ಅಬ್ಬಾ...! ಬೆಂಕಿ ತಗುಲಿದ್ದ ಬೈಕನ್ನು 4 ಕಿ. ಮೀಟರ್ ಓಡಿಸಿದ!: ವಿಡಿಯೋ ವೈರಲ್!

ಹೆಂಡತಿ, ಮಕ್ಕಳನ್ನು ಕೂರಿಸಿ ಬೈಕ್ ಓಡಿಸುತ್ತಿದ್ದ| ನೋಡ ನೊಡುತ್ತಿದ್ದಂತೆಯೇ ಬೈಕ್ ಗೆ ತಾಗಿದ ಬೆಂಕಿ| ಬೆಂಕಿ ತಾಗಿದ ಬೈಕನ್ನೇ ನಾಲ್ಕು ಕಿ. ಮೀಟರ್ ಓಡಿಸಿದ| 

ಲಕ್ನೋ[ಏ.15]: ಇಟಾವಾದ ಎಕ್ಸ್ ಪ್ರೆಸ್ ಹೈವೇನಲ್ಲಿ ಬಳಿ ಬೈಕ್ ನಲ್ಲಿ ತೆರಳುತ್ತಿದ್ದ ದಂಪತಿಯೊಂದು ಉತ್ತರ ಪ್ರದೇಶದ ಪೊಲೀಸರ ಸಮಯ ಪ್ರಜ್ಞೆಯಿಂದಾಗಿ ಕೂದಲೆಳೆ ಅಂತರದಿಂದ ಪಾರಾಗಿದ್ದಾರೆ. ಈ ದಂಪತಿ ಜೊತೆ ಅವರ ಪುಟ್ಟ ಕಂದಮ್ಮ ಕೂಡಾ ಬೈಕ್ ನಲ್ಲಿತ್ತು. ಅಷ್ಟಕ್ಕೂ ಅಲ್ಲಿ ಆಗಿದ್ದೇನು? ಇಲ್ಲಿದೆ ವಿವರ

ವಾಸ್ತವವಾಗಿ ಈ ದಂಪತಿಗೆ ತಾವಿದ್ದ ಬೈಕ್ ನ ಹಿಂಬಾಗದ ಟಯರ್ ಬಳಿ ಬೆಂಕಿ ತಗುಲಿರುವ ವಿಚಾರವೇ ತಿಳಿದಿರಲಿಲ್ಲ. ಆದರೆ ಈ ವಿಚಾರ ಆ ದಾರಿಯಲ್ಲಿ ಡ್ಯೂಟಿಯಲ್ಲಿದ್ದ ಉತ್ತರ ಪ್ರದೇಶ ಪೊಲೀಸ್ ಇಲಾಕೆಯ 100 ನಂಬರ್ ತಂಡದ ಗಮನಕ್ಕೆ ಬಂದಿದೆ. ಈ ದೃಶ್ಯ ಕಂಡ ಪೊಲೀಸರೇ ಒಂದು ಬಾರಿ ಬೆಚ್ಚಿ ಬಿದ್ದಿದ್ದಾರೆ. ಪೊಲೀಸರು ಆ ಕೂಡಲೇ ಕಿರುಚಿ ಆ ದಂಪತಿಯನ್ನು ಎಚ್ಚರಿಸಲು ಯತ್ನಿಸಿದೆ ಆದರೆ ಬೈಕ್ ವೇಗವಾಗಿದ್ದ ಕಾರಣದಿಂದಲೋ ಏನೋ ಗಂಡ ಹೆಂಡತಿ ಆ ಕಡೆ ಹೆಚ್ಚು ಗಮನ ನೀಡಿಲ್ಲ. 

ಆದರೆ ಮುಂದೆ ಎದುರಾಗಲಿರುವ ಅಪಾಯವನ್ನರಿತ ಪೊಲೀಸರು ಆಕೂಡಲೇ ಅಲರ್ಟ್ ಆಗಿದ್ದಾರೆ. ವೇಗವಾಗಿ ಹೋಗುತ್ತಿದ್ದ ಬೈಕನ್ನು ಬೆನ್ನಟ್ಟಿದ್ದ ಅವರು ಸುಮಾರು 4 ಕಿ. ಮೀಟರ್ ಕ್ರಮಿಸಿದ ಬಳಿಕ ತಡೆಯಲು ಯಶಸ್ವಿಯಗಿದ್ದಾರೆ. ಕೂಡಲೇ ಬೈಕ್ ನಲ್ಲಿದ್ದವರನ್ನು ಕೆಳಗಿಳಿಸಿ ಸುರಕ್ಷಿತ ಸ್ಥಳಕ್ಕೊಯ್ದಿದ್ದಾರೆ. ಬಳಿಕ ಬೈಕ್ ಗೆ ತಗುಲಿದ್ದ ಬೆಂಕಿಯನ್ನು ನಂದಿಸಿದ್ದಾರೆ. ಈ ಘಟನೆಯಲ್ಲಿ ದಂಪತಿ ಹಾಗೂ ಮಗು ಕೂದಲೆಳೆ ಂತರದಲ್ಲಿ ಬದುಕಿದ್ದಾರೆ.

ಬೈಕ್ ಹಿಂಬಾಗದಲ್ಲಿ ಸಿಲುಕಿಸಿದ್ದ ಬ್ಯಾಗ್ ಗಳು ನೆಲಕ್ಕೆ ತಾಗಿ ಈ ಬೆಂಕಿ ತಾಗಿದೆ ಎಂದು ಅಂದಾಜಿಸಲಾಗಿದೆ. ಬೈಕ್ ಗೆ ಬೆಂಕಿ ತಗುಲುವುದು ತೀರಾ ಅಪರೂಪ ಆಗಿರುವುದರಿಂದ ಈ ಪ್ರಕರಣದ ಕುರಿತಾಗಿ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಉತ್ತರ ಪ್ರದೇಶ ಪೊಲೀಸರ ಟ್ವಿಟರ್ ಖಾತೆಯಲ್ಲಿ ಘಟನೆಯ ವಿಡಿಯೋ ಶೇರ್ ಮಾಡಲಾಗಿದೆ.