ಗೋದಾಮೊಂದರಲ್ಲಿ ರಾಶಿ ರಾಶಿ ಹಣವಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇದು ತಮಿಳುನಾಡಿನ ನಾಯಕನಿಗೆ ಸೇರಿದ್ದು ಎಂಬ ಸದ್ದೂ ಕೇಳಿ ಬಂದಿದೆ. ಈ ಸುದ್ದಿ ನಿಜಾನಾ? ಇಲ್ಲಿದೆ ವಿವರ
ಚೆನ್ನೈ[ಮಾ.13]: ಗೋದಾಮೊಂದರಲ್ಲಿ ರಾಶಿ ರಾಶಿ ಹಣವಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಈ ಹಣ ತಮಿಳುನಾಡಿನ ರಾಜಕಾರಣಿಯೊಬ್ಬರಿಗೆ ಸಂಬಂಧಿಸಿದ್ದು ಎಂದು ಆರೋಪಿಸಲಾಗಿದೆ.
ವಿಡಿಯೋವನ್ನು ಪೋಸ್ಟ್‌ ಮಾಡಿ, ‘ ಕ್ಯಾಶ್‌ ಕ್ಯಾಶ್‌ ಎಲ್ಲಿ ನೋಡಿದರೂ ಕ್ಯಾಶ್‌. ಇದು ತಮಿಳುನಾಡಿನ ರಾಜಕಾರಣಿಗೆ ಸಂಬಂಧಿಸಿದ್ದು. ನೋಟುಗಳು ಸುಟ್ಟು ಕರಕಲಾಗಿವೆ ನಿಜ. ಆದರೆ ಲೆಕ್ಕಕ್ಕೇ ಸಿಗದ ಹಣ ಎಷ್ಟಿದೆ ನೋಡಿ’ ಎಂದು ಒಕ್ಕಣೆ ಬರೆದು ಶೇರ್‌ ಮಾಡಿದ್ದಾರೆ. ವಿಡಿಯೋದಲ್ಲಿ ಗುಲಾಬಿ, ಹಸಿರು, ಹಳದಿ ಬಣ್ಣದ ನೋಟುಗಳಿವೆ.
ಈ ಹಿಂದೆ ಫ್ರಾನ್ಸ್‌ ನಲ್ಲಿಯೂ ಇದೇ ವಿಡಿಯೋ ವೈರಲ್ ಆಗಿತ್ತು. ಅಲ್ಲಿನ ಸಚಿವರೊಬ್ಬರು ಅಕ್ರಮವಾಗಿ ಹಣ ಕೂಡಿಟ್ಟಿದ್ದು, ತನಿಖೆ ಭೀತಿಯಲ್ಲಿ ಸಚಿವರ ಹೆಂಡತಿ ಹಣವನ್ನು ಸುಟ್ಟಿದ್ದಾರೆ ಎನ್ನಲಾಗಿತ್ತು. ಆದರೆ ಈ ವಿಡಿಯೋದ ಅಸಲಿಯತ್ತೇನು ಎಂದು ಪರಿಶೀಲಿಸಿದಾಗ ಇದೊಂದು ಕಲೆ ಎಂದು ತಿಳಿದುಬಂದಿದೆ.
This is why they are crying that NAB laws are not acceptable to them. Amount recovered from the basement of Agha Siraj Durrani speaker Provincial assembly sindh, his wife tried to set on fire the money on arrival of NAB team but they managed to enter extinguish the fire. pic.twitter.com/5UjP4rPwyK
— سید شجاعت علی (@Shujaatefied)ಅಲೆಜಾಂಡ್ರೋ ಮಾಂಗೇ ಎಂಬುವವರ ಕುಂಚದಲ್ಲಿ ಮೂಡಿಬಂದ ಕಲೆ ಇದು. 2018ರಲ್ಲಿ ಸ್ವತಃ ಮಾಂಗೇ ವಿಡಿಯೋವನ್ನು ಇನ್ಸ್‌ಸ್ಟಾಗ್ರಾಂನಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ.