ಯೂಟ್ಯೂಬ್ ಹಾಗೂ ಇತರ ಸಾಮಾಜಿಕ ಜಾಲಾತಾಣಗಳಲ್ಲಿ ಸುದ್ದಿ ವಾಹಿನಿಯಲ್ಲಿ ಲೈವ್ ಇರುವಂತಹ ಸಂದರ್ಭದಲ್ಲಿ ನಿರೂಪಕರು ಗಂಭೀರವಾಗಿ ಸುದ್ದಿ ಓದುತ್ತಿರುವ, ಕೂದಲು ಸರಿ ಮಾಡಿಕೊಳ್ಳುವ ಮತ್ತು ಇನ್ನಿತರ ಕೆಲಸಗಳಲ್ಲಿ ತೊಡಗಿಕೊಂಡಿರುವ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ವಾಸ್ತವವಾಗಿ ಅವರಿಗೆ ಲೈವ್ ಪ್ರಸಾರವಾಗುತ್ತಿದೆ ಎಂಬ ವಿಚಾರ ತಿಳಿಯದೆ ಇಂತಹ ಘಟನೆಗಳು ನಡೆಯುತ್ತವೆ. ಇನ್ನು ವರದಿಗಾರರ ವಿಚಾರವನ್ನು ನೋಡುವುದಾದರೆ ಕೆಲವರು ವರದಿ ಮಾಡುವ ಭರದಲ್ಲಿ ತೊದಲಿದರೆ ಇನ್ನು ಕೆಲವರು ಎಡವಿ ಬೀಳುತ್ತಾರೆ. ಆದರೆ ಇತ್ತೀಚೆಗೆ ಸಾಮಾಜಿಕ ಜಲಾತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋವನ್ನು ನೋಡಿ ಹೀಗೂ ನಡೆಯುತ್ತಾ? ಎಂದು ಪ್ರಶ್ನಿಸಲಾರಂಭಿಸುತ್ತೀರಿ. ಆದರೆ ಸದ್ಯ ವೈರಲ್ ಆಗಿರುವ ವಿಡಿಯೋ ಒಂದರಲ್ಲಿ ಲೈವ್ ರಿಪೋರ್ಟಿಂಗ್ ಮಾಡುತ್ತಿದ್ದ ವರದಿಗಾರನೊಬ್ಬನಿಗೆ ವ್ಯಕ್ತಿಯೊಬ್ಬ ಹಿಗ್ಗಾಮುಗ್ಗಾ ಥಳಿಸಿದ್ದಾನೆ. ಅಷ್ಟಕ್ಕೂ ಅಲ್ಲಿ ನಿಜಕ್ಕೂ ನಡೆದದ್ದೇನು? ಆ ವ್ಯಕ್ತಿ ವರದಿಗಾರನಿಗೆ ಥಳಿಸಿದ್ದೇಕೆ? ಇಲ್ಲಿದೆ ವಿವರ
ನವದೆಹಲಿ(ಆ.07): ಯೂಟ್ಯೂಬ್ ಹಾಗೂ ಇತರ ಸಾಮಾಜಿಕ ಜಾಲಾತಾಣಗಳಲ್ಲಿ ಸುದ್ದಿ ವಾಹಿನಿಯಲ್ಲಿ ಲೈವ್ ಇರುವಂತಹ ಸಂದರ್ಭದಲ್ಲಿ ನಿರೂಪಕರು ಗಂಭೀರವಾಗಿ ಸುದ್ದಿ ಓದುತ್ತಿರುವ, ಕೂದಲು ಸರಿ ಮಾಡಿಕೊಳ್ಳುವ ಮತ್ತು ಇನ್ನಿತರ ಕೆಲಸಗಳಲ್ಲಿ ತೊಡಗಿಕೊಂಡಿರುವ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ವಾಸ್ತವವಾಗಿ ಅವರಿಗೆ ಲೈವ್ ಪ್ರಸಾರವಾಗುತ್ತಿದೆ ಎಂಬ ವಿಚಾರ ತಿಳಿಯದೆ ಇಂತಹ ಘಟನೆಗಳು ನಡೆಯುತ್ತವೆ. ಇನ್ನು ವರದಿಗಾರರ ವಿಚಾರವನ್ನು ನೋಡುವುದಾದರೆ ಕೆಲವರು ವರದಿ ಮಾಡುವ ಭರದಲ್ಲಿ ತೊದಲಿದರೆ ಇನ್ನು ಕೆಲವರು ಎಡವಿ ಬೀಳುತ್ತಾರೆ. ಆದರೆ ಇತ್ತೀಚೆಗೆ ಸಾಮಾಜಿಕ ಜಲಾತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋವನ್ನು ನೋಡಿ ಹೀಗೂ ನಡೆಯುತ್ತಾ? ಎಂದು ಪ್ರಶ್ನಿಸಲಾರಂಭಿಸುತ್ತೀರಿ. ಆದರೆ ಸದ್ಯ ವೈರಲ್ ಆಗಿರುವ ವಿಡಿಯೋ ಒಂದರಲ್ಲಿ ಲೈವ್ ರಿಪೋರ್ಟಿಂಗ್ ಮಾಡುತ್ತಿದ್ದ ವರದಿಗಾರನೊಬ್ಬನಿಗೆ ವ್ಯಕ್ತಿಯೊಬ್ಬ ಹಿಗ್ಗಾಮುಗ್ಗಾ ಥಳಿಸಿದ್ದಾನೆ. ಅಷ್ಟಕ್ಕೂ ಅಲ್ಲಿ ನಿಜಕ್ಕೂ ನಡೆದದ್ದೇನು? ಆ ವ್ಯಕ್ತಿ ವರದಿಗಾರನಿಗೆ ಥಳಿಸಿದ್ದೇಕೆ? ಇಲ್ಲಿದೆ ವಿವರ
ವರದಿಗಾರನಿಗೇ ಶಾಕ್!
