ಪ್ಯಾರಿಸ್ ಮಾಸ್ಟರ್ಸ್ 2020: ರೋಹನ್ ಬೋಪಣ್ಣ ಜೋಡಿಗೆ ಸೋಲು
ಸಾರಾಂಶ
ಪ್ಯಾರಿಸ್ ಮಾಸ್ಟರ್ಸ್ ಡಬಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಭಾರತದ ಸ್ಟಾರ್ ಟೆನಿಸ್ ಆಟಗಾರ ರೋಹನ್ ಬೋಪಣ್ಣ ಜೋಡಿ ಆಘಾತಕಾರಿ ಸೋಲು ಕಂಡು ತನ್ನ ಅಭಿಯಾನ ಮುಗಿಸಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ
ಪ್ಯಾರಿಸ್(ನ.08): ಭಾರತದ ರೋಹನ್ ಬೋಪಣ್ಣ ಹಾಗೂ ಆಸ್ಪ್ರೇಲಿಯಾದ ಒಲಿವರ್ ಜೋಡಿ, ಪ್ಯಾರಿಸ್ ಮಾಸ್ಟರ್ಸ್ ಡಬಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಸೋಲು ಅನುಭವಿಸಿತು.
ಇಂಡೋ-ಆಸೀಸ್ ಜೋಡಿ, ಆಸ್ಟ್ರಿಯಾದ ಜರ್ಗೆನ್ ಮೆಲ್ಜರ್ ಹಾಗೂ ಫ್ರಾನ್ಸ್ನ ಎಡ್ವಡ್ ಜೋಡಿ ವಿರುದ್ಧ 0-6, 6-7(6-8) ಸೆಟ್ಗಳಲ್ಲಿ ಪರಾಭವ ಹೊಂದಿತು. ಪುರುಷರ ಸಿಂಗಲ್ಸ್ನಲ್ಲಿ ಸ್ಪೇನ್ನ ರಾಫೆಲ್ ನಡಾಲ್, ತಮ್ಮದೇ ರಾಷ್ಟ್ರದ ಪ್ಯಾಬ್ಲೊ ಕರ್ರೆನೊ ಬುಸ್ಟಾಎದುರು 4-6, 7-5, 6-1 ಸೆಟ್ಗಳಲ್ಲಿ ಗೆದ್ದು ಸೆಮೀಸ್ಗೇರಿದರು.
ಟೆನಿಸ್ ದಿಗ್ಗಜ ಪೀಟ್ ಸಾಂಪ್ರಸ್ ದಾಖಲೆ ಸರಿಗಟ್ಟಿದ ಜೋಕೋವಿಚ್..!
ಈ ಸೋಲಿನೊಂದಿಗೆ ರೋಹನ್ ಬೊಪಣ್ಣ ಹಾಗೂ ಜರ್ಗೆನ್ ಮೆಲ್ಜರ್ ಜೋಡಿ 180 ಎಟಿಪಿ ಅಂಕಗಳನ್ನು ಪಡೆದುಕೊಂಡರು. ಇದರ ಜತೆಗೆ ಇಂಡೋ-ಆಸ್ಟ್ರೀಸ್ ಜೋಡಿ 32,000 ಯೂರೋಪಿಯನ್ ಡಾಲರ್ ಹಣವನ್ನು ಹಂಚಿಕೊಂಡರು.
ಜರ್ಮನಿಯಲ್ಲಿ ನಡೆಯುತ್ತಿರುವ ಎಕೆಂಟಲ್ ಟೆನಿಸ್ ಚಾಲೆಂಜರ್ ಟೂರ್ನಿಯಲ್ಲಿ ಭಾರತದ ಸಿಂಗಲ್ಸ್ ಆಟಗಾರ ರಾಮ್ಕುಮಾರ್ ರಾಮನಾಥನ್ ಫೈನಲ್ ಪ್ರವೇಶಿಸಿದ್ದಾರೆ. ಸೆಮೀಸ್ನಲ್ಲಿ ರಾಮ್ಕುಮಾರ್, ಜರ್ಮನಿಯ ಮಾರ್ವಿನ್ ಮೊಲ್ಲೆರ್ ವಿರುದ್ಧ 4-6, 6-1, 6-1 ಸೆಟ್ಗಳಲ್ಲಿ ಗೆಲುವು ಸಾಧಿಸಿದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.