ರನ್ನರ್ ಇದ್ದರೂ ಓಡಿದ ಬ್ಯಾಟ್ಸ್ಮನ್ ರನೌಟ್!
ಸಾರಾಂಶ
ಆಸ್ಟ್ರೇಲಿಯಾ ಶೆಫೀಲ್ಡ್ ಟೂರ್ನಿ ಅಪರೂಪದ ಘಟನೆಗೆ ಸಾಕ್ಷಿಯಾಗಿದೆ. ರನ್ನರ್ ಇದ್ದೂ ರನೌಟ್ ಆದ ಪ್ರಸಂಗ ನಡೆದಿದೆ. ಇದು ಹೇಗಾಯ್ತು ಇಲ್ಲಿದೆ ವಿವರ.
ಮೆಲ್ಬರ್ನ್(ಮಾ.14): ಆಸ್ಪ್ರೇಲಿಯಾದ ಶೆಫೀಲ್ಡ್ ಶೀಲ್ಡ್ ಟೂರ್ನಿಯಲ್ಲಿ ಬುಧವಾರ ಅಪರೂಪದ ಪ್ರಸಂಗವೊಂದು ನಡೆದಿದೆ. ಬ್ಯಾಟ್ಸ್ಮನ್ ರನ್ನರ್ ಇಟ್ಟುಕೊಂಡು ಓಡಿ ರನೌಟ್ ಆದ ಘಟನೆ ನಡೆದಿದೆ. ಈ ಮೂಲಕ ಕ್ರಿಕೆಟ್ ಇತಿಹಾಸದಲ್ಲಿ ಅಪರೂಪದ ಘಟನೆಗೆ ಶೆಫೀಲ್ಡ್ ಟೂರ್ನಿ ಸಾಕ್ಷಿಯಾಗಿದೆ.
ಇದನ್ನೂ ಓದಿ: ಕ್ರಿಕೆಟ್ ಇತಿಹಾಸದಲ್ಲೇ ಮೊದಲು: ನ್ಯೂಜಿಲೆಂಡ್ ಆಟಗಾರ್ತಿ ವಿಶಿಷ್ಠ ರೀತಿಯಲ್ಲಿ ಔಟ್!
ವಿಕ್ಟೋರಿಯಾ ವಿರುದ್ಧದ ಪಂದ್ಯದಲ್ಲಿ ನ್ಯೂ ಸೌತ್ ವೇಲ್ಸ್ನ ಸ್ಟೀವ್ ಓ ಕೀಫ್, ಸ್ನಾಯು ಸೆಳೆತಕ್ಕೆ ತುತ್ತಾಗಿದ್ದ ಕಾರಣ ರನ್ನರ್ನೊಂದಿಗೆ ಬ್ಯಾಟ್ ಮಾಡಲು ಕ್ರೀಸ್ಗಿಳಿದರು. ಸ್ಕಾಟ್ ಬೋಲೆಂಡ್ ಬೌಲಿಂಗ್ನಲ್ಲಿ ತಾವು ಎದುರಿಸಿದ ಮೊದಲ ಎಸೆತವನ್ನು ಮಿಡ್ ಆನ್ನತ್ತ ಬಾರಿಸಿದ ಓ ಕೀಫ್, ರನ್ನರ್ ಇರುವುದನ್ನು ಮರೆತು ತಾವೇ ಸ್ವತಃ ಓಡಲು ಆರಂಭಿಸಿದರು.
ಇದನ್ನೂ ಓದಿ: ರಿಷಭ್ ಪಂತ್ ಮಾಡಿದ ಎಡವಟ್ಟುಗಳು ಒಂದಾ.. ಎರಡಾ..?
ಮತ್ತೊಂದು ಬದಿಯಲ್ಲಿದ್ದ ಪೀಟರ್ ನೀವಿಲ್, ಓ ಕೀಫ್ ಕರೆಗೆ ಸ್ಪಂದಿಸಿದರು. ಆದರೆ ರನ್ನರ್ ಆಗಿ ಬಂದಿದ್ದ ನಿಕ್ ಲಾರ್ಕಿನ್ ಸಹ ಓಡಿದ್ದರಿಂದ ಗೊಂದಲ ಸೃಷ್ಟಿಯಾಯಿತು. ಕ್ಷೇತ್ರರಕ್ಷಕ ಜಾನ್ ಹಾಲೆಂಡ್, ಚೆಂಡನ್ನು ಕೀಪರ್ಗೆ ಎಸೆದು ಓ ಕೀಫ್ ಕ್ರೀಸ್ ತಲುಪುವ ವೇಳೆಗೆ ರನೌಟ್ ಮಾಡಿದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.