ಲಖನೌ (ಜು.7): ದೇಶದ ಅತಿ ಪ್ರಾಚೀನ ರಾಜಕೀಯ ಪಕ್ಷವಾದ ಕಾಂಗ್ರೆಸ್ ಬಲವು, ಉತ್ತರ ಪ್ರದೇಶ ವಿಧಾನ ಪರಿಷತ್‌ನಲ್ಲಿ 110 ವರ್ಷಗಳಲ್ಲೇ ಮೊದಲ ಬಾರಿಗೆ ಶೂನ್ಯಕ್ಕೆ ಕುಸಿದಿದೆ.
ಮೇಲ್ಮನೆಯಲ್ಲಿ ಇದ್ದ ಕಾಂಗ್ರೆಸ್‌ನ ಏಕೈಕ ಶಾಸಕನ ಅಧಿಕಾರವಧಿ ಬುಧವಾರ ಮುಕ್ತಾಯವಾಗಿದೆ. ಹೀಗಾಗಿ ಒಂದೂ ಸ್ಥಾನ ಕಾಂಗ್ರೆಸ್ ಬಳಿ ಇಲ್ಲವಾಗಿದೆ. ರಾಜ್ಯದ ವಿಧಾನಪರಿಷತ್ತಿನಲ್ಲಿ 100 ಸ್ಥಾನಗಳಿದ್ದು 72 ಸ್ಥಾನ ಹೊಂದಿರುವ ಬಿಜೆಪಿ ಭಾರಿ ಬಹುಮತದೊಂದಿಗೆ ಪ್ರಾಬಲ್ಯ ಮೆರೆಯುತ್ತಿದೆ.
ASSEMBLY ELECTION 2023; ಕೋಲಾರದಿಂದ ಸ್ಪರ್ಧಿಸಲು ಸಿದ್ದರಾಮಯ್ಯ ತಾತ್ವಿಕ ಒಪ್ಪಿಗೆ?
ಏಕೈಕ ಕಾಂಗ್ರೆಸ್ಸಿಗ ನಿವೃತ್ತಿ: ಉತ್ತರ ಪ್ರದೇಶ ವಿಧಾನ ಪರಿಷತ್‌ 1889ರಲ್ಲಿ ರಚನೆಯಾಯಿತು. ಪಂ. ಜವಾಹರಲಾಲ್‌ ನೆಹರು ಅವರ ತಂದೆ ಮೋತಿಲಾಲ್‌ ನೆಹರು ಅವರು 1909ರಲ್ಲಿ ಮೊದಲ ಬಾರಿಗೆ ಎಂಎಲ್‌ಸಿಯಾಗಿ ಆಯ್ಕೆಯಾಗಿದ್ದರು.
ಆದರೆ ಇತ್ತೀಚೆಗೆ ರಾಜ್ಯದಲ್ಲಿ ಕಾಂಗ್ರೆಸ್ ದುರ್ಬಲವಾಗಿದೆ. ಬುಧವಾರ ನಿವೃತ್ತರಾಗುತ್ತಿರುವ 12 ಪರಿಷತ್‌ ಸದಸ್ಯರಲ್ಲಿ ಕಾಂಗ್ರೆಸ್‌ನ ಏಕೈಕ ಸದಸ್ಯರಾದ ದೀಪಕ್ ಸಿಂಗ್ ಅವರು ಸಹ ಸೇರಿದ್ದಾರೆ. ಹಾಗಾಗಿ ಪರಿಷತ್‌ನಲ್ಲಿ ಕಾಂಗ್ರೆಸ್ ಎಲ್ಲಾ ಸ್ಥಾನಗಳನ್ನು ಕಳೆದುಕೊಂಡಂತಾಗಿದೆ.
ರಾಜ್ಯದಲ್ಲಿ ದುಸ್ಥಿತಿಗೆ ತಲುಪಿರುವ ಕಾಂಗ್ರೆಸ್ ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಕೇವಲ 2 ಸ್ಥಾನಗಳನ್ನು ಮಾತ್ರ ಗೆದ್ದಿದೆ. ಹಾಗಾಗಿ ಪರಿಷತ್‌ಗೆ ಹೊಸದಾಗಿ ಸದಸ್ಯರನ್ನು ವಿಧಾನಸಭೆಯಿಂದ ಚುನಾಯಿಸುವ ಅವಕಾಶವನ್ನೂ ಸಹ ಕಳೆದುಕೊಂಡಿದೆ.
‘ದೇಶದ ಅತಿ ಹಳೆಯ ಪಕ್ಷ ಉತ್ತರ ಪ್ರದೇಶ ಮೇಲ್ಮನೆಯಲ್ಲಿ ಸ್ಥಾನ ಕಳೆದುಕೊಂಡಿರುವುದು ಬೇಸರದ ವಿಚಾರವಾಗಿದೆ. ಆದರೂ ಇದು ಪ್ರಜಾಪ್ರಭುತ್ವ ದೇಶವಾಗಿರುವುದರಿಂದ ಇಲ್ಲಿ ಜನರ ನಿರ್ಧಾರವೇ ಸಾರ್ವಭೌಮವಾಗಿರುತ್ತದೆ’ ಎಂದು ಕಾಂಗ್ರೆಸ್ ನಾಯಕಿ ಆರಾಧನಾ ಮಿಶ್ರಾ ಹೇಳಿದ್ದಾರೆ.
