ಜುನೋ ಮಿಷನ್ ಅವಧಿ ವಿಸ್ತರಿಸಿದ ನಾಸಾ
ಗುರುಗ್ರಹದ ಅಧ್ಯಯನದಲ್ಲಿ ನಿರತವಾದ ಜುನೋ ನೌಕೆ
2022ರವರೆಗೆ ಅವಧಿ ವಿಸ್ತರಿಸಲು ನಾಸಾ ಅಸ್ತು
ದೈತ್ಯ ಗ್ರಹದ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸಹಕಾರಿ
ವಾಷಿಂಗ್ಟನ್[ಜೂ.7): ಖಗೋಳಪ್ರೀಯರಿಗೆ ಸಂತಸದ ಸುದ್ದಿಯೊಂದನ್ನು ನಾಸಾ ನೀಡಿದೆ. ನಮ್ಮ ಸೌರಮಂಡಲದ ಅತ್ಯಂತ ದೊಡ್ಡ ಗ್ರಹವಾದ ಗುರುವಿನ ಅಧ್ಯಯನದಲ್ಲಿ ನಿರತವಾದ ಜುನೋ ಮಿಷನ್‌ನ್ನು ಮೂರು ವರ್ಷಗಳವರೆಗೆ ನಾಸಾ ವಿಸ್ತರಿಸಿದೆ.
2011 ರಲ್ಲಿ ನಾಸಾದಿಂದ ಉಡಾಯಿಸಲಪಟ್ಟ ಜುನೋ ನೌಕೆ, 2016ರಲ್ಲಿ ಗುರುಗ್ರಹದ ಕಕ್ಷೆಯನ್ನು ತಲುಪಿತ್ತು. ಅಂದಿನಿಂದ ನಿರಂತರವಾಗಿ ಗುರುಗ್ರಹದ ಕುರಿತು ಮಹತ್ವದ ಮಾಹಿತಿಗಳನ್ನು ಜುನೋ ರವಾನಿಸುತ್ತಲೇ ಇದೆ.
ನಾಸಾದ ಈ ಮೊದಲಿನ ಯೋಜನೆಯಂತೆ ಜುನೋ ಈ ವರ್ಷದ ಫೆಬ್ರುವರಿಯಲ್ಲೇ ತನ್ನ ಕಾರ್ಯಚಟುವಟಿಕೆಯನ್ನು ಸ್ಥಗಿತಗೊಳಿಸಬೇಕಿತ್ತು. ಆದರೆ ಗುರುಗ್ರಹದ ಕುರಿತು ಮತ್ತಷ್ಟು ಮಾಹಿತಿಯ ಅಗತ್ಯವಿದ್ದು, ಈ ಹಿನ್ನೆಲೆಯಲ್ಲಿ ಜುನೋ ಮಿಷನ್‌ನನ್ನು ವಿಸ್ತರಿಸಲು ನಾಸಾ ನಿರ್ಧರಿಸಿದೆ.
Just keep spinning, just keep spinning… approved an update to my science operations until July 2021, providing for an additional 41 months in orbit around ! https://t.co/12VnqNw7xz pic.twitter.com/3zPJL4y0Xd
— NASA's Juno Mission (@NASAJuno)ಪ್ರತಿ 14 ದಿನಗಳಿಗೊಮ್ಮೆ ಗುರುಗ್ರಹವನ್ನು ಸುತ್ತು ಹೊಡೆಯುತ್ತಿರುವ ಜುನೋ, ಆ ದೈತ್ಯ ಗ್ರಹದ ಕುರಿತಾದ ಮಾನವನ ತಿಳುವಳಿಕೆಯನ್ನು ಅಗಾಧವಾಗಿ ಹೆಚ್ಚಿಸಿದೆ. ಇದೀಗ ಜುನೋ ಮಿಷನ್ ಅವಧಿಯನ್ನು 2022 ರವರೆಗೆ ವಿಸ್ತರಿಸುವುದರಿಂದ ಖಗೋಳಪ್ರೀಯರ ಖುಷಿ ಎಲ್ಲೆ ಮೀರಿದೆ.