ವೈರಲ್ ಆಗಿರುವ ವಿಡಿಯೋದಲ್ಲಿ ದಾಖಲಾದ ಈ ಘಟನೆ ಮಾಸ್ಕೋದಲ್ಲಿ ನಡೆದಿದ್ದು, ನಿರೂಪಕಿ ಹಾಗೂ ವರದಿಗಾರನ ಯಾವುದೇ ತಪ್ಪಿಲ್ಲದಿದ್ದರೂ ರಿಪೋರ್ಟರ್ ಮೇಲೆರಗಿದ ಅನಾಮಿಕ ವ್ಯಕ್ತಿ ಆತನಿಗೆ ಭರ್ಜರಿಯಾಗಿ ಗೂಸಾ ನೀಡಿದ್ದಾನೆ. ಮಾಸ್ಕೋದ ಪಾರ್ಕ್ ಒಂದರಲ್ಲಿ ವಾಯುಸೇನೆಯ ವಾರ್ಷಿಕ ಮಹೋತ್ಸವ ನಡೆಯುತ್ತಿತ್ತು. ಮಾಜಿ ಪ್ಯಾರಾಟ್ರೂಪರ್ಸ್ ಕೂಡಾ ತಮ್ಮ ಕುಟುಂಬಸ್ಥರೊಂದಿಗೆ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಆಗಮಿಸಿದ್ದರು. ಇತ್ತ ವರದಿಗಾರ ಇದರ ಲೈವ್ ರಿಪೋರ್ಟಿಂಗ್ ಮಾಡುತ್ತಿದ್ದ. ಆದರೆ ಈ ಸಂದರ್ಭದಲ್ಲಿ ವ್ಯಕ್ತಿಯೊಬ್ಬ ಪದೇ ಪದೇ ಕ್ಯಾಮಾರಾದೆದುರು ಬರಲು ಪ್ರಯತ್ನಿಸುತ್ತಿದ್ದ, ಇದನ್ನು ಕಂಡ ರಿಪೋರ್ಟರ್ ಆತನಿಗೆ ಸ್ವಲ್ಪ ದೂರ ಹೋಗುವಂತೆ ಸೂಚಿಸುತ್ತಾನೆ. ಇಷ್ಟಕ್ಕೇ ಆ ವ್ಯಕ್ತಿಯ ಕೋಪ ನೆತ್ತಿಗೇರಿದ್ದು, ಲೈವ್ ಪ್ರಸಾರವಾಗುತ್ತಿದೆ ಎಂಬುವುದನ್ನೂ ಯೋಚಿಸದರೆ ವರದಿಗಾರನಿಗೆ ಭರ್ಜರಿ ಹೊಡೆತ ನೀಡಿದ್ದಾನೆ.
ಇನ್ನು ಅಚಾನಕ್ಕಾಗಿ ಆದ ದಾಳಿಯಿಂದ ರಿಪೋರ್ಟರ್ ಕೂಡಾ ಬೆಚ್ಚಿ ಬಿದ್ದಿದ್ದಾನೆ. ಏನಾಗುತ್ತಿದೆ ಎಂದು ಊಹಿಸಲೂ ಆತನಿಗೆ ಸಮಯ ನೀಡದ ವ್ಯಕ್ತಿ ಹೊಡೆತ ನೀಡಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.ಇನ್ನು ಲೈವ್'ನಲ್ಲಿ ರಿಪೋರ್ಟರ್ ಮೇಲೆ ಇಂತಹ ದಾಳಿ ನಡೆದ ಕೆಲವೇ ಕ್ಷಣಗಳಲ್ಲಿ ಸುದ್ದಿ ವಾಹಿನಿಯೂ ನೇರಪ್ರಸಾರವನ್ನು ಸ್ಥಗಿತಗೊಳಿಸಿದೆ.