ನಾವೆಂದೂ ಮತಗಳಿಗಾಗಿ ಆಮಿ​ಷ​ವೊಡ್ಡಲ್ಲ: ಶಾಸಕಿ ಅನಿತಾ ಕುಮಾ​ರ​ಸ್ವಾಮಿ

ಕ್ಷೇತ್ರದ ಮತ​ದಾ​ರ​ರಿಗೆ ಆಮಿ​ಷ​ವೊಡ್ಡಿ ಮತ ಹಾಕಿ​ಸಿ​ಕೊ​ಳ್ಳು​ವು​ದಿಲ್ಲ. ಅಂತಹ ರಾಜ​ಕಾ​ರಣ ನಾವೆಂದೂ ಮಾಡುವುದೂ ಇಲ್ಲ. ನಾವು ಮಾಡಿ​ರುವ ಅಭಿ​ವೃದ್ಧಿ ಕಾರ್ಯ​ಗ​ಳನ್ನು ಮುಂದಿ​ಟ್ಟು​ಕೊಂಡು ಮತ​ಯಾ​ಚನೆ ಮಾಡು​ತ್ತೇವೆ ಎಂದು ಶಾಸಕಿ ಅನಿತಾ ಕುಮಾ​ರ​ಸ್ವಾಮಿ ಹೇಳಿ​ದರು.

ರಾಮ​ನ​ಗರ (ಫೆ.16): ಕ್ಷೇತ್ರದ ಮತ​ದಾ​ರ​ರಿಗೆ ಆಮಿ​ಷ​ವೊಡ್ಡಿ ಮತ ಹಾಕಿ​ಸಿ​ಕೊ​ಳ್ಳು​ವು​ದಿಲ್ಲ. ಅಂತಹ ರಾಜ​ಕಾ​ರಣ ನಾವೆಂದೂ ಮಾಡುವುದೂ ಇಲ್ಲ. ನಾವು ಮಾಡಿ​ರುವ ಅಭಿ​ವೃದ್ಧಿ ಕಾರ್ಯ​ಗ​ಳನ್ನು ಮುಂದಿ​ಟ್ಟು​ಕೊಂಡು ಮತ​ಯಾ​ಚನೆ ಮಾಡು​ತ್ತೇವೆ ಎಂದು ಶಾಸಕಿ ಅನಿತಾ ಕುಮಾ​ರ​ಸ್ವಾಮಿ ಹೇಳಿ​ದರು. ತಾಲೂ​ಕಿನ ಕೈಲಾಂಚ ಹೋಬ​ಳಿಯ ಹಲವು ಗ್ರಾಮ​ಗ​ಳಲ್ಲಿ ಅಭಿ​ವೃದ್ಧಿ ಕಾಮ​ಗಾ​ರಿಗಳಿಗೆ ಭೂಮಿ ಪೂಜೆ ನೆರ​ವೇ​ರಿ​ಸಿದ ಬಳಿಕ ಮಾತ​ನಾ​ಡಿದ ಅವ​ರು, ಚುನಾ​ವಣೆ ಸಮ​ಯ​ದಲ್ಲಿ ಮತ​ದಾ​ರ​ರನ್ನು ಸೆಳೆ​ಯಲು ಕುಕ್ಕರ್‌, ಸೀರೆ ನೀಡು​ವುದು ಸಾಮಾನ್ಯ. ಇದೆಲ್ಲ ತಾತ್ಕಾ​ಲಿಕ ಎಂಬು​ದನ್ನು ಮತ​ದಾ​ರರು ಅರಿ​ತು​ಕೊ​ಳ್ಳ​ಬೇಕು. 

