ಕ್ಷುದ್ರ ಗ್ರಹದ ಮೇಲೆ ಇಳಿದ ನಾಸಾ ನೌಕೆ, ಮಣ್ಣು ಸಂಗ್ರಹ!
ಸಾರಾಂಶ
ಕ್ಷುದ್ರ ಗ್ರಹದ ಮೇಲೆ ಇಳಿದ ನಾಸಾ ನೌಕೆ, ಮಣ್ಣು ಸಂಗ್ರಹ| 4 ವರ್ಷಗಳ ಸುದೀರ್ಘ ಪ್ರಯಾಣ ಅಂತ್ಯ
ವಾಷಿಂಗ್ಟನ್(ಅ.22): ನಾಸಾದ ಒಸಿರಿಸ್ ಆರ್ಇಕ್ಸ್ ನೌಕೆ 4 ವರ್ಷಗಳ ಸುದೀರ್ಘ ಪ್ರಯಾಣದ ಬಳಿಕ ಭೂಮಿಯಿಂದ ಸುಮಾರು 32.1 ಕೋಟಿ ಕಿ.ಮೀ. ದೂರದಲ್ಲಿರುವ ಬೆನ್ನು ಎಂಬ ಕ್ಷುದ್ರಗ್ರಹದ ಮೇಲೆ ಇಳಿಯುವಲ್ಲಿ ಯಶಸ್ವಿಯಾಗಿದೆ.
ಈ ಮೂಲಕ ಬಾಹ್ಯಾಕಾಶ ಕ್ಷೇತ್ರದಲ್ಲಿ ನಾಸಾ ಮತ್ತೊಂದು ಮೈಲಿಗಲ್ಲು ಸಾಧಿಸಿದೆ. ನೌಕೆಯಲ್ಲಿ ಅಳವಡಿಸಿರುವ ರೋಬೋಟಿಕ್ ಕೈಗಳು ಕ್ಷುದ್ರಗ್ರಹದ ಧೂಳಿನ ಕಣಗಳನ್ನು ಸಂಗ್ರಹಿಸಿ 2023ರ ಸೆಪ್ಟೆಂಬರ್ ವೇಳೆಗೆ ಪುನಃ ಭೂಮಿಗೆ ಮರಳಲಿದೆ. ಈ ನೌಕೆಯನ್ನು ಫೆä್ಲೕರಿಡಾದ ಉಡಾವಣಾ ನೆಲೆಯಿಂದ 2016ರ ಸೆ.8ರಂದು ಉಡಾವಣೆ ಮಾಡಲಾಗಿತ್ತು.
ಸೌರ ಮಂಡಲ ವ್ಯವಸ್ಥೆ ರಚನೆ ಆದ ಮೊದಲ 1 ಕೋಟಿ ವರ್ಷದಲ್ಲಿ ಸೃಷ್ಟಿಯಾದ ಕ್ಷುದ್ರಗ್ರಹ ಇದಾಗಿದೆ. ಹೀಗಾಗಿ ಈ ಕ್ಷುದ್ರಗ್ರಹದ ಮಾದರಿಗಳು ಸೌರ ಮಂಡಲದ ರಚನೆಯ ಬಗ್ಗೆ ಅಧ್ಯಯನ ನಡೆಸಲು ಸಹಕಾರಿಯಾಗಲಿದೆ ಎಂದು ಭಾವಿಸಲಾಗಿದೆ.
ಈ ಆಕಾಶಕಾಯ 490 ಮೀಟರ್ ಸುತ್ತಳತೆಯನ್ನು ಹೊಂದಿದೆ. ಇದರಿಂದ ಸುಮಾರು 2 ಕೇಜಿಯಷ್ಟುಮಣ್ಣು ಹಾಗೂ ಧೂಳಿನ ಕಣಗಳನ್ನು ಸಂಗ್ರಹಿಸಿರುವ ಒಸಿರಿಸ್ ಆರ್ಇಕ್ಸ್ ನೌಕೆ ತನ್ನಲ್ಲಿರುವ ಇಂಧನವನ್ನು ದಹಿಸಿ ಭೂಮಿಯತ್ತ ಪ್ರಯಾಣ ಬೆಳೆಸಲಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.