ವೃದ್ಧರು, ದಿವ್ಯಾಂಗರಿಗೆ ಮನೆ ಬಾಗಿಲಲ್ಲೇ ಬ್ಯಾಂಕಿಂಗ್ ಸೇವೆ!

ಹಿರಿಯ ನಾಗರಿಕರು ಅಥವಾ 70 ವರ್ಷ ಮೀರಿದ ವೃದ್ಧರು ಮತ್ತು ದಿವ್ಯಾಂಗರ ಸಮಸ್ಯೆಗಳನ್ನು ಅರಿತಿರುವ ಆರ್‌ಬಿಐ, ಡಿ.31ರ ಒಳಗೆ ವೃದ್ಧರು ಮತ್ತು ದಿವ್ಯಾಂಗರಿಗೆ ಅನುಕೂಲವಾಗುವ ರೀತಿ ಅವರ ಮನೆ ಬಾಗಿಲಲ್ಲೇ ಬ್ಯಾಂಕಿಂಗ್ ಸೇವೆ ನೀಡುವಂತೆ ಎಲ್ಲ ಬ್ಯಾಂಕ್‌ಗಳಿಗೂ ಸೂಚಿಸಿದೆ.

ಮುಂಬೈ: ಹಿರಿಯ ನಾಗರಿಕರು ಅಥವಾ 70 ವರ್ಷ ಮೀರಿದ ವೃದ್ಧರು ಮತ್ತು ದಿವ್ಯಾಂಗರ ಸಮಸ್ಯೆಗಳನ್ನು ಅರಿತಿರುವ ಆರ್‌ಬಿಐ, ಡಿ.31ರ ಒಳಗೆ ವೃದ್ಧರು ಮತ್ತು ದಿವ್ಯಾಂಗರಿಗೆ ಅನುಕೂಲವಾಗುವ ರೀತಿ ಅವರ ಮನೆ ಬಾಗಿಲಲ್ಲೇ ಬ್ಯಾಂಕಿಂಗ್ ಸೇವೆ ನೀಡುವಂತೆ ಎಲ್ಲ ಬ್ಯಾಂಕ್‌ಗಳಿಗೂ ಸೂಚಿಸಿದೆ.

ಈ ಬಗ್ಗೆ ಗುರುವಾರ ಸೂಚನೆ ಹೊರಡಿಸಿರುವ ಆರ್‌ಬಿಐ, ‘ಹಿರಿಯ ನಾಗರಿಕರು, ದೃಷ್ಟಿ ಹೀನರು ಮತ್ತು ನಡೆಯಲು ಕಷ್ಟಕರವಾದ ದಿವ್ಯಾಂಗರಿಗೆ ಅಗತ್ಯವಿರುವ ಹಣ, ಚೆಕ್‌ಬುಕ್ ಮತ್ತು ಡಿಡಿಗಳನ್ನು ಅವರ ಮನೆ ಬಾಗಿಲಿಗೇ ತೆಗೆದುಕೊಂಡು ಹೋಗಬೇಕು. ಈ ನಿಯಮಗಳನ್ನು ಡಿ.31ರೊಳಗೆ ಅನುಷ್ಠಾನಗೊಳಿಸಬೇಕು. ಅಲ್ಲದೆ, ಈ ಬಗ್ಗೆ ಬ್ಯಾಂಕ್ ಶಾಖೆ ಮತ್ತು ವೆಬ್‌ಸೈಟ್‌ಗಳ ಮೂಲಕ ಹೆಚ್ಚು ಜನಪ್ರಿಯತೆ ನೀಡಬೇಕು ಸೂಚಿಸಲಾಗಿದೆ.