ಯುಎಸ್'ಎಸ್'ಡಿ: ಇಂಟರ್ನೆಟ್ ಇಲ್ಲದ ಫೀಚರ್ ಫೋನ್'ನಲ್ಲೂ ನಡೆಸಬಹುದು ಹಣದ ವಹಿವಾಟು

ಅ​ನ್‌​ಸ್ಟ್ರ​ಕ್ಚರ್ಡ್‌ ಸಪ್ಲಿ​ಮೆಂಟರಿ ಡೇಟಾ (ಯು​ಎ​ಸ್‌​ಎ​ಸ್‌​ಡಿ​) ಸೇವೆ​ಯನ್ನು ಮೊಬೈಲ್‌ ಮೂಲಕ ಪಡೆ​ಯಲು ನಿಮ್ಮ ಮೊಬೈ​ಲಿಗೆ ಇಂಟ​ರ್‌​ನೆಟ್ಟು/3ಜಿ/4ಜಿ ಸಂಪರ್ಕ ಬೇಕಾ​ಗಿಲ್ಲ. ಇವ್ಯಾ​ವುದೂ ಇಲ್ಲದೆ ಸುಲ​ಭ​ವಾಗಿ ಬ್ಯಾಂಕ್‌ ಖಾತೆ​ಯಿಂದ ದುಡ್ಡು ವರ್ಗಾ​ಯಿ​ಸುವ ಸುರ​ಕ್ಷಿತ ವ್ಯವ​ಸ್ಥೆಯೇ ಯುಎ​ಸ್‌​ಎ​ಸ್‌ಡಿ.

- ಕೃಷ್ಣ​ಮೋ​ಹನ ತಲೆಂಗ​ಳ, ಕನ್ನಡಪ್ರಭ

ನೋಟು​ಗಳ ನಿಷೇ​ಧದ ಬಳಿಕದ ‘ನಗದುರಹಿ​ತ​'ರಾಗಿ ದಿನ​ದೂ​ಡುವ ದಿನ​ಗ​ಳಿವು. ಆದಾಗ್ಯೂ ನಗು ಮರೆ​ಯ​ಬೇಡಿ, ನಗು ನಗುತ್ತಾ ಬದು​ಕಲು ಕ್ಯಾಶ್‌​ಲೆಸ್‌ ವಹಿ​ವಾಟು ಮಾಡಿ ಎಂದು ಸರ್ಕಾರ ಕರೆ ನೀಡು​ತ್ತಿದೆ. ನಗದು ರಹಿ​ತ​ರಾ​ಗಿ ಬದು​ಕಲು ಸ್ಮಾರ್ಟ್‌ ಫೋನ್‌ ಅದ​ಕ್ಕೊಂದು ಇಂಟ​ರ್‌​ನೆಟ್‌ ಸಂಪರ್ಕ ಬೇಡವೇ ಎಂಬ ಮೂಲ​ಭೂತ ಪ್ರಶ್ನೆ ನಿಮ್ಮನ್ನು ಕಾಡ​ಬ​ಹುದು. ಅವೆ​ರಡೂ ಇಲ್ಲದೆ, ಬೇಸಿಕ್‌ ಮೊಬೈಲ್‌ ಹ್ಯಾಂಡ್‌​ಸೆ​ಟ್‌​ನಲ್ಲೇ ನಗದು ವಹಿ​ವಾಟು ಸಾಧ್ಯ​ವಾ​ಗಿ​ಸಿದೆ ಯುಎ​ಸ್‌​ಎ​ಸ್‌ಡಿ ಸೇವೆ.

ಹಾಗೆಂದು ಯುಎ​ಸ್‌​ಎ​ಸ್‌'ಡಿ ಎನ್ನುವ ಸೇವೆ ಇಂದು, ನಿನ್ನೆ​ ಹುಟ್ಟಿ​ಕೊಂಡಿ​ದ್ದಲ್ಲ. ಮೊಬೈಲ್‌ ಸೇವೆ​ಯಲ್ಲಿ ಹಿಂದಿ​ನಿಂದಲೂ ಬಳ​ಕೆ​ಯ​ಲ್ಲಿತ್ತು. ಈಗ ನಗದು ರಹಿ​ತ​ರಾ​ಗುವ ಭರಾ​ಟೆ​ಯಲ್ಲಿ ಹೆಚ್ಚು ಪ್ರಚ​ಲಿ​ತ​ವಾ​ಗಿ​ರುವ ಸೇವೆ​ಯಿ​ದು.

