಆಸ್ಟ್ರೇಲಿಯಾ ತನ್ನ ಆಟಗಾರರ ಸಂಬಳಕ್ಕೆ ಕತ್ತರಿ ಹಾಕಲು ಹೊರಟಿದೆ. ಇದುವರೆಗೂ ಪ್ರತೀ ವರ್ಷ ಕ್ರಿಕೆಟ್​​ ಆಸ್ಟ್ರೇಲಿಯಾ ಗಳಿಸುತ್ತಿದ್ದ ಆದಾಯದ ಶೇಕಡ 26ರಷ್ಟು ಭಾಗವನ್ನ ಅಂತಾರಾಷ್ಟ್ರೀಯ ಮತ್ತು ಪ್ರಥಮದರ್ಜೆಯ ಪುರುಷ ಹಾಗೂ ಮಹಿಳಾ ಆಟಗಾರರಿಗೆ ನೀಡ್ತಿತ್ತು. ಆದ್ರೆ ಕಳೆದ ಮಾರ್ಚ್​ನಲ್ಲಿ ಕ್ರಿಕೆಟ್​​ ಆಸ್ಟ್ರೇಲಿಯಾ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ. ಅದರ ಪ್ರಕಾರ ಆಟಗಾರರ ಪರ್ಸಂಟೇಜ್​'ಗೆ ಕತ್ತರಿ ಬೀಳಲಿದೆ.

ಟಾಪ್​​ 20 ಆಟಗಾರರಿಗೆ ಪರ್ಸಂಟೇಜ್​​​​..!: ಉಳಿದವರಿಗೆ ಕನಿಷ್ಠ ಸಂಬಳ

ಆಸ್ಟ್ರೇಲಿಯನ್​​ ಕ್ರಿಕೆಟ್​​ ಬೋರ್ಡ್​ ಮಾಡಿರುವ ಹೊಸ ನಿಯಮದ ಪ್ರಕಾರ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಪ್ರತಿನಿಧಿಸುವ 20 ಆಟಗಾರರಿಗೆ ಮಾತ್ರ ಆದಾಯದಲ್ಲಿ ಇಂತಿಷ್ಟು ಪರ್ಸಂಟೇಜ್​​ ನೀಡಲಾಗುತ್ತೆ. ಉಳಿದ ಪ್ರಥಮ ದರ್ಜೆ ಆಟಗಾರರಿಗೆ ಇಂತಿಷ್ಟು ಸಂಬಳ ಎಂದು ಫಿಕ್ಸ್​​ ಮಾಡಲಿದೆ. ಇದರ ಪ್ರಕಾರ ಎಲ್ಲಾ ಆಟಗಾರರಿಗೂ ಅನ್ಯಾಯವಾಗಲಿದೆ.

ಗೊಂಲ ಇತ್ಯರ್ಥವಾಗುವವರೆಗೂ ಕ್ರಿಕೆಟ್​​ ಆಡಲ್ವಂತೆ..!

ಸದ್ಯ ಸಂಬಳದ ವಿಷಯವಾಗಿ ಆಸ್ಟ್ರೇಲಿಯಾದ ಎಲ್ಲಾ ಕ್ರಿಕೆಟ್​​ ಆಟಗಾರರೂ ಬಂಡಾಯವೆದ್ದಿದ್ದಾರೆ. ಇದು ಇತ್ಯರ್ಥವಾಗುವವರೆಗೂ ನಾವು ಕ್ರಿಕೆಟ್​​ ಆಡೋದಿಲ್ಲ ಎಂದು ಆಟಗಾರರು ತಿರ್ಮಾನಿಸಿದ್ದಾರೆ. ಹೀಗಾಗಿ ಜುಲೈ 12 ರಿಂದ ನಡೆಯಬೇಕಿದ್ದ ದಕ್ಷಿಣ ಆಫ್ರಿಕಾ ವಿರುದ್ಧದ ಜೂನಿಯರ್​​​​ ತಂಡದ ಅಸೈನ್​​ಮೆಂಟ್​ಗೂ ಆಟಗಾರರು ಗೈರಾಗಲಿದ್ದಾರೆ. ಅಷ್ಟೇ ಅಲ್ಲ ಮುಂದಿನ ತಿಂಗಳು ನಡೆಯಬೇಕಿರುವ ಬಾಂಗ್ಲಾದೇಶ ಸರಣಿ ಹಾಗೂ ನಂತರ ನಡೆಯುವ ಆಶಸ್​​​ ಸರಣಿಯೂ ತೂಗುಯ್ಯಾಲೆಯಲ್ಲಿದೆ.

ಮುಂದೇನು ಆಸ್ಟ್ರೇಲಿಯಾ ಕ್ರಿಕೆಟ್​​'ನ ಗತಿ..?

ಸದ್ಯ ಆಟಗಾರರ ಮತ್ತು ಬೋರ್ಡ್​ ನಡುವಿನ ಕಿತ್ತಾಟದಿಂದ ಆಸ್ಟ್ರೇಲಿಯಾ ಕ್ರಿಕೆಟ್​​ ಬಲಿಯಾಗುತ್ತಿದೆ. ಬೋರ್ಡ್;​ಗೆ ಸದ್ಯ ಇರುವುದು ಎರಡೇ ದಾರಿ. ಒಂದು ಆಟಗಾರರ ಬೇಡಿಕೆಯಂತೆ ಈ ಹಿಂದಿನ ಪರ್ಸಂಟೇಜ್​​ ಲೆಕ್ಕದ ಸಂಬಳವನ್ನ ಮುಂದುವರಿಸೋದು. ಇಲ್ಲವಾದ್ರೆ ಹೊಸ ಕಿರಿಯ ಆಟಗಾರರನ್ನು ಹುಡುಕುವುದು. ಆದರೆ  ಎಲ್ಲವೂ ಬಹುಬೇಗ ಸರಿಹೋಗಲಿ, ಮತ್ತೆ ಆಸ್ಟ್ರೇಲಿಯಾ ಕ್ರಿಕೆಟ್​​ ಘತವೈಭವ ಮರುಕಳಿಸಲಿ ಎಂಬುದೇ ಕ್ರಿಕೆಟ್​​ ಪ್ರಿಯರ ಅಭಿಪ್ರಾಯ.