ಸಂಖ್ಯಾಶಾಸ್ತ್ರ ನೋಡಿ ಕಾಂಗ್ರೆಸ್‌ ಮೊದಲ ಪಟ್ಟೀಲಿ 126 ಹೆಸರು?, ಮೂರೂ ಅಂಕಿ ಸೇರಿಸಿದರೆ ‘9’, ಇದು ಶುಭಸಂಖ್ಯೆ, ಕಾಂಗ್ರೆಸ್‌ನ ಮೊದಲ ಪಟ್ಟಿಗೂ ಸಂಖ್ಯಾಶಾಸ್ತ್ರಕ್ಕೂ ಸಂಬಂಧವಿದೆಯಂತೆ.
ಬೆಂಗಳೂರು(ಮಾ.19): ಮೂಲಗಳ ಪ್ರಕಾರ ಕಾಂಗ್ರೆಸ್‌ನ ಮೊದಲ ಪಟ್ಟಿಯಲ್ಲಿ ಬಿಡುಗಡೆಯಾಗುವ ಕ್ಷೇತ್ರಗಳ ಸಂಖ್ಯೆಯನ್ನು ಕೂಡಿದರೆ ದೊರೆಯುವ ಅಂತಿಮ ಸಂಖ್ಯೆ 3,6 ಅಥವಾ 9 ಇರಬೇಕು. ಹೀಗಾದಲ್ಲಿ ಕಾಂಗ್ರೆಸ್‌ಗೆ ಚುನಾವಣೆಯಲ್ಲಿ ಉತ್ತಮ ಫಲಾತಂಶ ಪಡೆಯುತ್ತದೆ ಎಂಬ ಭಾವನೆ ಪಕ್ಷದ ನಾಯಕರಲ್ಲಿ ಇದೆಯಂತೆ. ಹೀಗಾಗಿ ಪಟ್ಟಿಯೂ ಇದೇ ಮಾದರಿಯಲ್ಲಿ ಇರುವ ಸಾಧ್ಯತೆ ಹೆಚ್ಚಿದೆ ಎನ್ನುತ್ತವೆ ಮೂಲಗಳು.
ಈ ಮೂಲಗಳ ಪ್ರಕಾರ ಕಾಂಗ್ರೆಸ್‌ನ ಮೊದಲ ಪಟ್ಟಿಯಲ್ಲಿ 126 ಕ್ಷೇತ್ರಗಳ ಅಭ್ಯರ್ಥಿಗಳ ಹೆಸರು ಬಹಿರಂಗವಾಗಲಿದೆ. ಏಕೆಂದರೆ, 1+2+6= 9 ಆಗುತ್ತದೆ. ಇದು ಶುಭ ಸಂಖ್ಯೆ. ಪರಿಣಾಮ ಸಿಇಸಿಯಲ್ಲಿ 130 ಕ್ಷೇತ್ರಗಳು ಅಂತಿಮಗೊಂಡಿದ್ದರೂ ಈ ಶುಭ ಸಂಖ್ಯೆಗೆ ಆಧರಿಸಿ 126 ಕ್ಷೇತ್ರಗಳಿಗೆ ಅಭ್ಯರ್ಥಿಗಳ ಹೆಸರು ಪ್ರಕಟವಾಗಲಿದೆ. ಅಷ್ಟೇ ಅಲ್ಲ, ಈ ಪಟ್ಟಿಯು ಯುಗಾದಿ ಹಬ್ಬದ ದಿನವೇ (ಮಾ. 22)ರಂದೇ ಪ್ರಕಟಗೊಳ್ಳುತ್ತಿರುವುದರ ಹಿಂದೆಯೂ ಶುಭದಿನದ ಲೆಕ್ಕಾಚಾರವಿದೆಯಂತೆ.
ವರುಣದಿಂದಲೇ ಸಿದ್ದು ಸ್ಪರ್ಧೆ: ಯಡಿಯೂರಪ್ಪ
ವಾಸ್ತವವಾಗಿ ಮೊದಲ ಪಟ್ಟಿಯನ್ನು ಸಿಇಸಿ ಅಂತಿಮಗೊಳಿಸಿದ ನಂತರ ಮಾ. 20ರ ನಂತರ ಬಿಡುಗಡೆ ಮಾಡುವ ಲೆಕ್ಕಾಚಾರವಿತ್ತಂತೆ. ಏಕೆಂದರೆ, ಪಟ್ಟಿಮೊದಲೇ ಬಿಡುಗಡೆಯಾಗಿ ಬಂಡಾಯ ಉಂಟಾದರೆ ರಾಹುಲ್‌ ಗಾಂಧಿ ಅವರಿಗೆ ಇರುಸು-ಮುರುಸಾಗಬಾರದು ಎಂದು ರಾಹುಲ್‌ ಗಾಂಧಿ ಬಂದು ಹೋದ ನಂತರ ಅಂತರೆ ಮಾ. 20 ರ ರಾತ್ರಿ ಪ್ರಕಟಿಸುವ ಇರಾದೆ ಇತ್ತಂತೆ.
ಆದರೆ, ಶುಭ ದಿನದ ಲೆಕ್ಕಾಚಾರದಲ್ಲಿ ಈ ಪಟ್ಟಿಬಿಡುಗಡೆ ಮಾ. 22ಕ್ಕೆ ಯುಗಾದಿ ದಿನದಂತೆ ನಿಗದಿ ಪಡಿಸಲಾಗಿದೆ ಎನ್ನುತ್ತವೆ ಮೂಲಗಳು. ಅಂದಹಾಗೇ ಸದ್ಯಕ್ಕೆ ಇದು ಗಾಳಿ ಸುದ್ದಿ. ಮುಂದೆ ನಿಜವಾದರೇ ಅದಕ್ಕೆ ನಾವು ಜವಬ್ದಾರರಲ್ಲ.