45ನೇ ಸಿಜೆಐ ಆಗಿ ನ್ಯಾ. ಮಿಶ್ರಾನೇಮಕಾತಿಗೆ ರಾಷ್ಟ್ರಪತಿಯವರು ಅಂಕಿತ ಹಾಕಿದ್ದಾರೆ.
ನವದೆಹಲಿ(ಆ.09): ಸುಪ್ರೀಂ ಕೋರ್ಟ್‌ನ ಮುಂದಿನ ಮುಖ್ಯನ್ಯಾಯಮೂರ್ತಿಯಾಗಿ ಹಿರಿಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ (63) ನೇಮಕಗೊಂಡಿದ್ದಾರೆ. ಈ ಸಂಬಂಧ ಕಾನೂನು ಸಚಿವಾಲಯ ಅಧಿಕೃತ ಸುತ್ತೋಲೆ ಮಂಗಳವಾರ ಜಾರಿಗೊಳಿಸಿದೆ. ಆ.27ರಂದು ಹಾಲಿ ಸಿಜೆಐ ಜೆ.ಎಸ್. ಖೇಹರ್ ನಿವೃತ್ತರಾದ ಬಳಿಕ, ನ್ಯಾ. ಮಿಶ್ರಾ ಅಧಿಕಾರ ವಹಿಸಲಿದ್ದಾರೆ. 45ನೇ ಸಿಜೆಐ ಆಗಿ ನ್ಯಾ. ಮಿಶ್ರಾ ನೇಮಕಾತಿಗೆ ರಾಷ್ಟ್ರಪತಿಯವರು ಅಂಕಿತ ಹಾಕಿದ್ದಾರೆ. ಈ ನಡುವೆ ನ್ಯಾ. ಮಿಶ್ರಾರನ್ನು ಮುಖ್ಯ ನ್ಯಾಯಮೂರ್ತಿಯಾಗಿ ನೇಮಕ ಮಾಡಿರುವುದನ್ನು ಕೋರ್ಟ್‌ನಲ್ಲಿ ಪ್ರಶ್ನಿಸುವುದಾಗಿ ಪಂಜಾಬ್ ಸಂಸದ ಹರೀಂದರ್ ಸಿಂಗ್ ಖಾಲ್ಸ ಹೇಳಿದ್ದಾರೆ. ನ್ಯಾ. ಮಿಶ್ರಾ ಅವರ ವಿರುದ್ಧ ಭ್ರಷ್ಟಾಚಾರದ ಆರೋಪವಿರುವುದರಿಂದ, ಅವರ ನೇಮಕಾತಿಯನ್ನು ಪ್ರಶ್ನಿಸಿ ದೆಹಲಿ ಹೈಕೋರ್ಟ್‌ನಲ್ಲಿ ಅರ್ಜಿ ದಾಖಲಿಸುವುದಾಗಿ ಅವರು ತಿಳಿಸಿದ್ದಾರೆ.