ವೀರೇಂದ್ರ ಹೆಗ್ಗಡೆ, ಪಿಟಿ ಉಷಾ, ವಿಜಯೇಂದ್ರ ಪ್ರಸಾದ್, ಇಳಯರಾಜ ರಾಜ್ಯಸಭೆಗೆ
ಸಮಾಜವಾದಿ ಪಕ್ಷದ (ಎಸ್‌ಪಿ) ಆರು ಸದಸ್ಯರು, ಬಹುಜನ ಸಮಾಜ ಪಕ್ಷದ (ಬಿಎಸ್‌ಪಿ) ಮೂವರು ಮತ್ತು ಕಾಂಗ್ರೆಸ್‌ನ ಒಬ್ಬರು ಸೇರಿದಂತೆ ಒಟ್ಟು 10 ಸದಸ್ಯರು ಬುಧವಾರ ಯುಪಿ ವಿಧಾನ ಪರಿಷತ್‌ನಿಂದ ನಿವೃತ್ತರಾದರು. ಬಿಜೆಪಿಯ ಇಬ್ಬರು ಎಂಎಲ್‌ಸಿಗಳಾದ ಕೇಶವ್ ಮೌರ್ಯ ಮತ್ತು ಚೌಧರಿ ಭೂಪೇಂದ್ರ ಸಿಂಗ್ ಅವರ ಅಧಿಕಾರಾವಧಿಯು ಬುಧವಾರ ಕೊನೆಗೊಂಡಿತು ಆದರೆ ಇಬ್ಬರೂ ವಿಧಾನ ಪರಿಷತ್ತಿನ 13 ಸ್ಥಾನಗಳಿಗೆ ಜೂನ್ ಮಧ್ಯದ ಚುನಾವಣೆಯಲ್ಲಿ ಈಗಾಗಲೇ ಪರಿಷತ್ತಿಗೆ ಮರು ಆಯ್ಕೆಯಾದರು.
ಬುಧವಾರ ನಿವೃತ್ತರಾದವರಲ್ಲಿ ಜಗಜೀವನ್ ಪ್ರಸಾದ್, ಬಲರಾಮ್ ಯಾದವ್, ಡಾ ಕಮಲೇಶ್ ಕುಮಾರ್ ಪಾಠಕ್, ರಣವಿಜಯ್ ಸಿಂಗ್, ರಾಮಸುಂದರ್ ನಿಶಾದ್ ಮತ್ತು ಸಮಾಜವಾದಿ ಪಕ್ಷದ (ಎಸ್‌ಪಿ) ಶತ್ರುದ್ಧ ಪ್ರಕಾಶ್, ಅತರ್ ಸಿಂಗ್ ರಾವ್, ಸುರೇಶ್ ಕುಮಾರ್ ಕಶ್ಯಪ್ ಮತ್ತು ಬಿಎಸ್‌ಪಿಯ ದಿನೇಶ್ ಚಂದ್ರ ಮತ್ತು ಕಾಂಗ್ರೆಸ್‌ನ ದೀಪಕ್ ಸಿಂಗ್ ಸೇರಿದ್ದಾರೆ.
ಎಂಎಲ್‌ಸಿಗಳ ಗುಂಪಿನ ನಿವೃತ್ತಿಯೊಂದಿಗೆ, ಜೂನ್ 20 ರಂದು ಆಯ್ಕೆಯಾದ ಬಿಜೆಪಿಯ ಒಂಬತ್ತು ಮತ್ತು ಎಸ್‌ಪಿಯ ನಾಲ್ವರು ಸೇರಿದಂತೆ 13 ಮಂದಿ ಬುಧವಾರ ತಮ್ಮ ಅಧಿಕಾರಾವಧಿಯನ್ನು ಪ್ರಾರಂಭಿಸಿದರು.
ಒಟ್ಟು 100 ಸದಸ್ಯರ ಬಲವನ್ನು ಹೊಂದಿರುವ ಯುಪಿ ವಿಧಾನ ಪರಿಷತ್‌ನಲ್ಲಿ ಇನ್ನೂ ಎಂಟು ಹುದ್ದೆಗಳು ಖಾಲಿ ಇವೆ - ಆರು ನಾಮನಿರ್ದೇಶಿತ ಸದಸ್ಯರ ಕೋಟಾ ಮತ್ತು ಎರಡು ಎಸ್‌ಪಿ ನಾಯಕ ಅಹ್ಮದ್ ಹಸನ್ ಅವರ ನಿಧನದಿಂದ ತೆರವಾದ ಸೀಟು ಆಗಿದೆ. ಬಿಜೆಪಿಯ ಠಾಕೂರ್ ಜೈವೀರ್ ಸಿಂಗ್ ಅವರ ಅಧಿಕಾರಾವಧಿಯು ಮೇ 5, 2024 ರವರೆಗೆ ಇತ್ತು, ಆದರೆ ಅವರು ವಿಧಾನಸಭೆಗೆ ಚುನಾಯಿತರಾದ ನಂತರ ಅವರು ಸ್ಥಾನ ತ್ಯಜಿಸಿದರು.
ಪ್ರಸ್ತುತ, ಬಿಜೆಪಿ ಮತ್ತು ಮಿತ್ರಪಕ್ಷಗಳು 75 ಸದಸ್ಯರನ್ನು ಹೊಂದಿದ್ದು, ಎಸ್‌ಪಿ ಒಂಬತ್ತು, ಬಿಎಸ್‌ಪಿ 1, ರಾಜಾ ಭಯ್ಯಾ ನೇತೃತ್ವದ ಜನಸತ್ತಾ ದಳ, 1 ಮತ್ತು ಸ್ವತಂತ್ರರು 6 ಸದಸ್ಯರನ್ನು ಹೊಂದಿದ್ದಾರೆ.