ಎ.ಸಿ ಬೋಗಿ ರೈಲು ಪ್ರಯಾಣಿಕರಿಗೆ ಸಿಗಲಿದೆ ಟವೆಲ್
ಸಾರಾಂಶ
- ಎ.ಸಿ. ರೈಲು ಪ್ರಯಾಣಿಕರಿಗೆ ಬಿಸಾಡಬಹುದಾದ ಟವೆಲ್ - ಟವೆಲ್ ತೆಗೆದುಕೊಂಡು ಹೋಗುವ ಗೋಜಿಲ್ಲ - ನಿಮ್ಮ ಪ್ರಯಾಣ ಇನ್ನಷ್ಟು ಹಗುರವಾಗಲಿದೆ
ನವದೆಹಲಿ (ಜು. 03): ರೈಲಿನ ಹವಾನಿಯಂತ್ರಿತ ಬೋಗಿಗಳಲ್ಲಿ ಪ್ರಯಾಣಿಕರಿಗೆ ನೀಡಲಾಗುತ್ತಿದ್ದ ಮುಖ ಒರೆಸುವ ಟವೆಲ್ಗಳ ಬದಲಾಗಿ ಅಗ್ಗದ, ಸಣ್ಣಗಾತ್ರದ, ಬಿಸಾಡಬಹುದಾದ ಮತ್ತು ಜೊತೆಗೆ ಒಯ್ಯಬಹುದಾದ ಟವೆಲ್ಗಳನ್ನು ನೀಡಲು ರೈಲ್ವೆ ಇಲಾಖೆ ನಿರ್ಧರಿಸಿದೆ.
ಸದ್ಯ ಪ್ರಯಾಣಿಕರಿಗೆ ನೀಡುತ್ತಿರುವ ಟವೆಲ್ನ ಬೆಲೆ ಸುಮಾರು 4 ರು. ಇದೆ. ಇವು 52 ಸೆಂಟಿಮೀಟರ್ ಉದ್ದ ಹಾಗೂ 40 ಸೆಂಟಿಮೀಟರ್ ಅಗಲವಾಗಿವೆ. ಅದರ ಬದಲು 40 ಸೆಂ.ಮೀ. ಉದ್ದ ಹಾಗೂ 30 ಸೆಂ.ಮೀ. ಅಗಲದ ಟವೆಲ್ಗಳನ್ನು ನೀಡಲಾಗುತ್ತದೆ. ಇದರ ವೆಚ್ಚವನ್ನು ಟಿಕೆಟ್ನಲ್ಲೇ ಸೇರಿಸಲಾಗುತ್ತದೆ. ಹೊಸ ಟವೆಲ್ಗಳು ಪರಿಸರ ಸ್ನೇಹಿಯಾಗಿದ್ದು, ಹತ್ತಿಯಿಂದ ಮಾಡಿರುವುದರಿಂದ ಹೆಚ್ಚಿನ ನೀರನ್ನು ಹೀರಿಕೊಳ್ಳುತ್ತವೆ. ಹೆಚ್ಚಿನ ಪ್ರಮಾಣದಲ್ಲಿ ಟವೆಲ್ ತರಿಸುವುದರಿಂದ ಪ್ರತಿ ಟವೆಲ್ಗೆ ತಗಲುವ ವೆಚ್ಚ ಇಳಿಕೆಯಾಗುವ ನಿರೀಕ್ಷೆ ಇದೆ. ಈ ಸಂಬಂಧ ಜೂ.26ರಂದು ಎಲ್ಲಾ ವಲಯಗಳ ರೈಲ್ವೆ ವ್ಯವಸ್ಥಾಪಕರಿಗೆ ಪತ್ರಗಳನ್ನು ಬರೆಯಲಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.