ಭಾರತದಲ್ಲಿ ವಾಟ್ಸಾಪ್ ಬಳಸುವವರ ಸಂಖ್ಯೆ ಎಷ್ಟಿದೆ? ಇಲ್ಲಿದೆ ಲೇಟೆಸ್ಟ್ ರಿಪೋರ್ಟ್

ಭಾರತದ ಬಹುತೇಕ ಮೊಬೈಲ್ ಬಳಕೆದಾರರು ವಾಟ್ಸಾಪ್ ಅಕೌಂಟ್ ಹೊಂದಿದ್ದಾರೆ ಎಂದು ಕೆಲ ಸಮೀಕ್ಷೆಗಳು ಹೇಳುತ್ತವೆ.

ನವದೆಹಲಿ(ಫೆ. 24): ಭಾರತದಲ್ಲಿ 200 ಮಿಲಿಯನ್, ಅಂದರೆ 20 ಕೋಟಿಯಷ್ಟು ಜನರು ವಾಟ್ಸಾಪ್ ಬಳಸುತ್ತಿದ್ದಾರಂತೆ. ಈ ಅಂಕಿ-ಅಂಶವನ್ನು ನೀಡಿದ್ದು ವಾಟ್ಸಾಪ್'ನ ಸಹ-ಸಂಸ್ಥಾಪಕ ಬ್ರಿಯಾನ್ ಆಕ್ಟನ್. ದಿಲ್ಲಿ ಐಐಟಿ ಸಂಸ್ಥೆಯಲ್ಲಿ ವಿದ್ಯಾರ್ಥಿಗಳೊಂದಿಗಿನ ಸಂವಾದದ ವೇಳೆ ಬ್ರಿಯಾನ್ ಅವರು ಈ ಮಾಹಿತಿ ಹೊರಗೆಡವಿದರು. ಭಾರತದಲ್ಲಿ ಅಗಾಧ ಸಂಖ್ಯೆಯಲ್ಲಿ ಬಳಕೆದಾರರನ್ನು ಹೊಂದಿರುವ ವಾಟ್ಸಾಪ್, ಈ ದೇಶದ ಬೆಳವಣಿಗೆಯಲ್ಲಿ ಯಾವ್ಯಾವ ರೀತಿಯಲ್ಲಿ ಕೊಡುಗೆ ನೀಡಬಹುದು ಎಂಬ ಕುರಿತೂ ಕಾರ್ಯಕ್ರಮದಲ್ಲಿ ಸಂವಾದ ನಡೆಯಿತು.

ಇತ್ತೀಚೆಗೆ ವಾಟ್ಸಾಪ್ ಸಾಕಷ್ಟು ಹೊಸ ಫೀಚರ್ ಮತ್ತು ಅಪ್'ಡೇಟ್'ಗಳನ್ನು ನೀಡುತ್ತಿದೆ. ಭಾರತದ ಬಹುತೇಕ ಮೊಬೈಲ್ ಬಳಕೆದಾರರು ವಾಟ್ಸಾಪ್ ಅಕೌಂಟ್ ಹೊಂದಿದ್ದಾರೆ ಎಂದು ಕೆಲ ಸಮೀಕ್ಷೆಗಳು ಹೇಳುತ್ತವೆ.