ಏನಿದು ಯುಎ​ಸ್‌​ಎ​ಸ್‌​ಡಿ?: ಅ​ನ್‌​ಸ್ಟ್ರ​ಕ್ಚರ್ಡ್‌ ಸಪ್ಲಿ​ಮೆಂಟರಿ ಡೇಟಾ (ಯು​ಎ​ಸ್‌​ಎ​ಸ್‌​ಡಿ​) ಸೇವೆ​ಯನ್ನು ಮೊಬೈಲ್‌ ಮೂಲಕ ಪಡೆ​ಯಲು ನಿಮ್ಮ ಮೊಬೈ​ಲಿಗೆ ಇಂಟ​ರ್‌​ನೆಟ್ಟು/3ಜಿ/4ಜಿ ಸಂಪರ್ಕ ಬೇಕಾ​ಗಿಲ್ಲ. ಇವ್ಯಾ​ವುದೂ ಇಲ್ಲದೆ ಸುಲ​ಭ​ವಾಗಿ ಬ್ಯಾಂಕ್‌ ಖಾತೆ​ಯಿಂದ ದುಡ್ಡು ವರ್ಗಾ​ಯಿ​ಸುವ ಸುರ​ಕ್ಷಿತ ವ್ಯವ​ಸ್ಥೆಯೇ ಯುಎ​ಸ್‌​ಎ​ಸ್‌ಡಿ. 

ಮೊಬೈಲ್‌ ರೀಚಾ​ರ್ಜ್, ಟಾಪ್‌ ಅಪ್‌ ಹಾಕಿ​ಸು​ವಾಗ ಅಂಗ​ಡಿ​ಯಲ್ಲಿ ಕೇವಲ ಬೇಸಿಕ್‌ ಮಾದ​ರಿಯ ಮೊಬೈಲ್‌ ಬಳಸಿ ದುಡ್ಡು ರೀಚಾರ್ಜ್ ಮಾಡು​ವು​ದನ್ನು ನೀವು ಗಮ​ನಿ​ಸಿ​ರ​ಬ​ಹುದು. ಅದು, ಇದೇ ಯುಎ​ಸ್‌​ಎ​ಸ್‌ಡಿ ವ್ಯವಸ್ಥೆ ಬಳಸಿ ಮಾಡುವ ಸೇವೆ. ನಾವು ಯಾವು​ದೇ ನಗದು ವ್ಯವ​ಹಾರ ಮಾಡಲು ಕಳು​ಹಿ​ಸುವ ಸಂಕೇ​ತಾ​ಕ್ಷ​ರ​ಗಳು ಟೆಲಿ ಕಮ್ಯೂ​ನಿ​ಕೇ​ಶನ್‌ ಸರ್ವರ್‌ನ್ನು ಸಂಪ​ರ್ಕಿಸಿ ಅಗತ್ಯ ಕೆಲ​ಸ​ ಮಾ​ಡು​ತ್ತ​ವೆ.

ಮೂಲತಃ ಯುಎ​ಸ್‌​ಎ​ಸ್‌​'ಡಿ​ಯನ್ನು ಟೆಲಿ​ಕ​ಮ್ಯು​ನಿ​ಕೇ​ಶನ್‌ ಇಲಾ​ಖೆ​ಯಲ್ಲಿ ಬಳ​ಸ​ಲಾ​ಗು​ತ್ತದೆ. ಎಲ್ಲಾ ಜಿಎ​ಸ್‌ಎಂ ಹ್ಯಾಂಡ್‌​'ಸೆ​ಟ್‌​ಗ​ಳಲ್ಲಿ ಕೆಲಸ ಮಾಡು​ತ್ತದೆ. ಇದಕ್ಕೆ ಇಂಟ​ರ್‌​ನೆಟ್‌ ಸೇವೆ ಬೇಕಾ​ಗಿಲ್ಲ. 

