ಈ ವರ್ಷ ಮಕ್ಕಳಿಗಿಲ್ಲ ಶೂ ಭಾಗ್ಯ: ಇನ್ನೂ ಕೂಡಿ ಬರದ ಟೆಂಡರ್ ಭಾಗ್ಯ

ಈ ವರ್ಷ ಶಾಲಾ ಮಕ್ಕಳಿಗೆ ಶೂ ಭಾಗ್ಯವಿಲ್ಲ. ವರ್ಷ ಮುಗೀತಾ ಬಂದ್ರೂ ಇನ್ನೂ ಟೆಂಡರ್ ಭಾಗ್ಯ ಬಂದಿಲ್ಲ. ಮುಂದಿನ ಶೈಕ್ಷಣಿಕ ವರ್ಷಕ್ಕೆ ಶೂ ನೀಡಲು ಶಿಕ್ಷಣ ಇಲಾಖೆ ನಿರ್ಧರಿಸಿದೆ. ಹೀಗಾಗಿ ಕಳೆದ ವರ್ಷದ ಶೂನಲ್ಲೇ ವರ್ಷ ಸಾಗಹಾಕಿದೆ ರಾಜ್ಯ ಸರ್ಕಾರ.

ಬೆಂಗಳೂರುಡಿ.09): ಈ ವರ್ಷ ಶಾಲಾ ಮಕ್ಕಳಿಗೆ ಶೂ ಭಾಗ್ಯವಿಲ್ಲ. ವರ್ಷ ಮುಗೀತಾ ಬಂದ್ರೂ ಇನ್ನೂ ಟೆಂಡರ್ ಭಾಗ್ಯ ಬಂದಿಲ್ಲ. ಮುಂದಿನ ಶೈಕ್ಷಣಿಕ ವರ್ಷಕ್ಕೆ ಶೂ ನೀಡಲು ಶಿಕ್ಷಣ ಇಲಾಖೆ ನಿರ್ಧರಿಸಿದೆ. ಹೀಗಾಗಿ ಕಳೆದ ವರ್ಷದ ಶೂನಲ್ಲೇ ವರ್ಷ ಸಾಗಹಾಕಿದೆ ರಾಜ್ಯ ಸರ್ಕಾರ.

ಶಾಲಾ ಮಕ್ಕಳಿಗೆ ಕಾಲಿಗೆ ಚೆಂದ, ಸಮಾನತೆ ಮನೋಭಾವ ಬೆಳೆಸಲು ಎಲ್ಲರಿಗೂ ಶೂ ವಿತರಣೆಗೆ ರಾಜ್ಯ ಸರ್ಕಾರ ಕಳೆದ ವರ್ಷ ಶೂ ಭಾಗ್ಯ ಯೋಜನೆ ಜಾರಿಗೊಳಿಸಿತು. ಕಳೆದ ವರ್ಷ ನೀಡಬೇಕಿದ್ದ ಬೂಟುಗಳನ್ನು ಸರ್ಕಾರ ಈ ವರ್ಷ ಜೂನ್ ತಿಂಗಳಲ್ಲಿ ನೀಡಿದೆ. ಹೀಗಾಗಿ, 2016-17 ನೇ ಸಾಲಿನ ಶೂಗಳನ್ನು ಇನ್ನೂ ನೀಡಿಲ್ಲ. ಅಲ್ಲದೇ ಈ ಶೈಕ್ಷಣಿಕ ವರ್ಷದಲ್ಲಿ ನೀಡದಿರಲು ಕೂಡ ಸರ್ಕಾರ ನಿರ್ಧರಿಸಿದೆ. ಕಳೆದ ವರ್ಷ ಶಾಲೆಗಳಿಗೆ ನೇರವಾಗಿ ಶೂ ಖರೀದಿಸಲು ಅವಕಾಶ ಕಲ್ಪಿಸಲಾಗಿತ್ತು. ಎಸ್​ಡಿಎಂಸಿ ಮೂಲಕ ಮಕ್ಕಳಿಗೆ ಬೂಟ್ ಖರೀದಿಗೆ ಸರ್ಕಾರ ನೇರವಾಗಿ ಹಣ ಬಿಡುಗಡೆ ಮಾಡಿತ್ತು. ಆದರೆ, ಆ ಯೋಜನೆಯಿಂದ ಸಾಕಷ್ಟು ಅವ್ಯವಹಾರದ ದೂರುಗಳು ಬಂದಿತ್ತು. ಹೀಗಾಗಿ ಯೋಜನೆ ಬದಲಾಯಿಸಿ ಈ ವರ್ಷ ಟೆಂಡರ್ ಮೂಲಕ ಬೂಟ್ ಖರೀದಿಗೆ ಸರ್ಕಾರ ತೀರ್ಮಾನ ಮಾಡಿದೆ.

- 45 ಲಕ್ಷ ಮಕ್ಕಳಿಗೆ ಶೂ ವಿತರಣೆ

- 127 ಕೋಟಿ ರೂಪಾಯಿ ಯೋಜನೆ

- ಒಂದು ಕಂಪನಿಗೆ 3 ಲಕ್ಷ ಶೂ ಉತ್ಪಾದನೆಗೆ ಅವಕಾಶ

- ತಯಾರಿಕಾ ಕಂಪನಿ 50 ಲಕ್ಷ ಬ್ಯಾಂಕ್ ಗ್ಯಾರೆಂಟಿ ಕೊಡಬೇಕು

- ಒಂದು ವರ್ಷದ ಗ್ಯಾರೆಂಟಿ ಕೊಡಬೇಕು

- ಮಕ್ಕಳ ಕಾಲಿನ ಅಳತೆಯನ್ನು ಕಂಪನಿಯವರೇ ಪಡೆಯಬೇಕು

- ಬೂಟ್ ಹಾಳಾದರೆ 24 ಗಂಟೆಯಲ್ಲಿ ಬದಲಾಯಿಸಿ ಕೊಡಬೇಕು

ಸರ್ಕಾರ ಟೆಂಡರ್ ಕರೆಯಲು ಹೊಸ ನಿಯಮಗಳನ್ನು ರೂಪಿಸುವುದರಲ್ಲೇ ಇನ್ನು ಮೀನಮೇಷ ಎಣಿಸುತ್ತಿದೆ. ಇದೇ ಲೆಕ್ಕಚಾರದಲ್ಲಿ 2016-17 ನೇ ಸಾಲಿನ ಬಜೆಟ್​ನಲ್ಲಿ ನೀಡಬೇಕಿದ್ದ ಶೂ ನೀಡದೇ ಸರ್ಕಾರ ಜಾರಿಕೊಳ್ಳುತ್ತಿದೆ. ಆದ್ದರಿಂದ ಈ ವರ್ಷ ಮಕ್ಕಳಿಗೆ ಸಿಗಬೇಕಾಗಿದ್ದ ಶೂ ಸಿಗದೇ ಮಕ್ಕಳು ಕಳೆದ ವರ್ಷದ ಬೂಟು ಹಾಕಿಕೊಂಡೆ ಶಾಲೆಗೆ ಹೋಗಬೇಕಾಗಿದೆ.