ಕ್ಷೇತ್ರ​ದ​ಲ್ಲಿ​ರುವ ಸಮ​ಸ್ಯೆ​ಗ​ಳಿಗೆ ಶಾಶ್ವ​ತ​ವಾದ ಪರಿ​ಹಾರ ಬೇಕು. ಆದ್ದ​ರಿಂದ ಮತ​ದಾ​ರರು ಆಮಿ​ಷ​ಗ​ಳಿಗೆ ಮಾರು ಹೋಗದೆ ಸಮ​ಸ್ಯೆ​ಗ​ಳಿಗೆ ಶಾಶ್ವತ ಪರಿ​ಹಾರ ದೊರ​ಕಿಸಿ ಕ್ಷೇತ್ರವನ್ನು ಅಭಿ​ವೃ​ದ್ಧಿ ಮಾಡ​ಬಲ್ಲ ವ್ಯಕ್ತಿ​ಯನ್ನು ಆಯ್ಕೆ ಮಾಡಿ​ಕೊ​ಳ್ಳ​ಬೇಕು. ಯಾರನ್ನು ಆಯ್ಕೆ ಮಾಡಿ​ದರೆ ಕ್ಷೇತ್ರಕ್ಕೆ ಒಳ್ಳೆ​ಯ​ದಾ​ಗು​ತ್ತದೆ ಎಂಬು​ದನ್ನು ಯೋಚಿಸಿ ನಿರ್ಧಾರ ಮಾಡ​ಬೇಕು ಎಂದು ಹೇಳಿ​ದರು. ಜನ​ರಿಗೆ ಆಮಿಷ​ಗ​ಳನ್ನು ತೋರಿಸಿ ಮತ ಹಾಕಿ​ಸಿ​ಕೊ​ಳ್ಳು​ವ ಕೆಲ​ಸ​ವನ್ನು ನಾನಾ​ಗಲಿ ಅಥವಾ ನಮ್ಮ ಕುಟುಂಬ​ದ​ವ​ರಾ​ಗಲಿ ಯಾರೂ ಮಾಡಿಲ್ಲ. ಅಂತಹ ರಾಜ​ಕಾ​ರಣ ನಮಗೆ ಬೇಕಾಗಿಲ್ಲ. ಅಭಿ​ವೃ​ದ್ಧಿಯ ಮಾನ​ದಂಡದ ಮೇಲೆ ಚುನಾ​ವಣೆ ಎದು​ರಿ​ಸು​ತ್ತೇವೆ. 

ಮೊಟ್ಟೆ​ದೊಡ್ಡಿ ಹಾಗೂ ವಡ್ಡ​ರ​ಹಳ್ಳಿಯಲ್ಲಿ ಏತ ನೀರಾ​ವರಿ ಯೋಜನೆ, ಗುನ್ನಾ​ರಿ​ನಲ್ಲಿ 15 ಕೋಟಿ ರು.ವೆ​ಚ್ಚ​ದಲ್ಲಿ ವಸತಿ ನಿಲಯ, ಹುಲಿ​ಕೆ​ರೆ​ ಹಾಗೂ ಗೌಡ​ಯ್ಯ​ನ​ದೊಡ್ಡಿಯಲ್ಲಿಯೂ ಸೇತುವೆ ನಿರ್ಮಿ​ಸ​ಲಾ​ಗಿದೆ. ಗುನ್ನೂ​ರಿ​ನ​ಲ್ಲಿಯೂ ಸೇತು​ವೆಗೆ ಬೇಡಿಕೆ ಇದ್ದು, ಶೀಘ್ರ​ದಲ್ಲಿ ಚಾಲನೆ ನೀಡ​ಲಾ​ಗು​ವುದು ಎಂದ​ರು. ಜಿಪಂ ಮಾಜಿ ಅಧ್ಯಕ್ಷ ರಾಜಣ್ಣ, ಬಿಡಿ​ಸಿಸಿ ಬ್ಯಾಂಕ್‌ ಮಾಜಿ ನಿರ್ದೇ​ಶಕ ಅಸ್ವತ್ತ, ದೊರೆ​ಸ್ವಾಮಿ, ಗ್ರಾಪಂ ಉಪಾ​ಧ್ಯಕ್ಷೆ ವಿಜ​ಯಮ್ಮ ನಾಗ​ರಾಜು, ಮುಖಂಡ​ರಾ​ದ ಭೈರಪ್ಪ, ರಾಜು, ಜಿ.ಟಿ.​ಕೃ​ಷ್ಣ, ಸಿದ್ದು, ಬಸ​ವ​ರಾಜು, ನವೀನ್‌, ಗಿರೀಶ್‌ ವಾಸು, ಜಯ​ಕು​ಮಾರ್‌, ಗೋಪಾಲ್‌ ನಾಯಕ್‌, ನವೀನ್‌, ನಂದೀಶ್‌ಗೌಡ, ತಮ್ಮ​ಣ್ಣ ಮತ್ತಿ​ತ​ರರು ಹಾಜ​ರಿ​ದ್ದ​ರು.