ಅನ್‌'​ಸ್ಟ್ರ​ಕ್ಚ​ರ್ಡ್‌ ಸಪ್ಲಿ​ಮೆಂಟರಿ ಸರ್ವಿಸ್‌ ಡೇಟಾವನ್ನು ಕ್ವಿಕ್‌ ಕೋಡ್ಸ್‌ ಅಥವಾ ಪೀಚರ್‌ ಕೋಡ್ಸ್‌ ಎಂದೂ ಕರೆ​ಯ​ಲಾ​ಗು​ತ್ತದೆ. ಯುಎ​ಸ್‌​ಎ​ಸ್‌​ಡಿ​ಯನ್ನು ಮೂಲ​ಭೂ​ತ​ವಾಗಿ ವ್ಯಾಪ್‌ ಬ್ರೌಸ​ರ್‌​ಗ​ಳಿ​ಗಾಗಿ, ಪ್ರಿಪೇಯ್ಡ್‌ ಕಾಲ್‌​ಬ್ಯಾಂಕ್‌ ಸೇವೆ​ಗಾಗಿ, ಮೊಬೈಲ್‌ ಹಣ​ಕಾಸು ಸೇವೆ​ಗಾಗಿ, ಲೊಕೇ​ಶನ್‌ ಬೇಸ್ಡ್‌ ಕಂಟೆಂಟ್‌ ಸರ್ವಿಸ್‌, ಮೆನು ಬೇಸ್ಡ್‌ ಇನ್‌​ಫೋ​ರ್ಮೇ​ಶನ್‌ ಸರ್ವಿ​ಸ್‌​ಗ​ಳಲ್ಲಿ ಬಳ​ಸು​ತ್ತಾ​ರೆ.

ಯುಎ​ಸ್‌​ಎ​ಸ್‌'ಡಿ ಮೆಸೇ​ಜ್‌'​ಗಳು ಗರಿಷ್ಠ 182 ಅಲ್ಫಾ​ನ್ಯೂ​ಮ​ರಿಕ್‌ ಅಕ್ಷ​ರ​ಗಳ ಸಾಮರ್ಥ್ಯ ಹೊಂದಿವೆ. ಯುಎ​ಸ್‌​ಎ​ಸ್‌ಡಿ ಕೇವಲ ಎಸ್‌​ಎಂಎಸ್‌ ಥರ ಸಂದೇಶ ಕಳು​ಹಿ​ಸು​ವುದು ಮಾತ್ರವಲ್ಲ. ತಕ್ಷಣ ಸರ್ವರ್‌ ಜೊತೆ ಸಂಪರ್ಕ ಸಾಧಿ​ಸು​ತ್ತವೆ ಈ ಮೂಲಕ ದ್ವಿಮುಖ ಸಂವ​ಹನ ಜಾಲ ಜೋಡಿಸಿ ಮಾಹಿತಿ ವಿನಿ​ಮಯ ನಡೆ​ಸಲು ಕಿಟಕಿ ತೆರೆ​ದಿ​ಡು​ತ್ತದೆ. ಬಹು​ತೇಕ ಜಿಎ​ಸ್‌ಎಂ ಫೋನ್‌​ಗಳು ಯುಎ​ಸ್‌​ಎ​ಸ್‌ಡಿ ಸೇವೆ ಹೊಂದಿವೆ. ಯುಎ​ಸ್‌​ಎಸ್‌ಡಿ ಸಂದೇ​ಶ​ಗಳು ರಿಯಲ್‌ ಟೈಂ ಅಥವಾ ಇನ್‌​ಸ್ಟಂಟ್‌ ಸೇವೆ. ಈ ಸಂದೇ​ಶ​ಗ​ಳನ್ನು ಎಸ್‌​ಎಂಎಸ್‌ ಮಾದ​ರಿ​ಯಲ್ಲಿ ಫಾರ್ವ​ರ್ಡ್‌ ಅಥವಾ ಶೇಖ​ರಿ​ಸಲು ಆಗು​ವು​ದಿಲ್ಲ. 

