ಪಾಕ್ ಯುದ್ಧ ವಿಮಾನಗಳು ಗಡಿಗೆ: ಯುದ್ಧವಾದರೆ ಗುಜರಿಗೆ!

ಜಮ್ಮು ಮತ್ತು ಕಾಶ್ಮೀರ ವಿಶೇಷ ಸ್ಥಾನಮಾನ ರದ್ದತಿ ಹಿನ್ನೆಲೆ| ಯುದ್ದೋನ್ಮಾದದಲ್ಲಿ ತೇಲಾಡುತ್ತಿರುವ ಪಾಕಿಸ್ತಾನ| ಭಾರತದೊಂದಿಗೆ ಯುದ್ಧ ಮಾಡುವುದಾಗಿ ಹೇಳಿಕೊಂಡು ತಿರುಗುತ್ತಿರುವ ಪಾಕಿಸ್ತಾನ| ಸ್ಕರ್ದು ವಾಯುನೆಲೆಗೆ 3 ಸಿ130 ಯುದ್ಧ ವಿಮಾನಗಳ ರವಾನೆ| ಜೆಎಫ್-17 ಯುದ್ಧ ವಿಮಾನವನ್ನೂ ಕಳುಹಿಸುವ ಇರಾದೆ| ಪಾಕ್ ಚಲನವಲನದ ಮೇಲೆ ಕಣ್ಣಿಟ್ಟ ಭಾರತೀಯ ಸೇನೆ|

ನವದೆಹಲಿ/ಇಸ್ಲಾಮಾಬಾದ್(ಆ.12): ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಲಾಗಿದ್ದ ವಿಶೇಷ ಸ್ಥಾನಮಾನವನ್ನು ಮೋದಿ ಸರ್ಕಾರ ರದ್ದುಗೊಳಿಸಿದೆ. ಇದು ಪಾಕ್ ಪಾಲಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದ್ದು, ಸದಾ ಯುದ್ಧದ ಕನವರಿಕೆಯಲ್ಲಿ ದಿನ ದೂಡುತ್ತಿದೆ.

ಭಾರತದ ವಿರುದ್ಧ ಯುದ್ಧ ಮಾಡುವ ಉನ್ಮಾದಲ್ಲಿರುವ ಪಾಕಿಸ್ತಾನ, ತನ್ನ ವಾಯುಸೇನೆಗೆ ಸೇರಿದ 3 ಸಿ130 ಯುದ್ಧ ವಿಮಾನಗಳನ್ನು ಗಡಿಗೆ ರವಾನಿಸಿದೆ.  

ಲಡಾಖ್ ಸಮೀಪದ ಸ್ಕರ್ದು ವಾಯುನೆಲೆಗೆ ಪಾಕಿಸ್ತಾನ 3 ಸಿ130 ಯುದ್ಧ ವಿಮಾನ ರವಾನಿಸಿದ್ದು, ಇದರ ಜೊತೆಗೆ ಯುದ್ಧೋಪಕರಣಗಳನ್ನೂ ಜಮೆ ಮಾಡಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.

ಇನ್ನು ಪಾಕ್ ಸ್ಕರ್ದು ವಾಯುನೆಲೆಗೆ ಜೆಎಫ್-17 ಯುದ್ಧ ವಿಮಾನವನ್ನೂ ಕಳುಹಿಸುವ ಇರಾದೆ ಹೊಂದಿದ್ದು, ಈ ಹಿನ್ನೆಲೆಯಲ್ಲಿ ಗಡಿ ಭಾಗದಲ್ಲಿ ಪಾಕಿಸ್ತಾನದ ಚಲನವಲನದ ಮೇಲೆ ಭಾರತದ ಸೇನಾ ಗುಪ್ತಚರ ಸೂಕ್ಷ್ಮವಾಗಿ ಕಣ್ಣಿಟ್ಟಿದೆ ಎನ್ನಲಾಗಿದೆ.