ಅಭಿವೃದ್ಧಿಯೇ ಜೆಡಿಎಸ್‌ ಧ್ಯೇಯ: ನಗ​ರ​ಸಭೆ ವ್ಯಾಪ್ತಿಯ ವಿವಿಧ ವಾರ್ಡು​ಗ​ಳಲ್ಲಿ 10.40 ಕೋಟಿ ರು. ವೆಚ್ಚದ ಅಭಿ​ವೃದ್ಧಿ ಕಾಮ​ಗಾ​ರಿ​ಗ​ಳಿಗೆ ಶಾಸಕಿ ಅನಿತಾ ಕುಮಾ​ರ​ಸ್ವಾಮಿ ಸೋಮ​ವಾರ ಭೂಮಿಪೂಜೆ ನೆರ​ವೇ​ರಿ​ಸಿ​ ಚಾಲನೆ ನೀಡಿದ​ರು. ನಗ​ರದ 23ನೇ ವಾರ್ಡಿನ ಟಿಪ್ಪು ಶಾಲೆ ಬಳಿಯ ಸೀರಳ್ಳಕ್ಕೆ ಅಡ್ಡಲಾಗಿ ಸೇತುವೆ ನಿರ್ಮಾಣ, 22ನೇ ವಾರ್ಡಿನ ಕೊತ್ತೀಪುರ ಮುಖ್ಯರಸ್ತೆ ಡಾಂಬರೀಕರಣ , 11ನೇ ವಾರ್ಡಿ​ನಲ್ಲಿ ಜೋಡಿ ರಸ್ತೆ ಡಾಂಬರೀಕರಣ, 12ನೇ ವಾರ್ಡಿನಲ್ಲಿ ಡಾಂಬರೀಕರಣ. 6ನೇ ವಾರ್ಡಿನ ಚಾಮುಂಡೇಶ್ವರಿ ದೇವಾಸ್ಥಾನದ ಮುಂದೆ ಚರಂಡಿ ಕಾಮಗಾರಿಗೆ ಶಾಸ​ಕರು ಗುದ್ದಲಿಪೂಜೆ ನೆರ​ವೇ​ರಿ​ಸಿ​ದರು.

ಆನಂತರ ಆಗ್ರಹಾರದ ಶ್ರೀ ಆಂಜನೇಯಸ್ವಾಮಿ ದೇವಾಲಯದ ರಸ್ತೆ ಡಾಂಬರೀಕರಣ, ಆದಿಶಕ್ತಿಪುರದಲ್ಲಿ ಚರಂಡಿ ಕಾಮಗಾರಿ, ರೋಟರಿ ಕ್ಲಬ್‌ನಿಂದ ಆಂಜನೇಯಸ್ವಾಮಿ ದೇವಾಲಯದವರೆಗೆ ರಸ್ತೆ ನಿರ್ಮಾಣ, ಮಲ್ಲೇಶ್ವರ ಬಡಾವಣೆಯ ಉದ್ಯಾವನ ಬಳಿ ಹಿರಿಯ ನಾಗರಿಕರ ತಂಗುದಾಣ, ರಂಗರಾಯರದೊಡ್ಡಿಯ ಕೆರೆ ರಸ್ತೆಯಲ್ಲಿ ಸೇತುವೆ ನಿರ್ಮಾಣ ಹಾಗೂ ರಂಗರಾಯರದೊಡ್ಡಿಯ ಗ್ರಾಮದವರೆಗೆ ಡಾಂಬರೀಕರಣ ಕಾಮಗಾರಿಗೆ ಅನಿತಾಕುಮಾರಸ್ವಾಮಿ ಚಾಲನೆ ನೀಡಿದರು. ಈ ವೇಳೆ ಮಾತನಾಡಿದ ಅವರು, ಕ್ಷೇತ್ರದ ಅಭಿವೃದ್ಧಿಗಾಗಿ ಮಹಿಳೆಯಾಗಿ ಸಾಕಷ್ಟುದುಡಿಯುತ್ತಿದ್ದೇನೆ. ನನ್ನ ಅಭಿವೃದ್ಧಿ ಕಾರ್ಯಗಳನ್ನು ಕ್ಷೇತ್ರದ ಜನ ಗುರುತಿಸುತ್ತಾರೆ ಎಂಬ ನಂಬಿಕೆ ಇದೆ. ಜೆಡಿಎಸ್‌ ಪಕ್ಷದ್ದು ಅಭಿವೃದ್ಧಿಯೇ ಧ್ಯೇಯ ಮಂತ್ರವಾಗಿದೆ ಎಂದು ಹೇಳಿದರು.