ಬ್ಯಾಂಕಿಂಗ್‌'ನಲ್ಲಿ ಬಳಕೆ ಹೇಗೆ?
ಯುಎ​ಸ್‌​ಎ​ಸ್‌'ಡಿ ವ್ಯವ​ಸ್ಥೆ​ಯಲ್ಲಿ ಬ್ಯಾಂಕಿಂಗ್‌ ಮಾಡು​ವಾ​ಗ ವಿವಿಧ ವ್ಯವ​ಹಾ​ರ​ಗ​ಳಿಗೆ ಪ್ರತ್ಯೇಕ ಸಂಕೇ​ತಾ​ಕ್ಷ​ರ​ಗಳ ಮೂಲಕ ಕಳು​ಹಿ​ಸಿದ ಎಸ್‌​ಎಂಎಸ್‌ ಆರಂಭ​ದಲ್ಲಿ ಟೆಲಿ​ಫೋನ್‌ ಆಪ​ರೇ​ಟರ್ಸ್‌ ಸರ್ವ​ರ್‌'ಗೆ ಹೋಗು​ತ್ತದೆ. ಅದು ಬ್ಯಾಂಕ್‌ ಸರ್ವ​ರ್‌'ನ್ನೂ ಸಂಪ​ರ್ಕಿ​ಸು​ತ್ತದೆ. ಈ ಮೂಲಕ ನಮ್ಮ ಖಾತೆಗೆ ಸಂಪರ್ಕ ಕಲ್ಪಿಸಿ ಅಗತ್ಯ ವ್ಯವ​ಹಾ​ರ​ವನ್ನು ಸಾಧ್ಯ​ವಾ​ಗಿ​ಸು​ತ್ತದೇ. ಅದೂ ಇಂಟ​ರ್‌​ನೆಟ್‌ ಸಂಪರ್ಕ ಇಲ್ಲದೆ. ಖಾತೆಗೆ ನಿಮ್ಮ ಮೊಬೈಲ್‌ ಸಂಖ್ಯೆ​ಯನ್ನು ಜೋಡಿ​ಸಿ​ದ​ಲ್ಲಿಗೆ ವ್ಯವ​ಹಾರ ನಡೆ​ಸಲು ನೀವು ಸಿದ್ಧ​ರಾ​ಗು​ತ್ತೀ​ರಿ. ಸ್ಟಾರ್‌99ಹ್ಯಾಶ್‌ ಸಂಕೇ​ತಾ​ಕ್ಷರ ಎಸ್‌​ಎಂಎಸ್‌ ಮೂಲಕ ಬ್ಯಾಂಕಿಂಗ್‌ ವ್ಯವ​ಹಾ​ರ​ಗಳು ನಡೆ​ಯು​ತ್ತವೆ. ಈ ವ್ಯವ​ಹಾರ ವ್ಯವ​ಸ್ಥೆ​ಯನ್ನು ನ್ಯಾಶ​ನಲ್‌ ಯೂನಿ​ಫೈಡ್‌ ಯುಎ​ಸ್‌​ಎ​ಸ್‌ಡಿ ಪ್ಲಾಟ್‌​ಫಾರಂ (ಎ​ನ್‌​ಯು​ಯು​ಪಿ) ಎಂದು ಕರೆ​ಯ​ಲಾ​ಗು​ತ್ತ​ದೆ. ಬಳಿಕ ಎಸ್‌​ಎಂಎಸ್‌ ಕಳು​ಹಿ​ಸಿ​ದಷ್ಟೇ ಸುಲ​ಭ​ವಾಗಿ ಸೂಚ​ನೆ​ಗ​ಳನ್ನು ಪಾಲಿ​ಸಿ​ಕೊಂಡು ವ್ಯವ​ಹಾರ ಮಾಡ​ಬ​ಹು​ದು.

