ಜೂನಿಯರ್ ಅಥ್ಲೆಟಿಕ್ಸ್: ಮಿಶ್ರ ರಿಲೇಯಲ್ಲಿ ಕಂಚು ಗೆದ್ದ ಭಾರತ
ಸಾರಾಂಶ
* ಕಿರಿಯರ್ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಪದಕ ಗೆದ್ದ ಭಾರತ ಮಿಶ್ರ ರಿಲೇ ತಂಡ * ಕರ್ನಾಟಕದ ಪ್ರಿಯಾ ಎಚ್ ಮೋಹನ್ ಅವರನ್ನೊಳಗೊಂಡ ತಂಡಕ್ಕೆ ಒಲಿದ ಪದಕ * ಫೈನಲ್ನಲ್ಲಿ ಪ್ರಿಯಾ ಮೋಹನ್, ಸಮ್ಮಿ, ಭರತ್ ಮತ್ತು ಕಪಿಲ್ ಅವರನ್ನೊಳಗೊಂಡ ತಂಡಕ್ಕೆ ಒಲಿದ ಕಂಚು
ನೈರೋಬಿ(ಆ.19): ಕರ್ನಾಟಕದ ಪ್ರಿಯಾ ಎಚ್ ಮೋಹನ್ ಅವರನ್ನೊಳಗೊಂಡ ಭಾರತ ತಂಡವು 20 ವರ್ಷದೊಳಗಿನವರ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನ 4*400 ಮಿಶ್ರ ರೀಲೆಯಲ್ಲಿ ಕಂಚಿನ ಪದಕ ಕೊರಳಿಗೇರಿಸಿಕೊಂಡಿದೆ.
ಬುಧವಾರ(ಆ.19) ನಡೆದ ಫೈನಲ್ನಲ್ಲಿ ಪ್ರಿಯಾ ಮೋಹನ್, ಸಮ್ಮಿ, ಭರತ್ ಮತ್ತು ಕಪಿಲ್ ಅವರನ್ನೊಳಗೊಂಡ ತಂಡವು 3 ನಿಮಿಷ 20.60 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಕಂಚು ಗೆದ್ದಿತು. ನೈಜೀರಿಯಾ(3 ನಿ.19.70 ಸೆ.) ಚಿನ್ನ ಗೆದ್ದರೆ, ಪೋಲಾಂಡ್(3 ನಿ. 19.80 ಸೆ.) ಬೆಳ್ಳಿಗೆ ತೃಪ್ತಿಗೊಂಡಿತು.
ಟೋಕಿಯೋ 2020: ಕ್ರೀಡಾ ಸಾಧಕರ ಜತೆ ಮೋದಿ ಮಾತುಕತೆಯಲ್ಲಿ ಸಿಕ್ಕ 8 ಅಂಶಗಳಿವು..!
ಅರ್ಹತಾ ಸುತ್ತಿನಲ್ಲಿ ಮಿಂಚಿಂಗ್:
ಇದಕ್ಕೂ ಮುನ್ನ ನಡೆದ ಅರ್ಹತಾ ಸುತ್ತಿನಲ್ಲಿ ಭರ್ಜರಿ ಪ್ರದರ್ಶನ ನೀಡಿತ್ತು. ತಾನು ಸ್ಪರ್ಧಿಸಿದ ಹೀಟ್ಸ್ನಲ್ಲಿ ಕೂಟ ದಾಖಲೆಯ 3 ನಿಮಿಷ 23.36 ಸೆಕೆಂಡ್ನಲ್ಲಿ ಗುರಿ ತಲುಪಿತ್ತು. ಆದರೆ, 2ನೇ ಹೀಟ್ಸ್ನಲ್ಲಿ ಸ್ಪರ್ಧಿಸಿದ್ದ ನೈಜಿರಿಯಾ ತಂಡ 3 ನಿಮಿಷ 21.66 ಸೆಕೆಂಡ್ನಲ್ಲಿ ಗುರಿ ತಲುಪುವುದರೊಂದಿಗೆ ಭಾರತದ ದಾಖಲೆ ಮುರಿದು ಮೊದಲ ಸ್ಥಾನ ಪಡೆದು ಫೈನಲ್ಗೇರಿತ್ತು. ಭಾರತ ಒಟ್ಟಾರೆ 2ನೇ ಸ್ಥಾನದೊಂದಿಗೆ ಪದಕ ಸುತ್ತು ಪ್ರವೇಶಿಸಿತ್ತು.
5ನೇ ಪದಕ:
20 ವರ್ಷದೊಳಗಿನವರ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಭಾರತ ಗೆದ್ದ 5ನೇ ಪದಕ ಇದಾಗಿದೆ. ಈ ಮೊದಲು ಸೀಮಾ ಆಂಟಿಲ್(ಡಿಸ್ಕಸ್ ಥ್ರೋ ಕಂಚು, 2002), ನವಜೀತ್ ಕೌರ್ ದಿಲ್ಲೋನ್(ಡಿಸ್ಕಸ್ ಥ್ರೋ-ಕಂಚು, 2014), ಟೋಕಿಯೋ ಒಲಿಂಪಿಕ್ಸ್ ಚಿನ್ನ ಪದಕ ವಿಜೇತ ನೀರಜ್ ಚೋಪ್ರಾ(ಜಾವೆಲಿನ್ ಥ್ರೋ-ಚಿನ್ನ, 2016), ಹಿಮಾ ದಾಸ್(400 ಮೀ. ಓಟ -ಚಿನ್ನ, 2018) ಪದಕ ಗೆದ್ದಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.