ಸಂಸತ್ತಿನೆದುರು ಪಾಶ್ಚಾತ್ಯ ಉಡುಗೆ ತೊಟ್ಟು ಪೋಸ್: ಸಂಸದೆಯರು ಟ್ರೋಲ್!

ಸಂಸತ್ತಿಗೆ ಪ್ರವೆಶಿಸಿದ ಮೊದಲ ದಿನವೇ ಪಾಶ್ಚಾತ್ಯ ಉಡುಗೆ ಧರಿಸಿದ್ದ ಟಿಎಂಸಿ ಸಂಸದೆಯರು| ಸಾಮಾಜಿಕ ಜಾಲತಾಣದಲ್ಲಿ ಇಬ್ಬರು ನಾಯಕಿಯರು ಫುಲ್ ಟ್ರೋಲ್!

ನವದೆಹಲಿ[ಮೇ.29]: ಲೋಕಸಭೆಗೆ ಆಯ್ಕೆಯಾದ ಟಿಎಂಸಿಯ ಮಿಮಿ ಚಕ್ರವರ್ತಿ ಹಾಗೂ ನುಸ್ರುತ್‌ ಜಹಾನ್‌ ಅವರು ಪಾಶ್ಚಿಮಾತ್ಯ ಸಂಸ್ಕೃತಿ ಬಿಂಬಿಸುವ ಉಡುಗೆಯಲ್ಲಿ ಸಂಸತ್ತಿನ ಎದುರು ಕಾಣಿಸಿಕೊಂಡಿದ್ದಕ್ಕಾಗಿ ಟ್ರೋಲಿಗರ ಆಕ್ರೋಶಕ್ಕೆ ತುತ್ತಾಗಿದ್ದಾರೆ.

ಸಂಸತ್ತಿನ ಎದುರು ಬಂಗಾಳಿ ನಟಿಯರಾಗಿದ್ದ ಮಿಮಿ ಹಾಗೂ ನುಸ್ರುತ್‌ ಕ್ಯಾಮೆರಾಗೆ ಪೋಸ್‌ ನೀಡಿದ್ದರು. ಈ ಫೋಟೋ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಇದು ಫೋಟೋ ಸ್ಟುಡಿಯೋ ಅಲ್ಲ. ಮಿಮಿ ಸಂಸದೆಯಾಗಲು ಅರ್ಹಳಲ್ಲ ಎಂದೆಲ್ಲಾ ಟೀಕಿಸಿದ್ದಾರೆ.

ಮತ್ತೆ ಕೆಲವರು ಸಾಮಾನ್ಯವಾಗಿ ಮಹಿಳಾ ಸಂಸದರು ಸೀರೆಯಲ್ಲಿ ಸಂಸತ್ತಿಗೆ ಆಗಮಿಸುತ್ತಾರೆ. ಆದರೆ, ಟಿಎಂಸಿಯ ಈ ಇಬ್ಬರು ಸಂಸದೆಯರು ವಿಶಿಷ್ಟಉಡುಗೆಯಲ್ಲಿ ಆಗಮಿಸಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.