ಎನ್‌​ಯು​ಯುಪಿ - ಏನ​ದು?
ಎನ್‌​ಯು​ಯುಪಿ ವ್ಯವ​ಸ್ಥೆ​ಯನ್ನು ಭಾರತ ಸರ್ಕಾ​ರದ ನ್ಯಾಶ​ನಲ್‌ ಪೇಮೆಂಟ್ಸ್‌ ಕಾರ್ಪೋರೇಶನ್‌ ಆಫ್‌ ಇಂಡಿಯಾ (ಎ​ನ್‌​ಪಿ​ಸಿ​ಐ) ನೂತನ ಸೇವೆ​ಯಾಗಿ 2014ರಲ್ಲಿ ಪರಿ​ಚ​ಯಿ​ಸಿತು. ಯುಎ​ಸ್‌​ಎ​ಸ್‌ಡಿ ಸೇವೆ ಆಧ​ರಿಸಿ ಬ್ಯಾಂಕಿಂಗ್‌ ಹಾಗೂ ಟೆಲಿ​ಕ​ಮ್ಯು​ನಿ​ಕೇ​ಶನ್‌ ಸಂಸ್ಥೆ​ಗಳು ಒಟ್ಟಾಗಿ ಬ್ಯಾಂಕಿಂಗ್‌ ಸೇವೆ ನೀಡಲು ಇದು ಸಹ​ಕಾ​ರಿ​ಯಾ​ಯಿತು. ಇದು ಭಾರ​ತೀಯ ರಿಸ​ವ್‌ರ್‍ ಬ್ಯಾಂಕ್‌ ಹಾಗೂ ಇಂಡಿ​ಯನ್‌ ಬ್ಯಾಂಕ್ಸ್‌ ಅಸೋ​ಸಿ​ಯೇ​ಶನ್‌ ಮಾರ್ಗ​ದ​ರ್ಶನ ಹಾಗೂ ಉತ್ತೇ​ಜ​ನ​ದಿಂದ ಕೆಲಸ ಮಾಡು​ತ್ತ​ದೆ.

ಬ್ಯಾಂಕಿಂಗ್‌ ಸೇವೆಗಾಗಿ ಎನ್‌​ಯು​ಯು​ಪಿಗೆ ಟೆಲಿಕಾಂ ಸೇವಾ ಪೂರೈ​ಕೆ​ದಾ​ರರು ಶುಲ್ಕ ವಿಧಿ​ಸು​ತ್ತಾರೆ. ಟ್ರಾಯ್‌ ಪ್ರತಿ ವ್ಯವ​ಹಾ​ರಕ್ಕೆ ರು.1.50 ನಿಗ​ದಿ​ಪ​ಡಿ​ಸಿದೆ. ಆದರೂ ನಿಮ್ಮ ಸೇವಾ ಪೂರೈ​ಕೆ​ದಾ​ರರು ಎಷ್ಟುಶುಲ್ಕ ವಿಧಿ​ಸು​ತ್ತಾರೆ ಎಂಬು​ದನ್ನು ನೀವು ಖಚಿ​ತ​ಪ​ಡಿ​ಸಿ​ಕೊ​ಳ್ಳು​ವುದು ಲೇಸು. 

