ಐರ್ಲೆಂಡ್'ಗೆ ಭಾರತ ಮೂಲದ ಸಲಿಂಗಿ ಪ್ರಧಾನ ಮಂತ್ರಿ
ಸಾರಾಂಶ
ಐರ್ಲೆಂಡ್ ದೇಶದ ನೂತನ ಪ್ರಧಾನಿಯಾಗಿ ಹಾಲಿ ಸಚಿವ, ಭಾರತೀಯ ಮೂಲದ ಲಿಯೋ ವರ್ದಾಕರ್ (38) ಅವರನ್ನು ಆಯ್ಕೆ ಮಾಡಲಾಗಿದೆ. ಜೂನ್ 13ರಂದು ಸಂಸತ್ ಸಭೆ ಸೇರಲಿದ್ದು, ಅಲ್ಲಿ ಅಧಿಕೃತವಾಗಿ ಘೋಷಣೆ ಆಗಲಿದೆ.
ಡಬ್ಲಿನ್(ಜೂ.03): ಐರ್ಲೆಂಡ್ ದೇಶದ ನೂತನ ಪ್ರಧಾನಿಯಾಗಿ ಹಾಲಿ ಸಚಿವ, ಭಾರತೀಯ ಮೂಲದ ಲಿಯೋ ವರ್ದಾಕರ್ (38) ಅವರನ್ನು ಆಯ್ಕೆ ಮಾಡಲಾಗಿದೆ. ಜೂನ್ 13ರಂದು ಸಂಸತ್ ಸಭೆ ಸೇರಲಿದ್ದು, ಅಲ್ಲಿ ಅಧಿಕೃತವಾಗಿ ಘೋಷಣೆ ಆಗಲಿದೆ.
ಲಿಯೋ, ಪ್ರಧಾನಿ ಹುದ್ದೆಗೆ ಏರಿದ ಅತ್ಯಂತ ಕಿರಿಯ ಎಂಬ ಹಿರಿಮೆ ಹೊಂದಿದ್ದಾರೆ. ಜೊತೆಗೆ ದೇಶದ ಮೊದಲ ಸಲಿಂಗಿ ಪ್ರಧಾನಿ ಕೂಡಾ ಹೌದು. ಶುಕ್ರವಾರ ನಡೆದ ಆಡಳಿತಾರೂಢ ಫೈನ್ ಗೇಲ್ ಪಕ್ಷದ ಸಭೆಯಲ್ಲಿ ಲಿಯೋ ಅವರನ್ನು ನೂತನ ಪ್ರಧಾನಿಯನ್ನಾಗಿ ಆಯ್ಕೆ ಮಾಡಲಾಯಿತು. ಇವರು ಹಾಲಿ ಪ್ರಧಾನಿ ಎಂಡಾ ಕೆನ್ನೆ ಸ್ಥಾನವನ್ನು ತುಂಬಲಿದ್ದಾರೆ.
ವರ್ದಾಕರ್ ಅವರ ತಂದೆ ಅಶೋಕ್ ಮುಂಬೈ ಮೂಲದವರು. ಅಶೋಕ್ ಇಂಗ್ಲೆಂಡ್'ನಲ್ಲಿ ನರ್ಸ್ ಆಗಿದ್ದ ಐರ್ಲೆಂಡ್ ಮೂಲದ ಮಿರಿಯಂ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಬಳಿಕ ಕುಟುಂಬ ಐರ್ಲೆಂಡ್ಗೆ ತೆರಳಿತ್ತು. ಲಿಯೋ ಅಲ್ಲಿಯೇ ಹುಟ್ಟಿದ್ದರು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.