ಲವ್ ಮಾಡಿ ಆದರೆ ಆಮೇಲೆ ಮಾಡಿ: ವಿದ್ಯಾರ್ಥಿಗಳಿಗೆ ಆಂಜನೇಯ ಕಿವಿಮಾತು

ನಾನು ಕೂಡ ನಮ್ಮ ತಂದೆತಾಯಿ ನೋಡಿದವರನ್ನೇ ಮದುವೆಯಾಗಿ ಎಷ್ಟು ಸುಖವಾಗಿದ್ದೇನೆ

ಧಾರವಾಡ(ಅ.13): ಸಮಾಜ ಕಲ್ಯಾಣ ಸಚಿವ ಹೆಚ್​. ಆಂಜನೇಯ ಅವರು ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ನೀತಿ ಪಾಠ ಬೋಧನೆ ಮಾಡಿದ ಪ್ರಸಂಗ ಇಂದು ನಡೆಯಿತು.

ಡಾ. ಬಾಬು ಜಗಜೀವನರಾಮ್​ ಅವರ ಅಧ್ಯಯನ ಕೇಂದ್ರ ಉದ್ಘಾಟನೆ ಬಳಿಕ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ ಅವರು, ನಿಮ್ಮ ತಂದೆ ತಾಯಿ ಕನಸು ಕಟ್ಟಿ ಇಂತಹ ವಿಶ್ವವಿದ್ಯಾಲಯಕ್ಕೆ ಕಳುಹಿಸಿದ್ದಾರೆ. ಎಲ್ಲರೂ ಚೆನ್ನಾಗಿ ಓದಿ, ನೀವ್ಯಾರು ಲವ್​ಗೆ ಬೀಳಬೇಡಿ. ಚೆನ್ನಾಗಿ ಓದಿದ ನಂತರ ಲವ್ ಮಾಡಿ. ಲವ್​ ಮಾಡಬೇಕಿದ್ದರೆ ಎಲ್ಲ ಪದವಿ ಗಳಿಸಿ. ಕೆಲಸ ಗಿಟ್ಟಿಸಿಕೊಂಡಿ ಜೀವನಕ್ಕೆ ಅಗತ್ಯ ಭದ್ರತೆ ಮಾಡಿಕೊಂಡು ಬಳಿಕ ಚಿಂತನೆ ಮಾಡಿ. ನಾನು ಕೂಡ ನಮ್ಮ ತಂದೆತಾಯಿ ನೋಡಿದವರನ್ನೇ ಮದುವೆಯಾಗಿ ಎಷ್ಟು ಸುಖವಾಗಿದ್ದೇನೆ. ನೀವು ಕೂಡ ನನ್ನನ್ನೇ ಅನುಸರಿಸಿ ಎಂದು ಹಾಸ್ಯ ಚಟಾಕಿ ಹಾರಿಸಿದರು.