ಎಲ್ಲೆಲ್ಲಾ ಬಳ​ಕೆ​ಯಾ​ಗು​ತ್ತ​ದೆ?
* ಫೋನ್‌ ಕಂಪನಿಯ ಜಾಲ ಬಳಸಿ ಮೆಸೇಜ್‌ ಕಳು​ಹಿ​ಸಿ​ದಾಗ ಅದಕ್ಕೆಂದೇ ಮೀಸ​ಲಾದ ಕಂಪ್ಯೂ​ಟರ್‌ ಸರ್ವ​ರ್‌'ನ್ನು ತಲುಪಿ ಅಲ್ಲಿಂದ ಗ್ರಾಹ​ಕ​ರಿಗೆ ಎಸ್‌​ಎಂಎಸ್‌ ರೂಪ​ದಲ್ಲೇ ಉತ್ತರ ದೊರ​ಕು​ತ್ತದೆ. ಈ ಮೂಲಕ ವ್ಯವ​ಹಾರ ಸಾಧ್ಯ​ವಾ​ಗು​ತ್ತದೆ. ಇದು ಮಾನ​ವ​ರ​ಹಿತ ಸೇವೆ​ಯಾ​ಗಿ​ರು​ವು​ದ​ರಿಂದ ದಿನದ 24 ಗಂಟೆಯೂ ಸೇವೆ ಬಳ​ಸಲು ಸಾಧ್ಯ​ವಾ​ಗು​ತ್ತ​ದೆ.
* ಯುಎ​ಸ್‌​ಎ​ಸ್‌ಡಿಯು ಕಾಲ್‌​ಬ್ಯಾಕ್‌ ಸೇವೆ ನೀಡು​ತ್ತದೆ. ಇವು ಮೊಬೈಲ್‌ ಮಾರ್ಕೆ​ಟಿಂಗ್‌ನಂತಹ ಕ್ಷೇತ್ರ​ಗ​ಳಲ್ಲಿ ಬಳ​ಕೆ​ಯಾ​ಗು​ತ್ತ​ದೆ.
* ಸಾಮಾ​ನ್ಯ​ವಾಗಿ ಯುಎ​ಸ್‌​ಎ​ಸ್‌​ಡಿ​ಯನ್ನು ಜಿಎ​ಸ್‌ಎಂ ಸೆಲ್ಯೂ​ಲಾರ್‌ ಫೋನ್‌​ಗ​ಳಲ್ಲಿ ಬ್ಯಾಲೆನ್ಸ್‌ ವಿಚಾ​ರಿ​ಸಲು ಬಳ​ಸ​ಲಾ​ಗು​ತ್ತದೆ. ಅಥವಾ ಲಭ್ಯ​ವಿ​ರುವ ರಿಚಾ​ಜ್‌ರ್‍ ಪ್ಯಾಕ್‌​ಗಳ ವಿವರ, ಆಫ​ರ್‌​ಗ​ಳನ್ನೂ ತಿಳಿ​ದು​ಕೊ​ಳ್ಳ​ಬ​ಹುದು. ಜೊತೆಗೆ ಮೊಬೈಲ್‌ ಖಾತೆ ರಿಚಾ​ರ್ಜ್/ಟಾ​ಪ್‌​ಅಪ್‌ ಮಾಡಿ​ಸಲು ಹಾಗೂ ವನ್‌'ಟೈಂ ಪಾಸ್‌ ವರ್ಡ್‌ (ಒ​ಟಿ​ಪಿ) ಅಥವಾ ಪಿನ್‌ ಕೋಡ್‌ ಕಳು​ಹಿ​ಸಲೂ ಬಳ​ಕೆ​ಯಾ​ಗು​ತ್ತ​ದೆ.
* ಇನ್ನು ಕೆಲವು ಆಪ​ರೇ​ಟ​ರ್‌'​ಗಳು ಸಾಮಾ​ಜಿಕ ತಾಣ​ಗ​ಳಾದ ಫೇಸ್‌​'ಬುಕ್‌, ಟ್ವಿಟರ್‌ ಇತ್ಯಾ​ದಿ​ಗಳ ಅಪ್‌'​ಡೇ​ಟ್‌'​ಗ​ಳನ್ನು ತಕ್ಷಣ ನೀಡಲು ಯುಎ​ಸ್‌​ಎ​ಸ್‌'ಡಿ ವ್ಯವ​ಸ್ಥೆ​ಯನ್ನು ಬಳ​ಸು​ತ್ತದೆ. ವಿಕಿ​ಪೀ​ಡಿಯಾ ಬರ​ಹ​ಗ​ಳನ್ನು ಕಳು​ಹಿ​ಸಲೂ ಇದನ್ನು ಬಳ​ಸು​ತ್ತ​ದೆ.

(epaper.kannadaprabha.in)