ಟೀಂ ಇಂಡಿಯಾದ ಪ್ರಧಾನ ಕೋಚ್ ಆಗಿ ನೇಮಕಗೊಂಡ ರವಿಶಾಸ್ತ್ರಿ ಸಂಭಾವನೆ ಎಷ್ಟು ಗೊತ್ತಾ?
ಸಾರಾಂಶ
ಪ್ರಧಾನ ಕೋಚ್ ಹುದ್ದೆ ನಿರ್ವಹಿಸಲು ರವಿಶಾಸ್ತ್ರಿ ವರ್ಷಕ್ಕೆ ₹7 ಕೋಟಿಯಿಂದ ₹7.5 ಕೋಟಿ ಸಂಭಾವನೆ ಪಡೆಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಕುತೂಹಲಕಾರಿ ಅಂಶವೆಂದರೆ ಅನಿಲ್ ಕುಂಬ್ಳೆ ಕೋಚ್'ಗಳ ಸಂಭಾವನೆಯನ್ನು ಹೆಚ್ಚಿಸಬೇಕು ಎಂದು ಪ್ರಸ್ತಾಪಿಸಿದ್ದರು.
ಮುಂಬೈ(ಜು.17): ಪ್ರಧಾನ ಕೋಚ್ ಹುದ್ದೆ ನಿರ್ವಹಿಸಲು ರವಿಶಾಸ್ತ್ರಿ ವರ್ಷಕ್ಕೆ ₹7 ಕೋಟಿಯಿಂದ ₹7.5 ಕೋಟಿ ಸಂಭಾವನೆ ಪಡೆಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಕುತೂಹಲಕಾರಿ ಅಂಶವೆಂದರೆ ಅನಿಲ್ ಕುಂಬ್ಳೆ ಕೋಚ್'ಗಳ ಸಂಭಾವನೆಯನ್ನು ಹೆಚ್ಚಿಸಬೇಕು ಎಂದು ಪ್ರಸ್ತಾಪಿಸಿದ್ದರು.
ತಮ್ಮ ಪ್ರಸ್ತಾಪ ದಲ್ಲಿ ಕುಂಬ್ಳೆ, ಕೋಚ್ಗೆ ₹7 ಕೋಟಿ ಸಂಭಾವನೆ ನೀಡಬೇಕು ಎಂದಿದ್ದರು. ಆದರೆ 7 ವರ್ಷಗಳ ಹಿಂದೆ ತಂಡದ ನಿರ್ದೇಶಕರಾಗಿದ್ದಾಗಲೇ ರವಿಶಾಸ್ತ್ರಿ ವಾರ್ಷಿಕ 7ರಿಂದ 7.5 ಕೋಟಿ ಸಂಭಾವನೆ ಪಡೆಯುತ್ತಿದ್ದರು ಎನ್ನಲಾಗಿದೆ.
ಮಾಧ್ಯಮಗಳೊಂದಿಗಿನ ಒಪ್ಪಂದಗಳು, ವೀಕ್ಷಕ ವಿವರಣೆ ಇದೆಲ್ಲವನ್ನೂ ಬಿಟ್ಟಿದ್ದ ಶಾಸ್ತ್ರಿಗೆ ಪರಿಹಾರವಾಗಿ ಬಿಸಿಸಿಐ ಅಷ್ಟೊಂದು ಸಂಭಾವನೆ ನೀಡುತ್ತಿತ್ತು. ಸಹಾಯಕ ಕೋಚ್'ಗಳಾದ ಬಾಂಗರ್, ಶ್ರೀಧರ್'ಗೆ ವಾರ್ಷಿಕ ₹2 ಕೋಟಿ ಸಂಭಾವನೆ ನಿಗದಿ ಮಾಡಲಾಗುತ್ತಿದೆ. ದ್ರಾವಿಡ್ ₹5 ಕೋಟಿ ಪಡೆಯಲಿದ್ದಾರೆ. ಇನ್ನು ಜಹೀರ್ ಸಂಭಾವನೆ ಎಷ್ಟು ಎನ್ನುವುದಿನ್ನೂ ಅಂತಿಮವಾಗಿಲ್ಲ .
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.