ಹುತಾತ್ಮ ಯೋಧ ಕರುನಾಡ ಪುತ್ರ ಮೇಜರ್ ಅಕ್ಷಯ್ ಗಿರೀಶ್ ಕುಮಾರ್ ಅಮರ್ ರಹೇ

ದೇಶ ಸೇವೆಗಾಗಿ  ವಿದ್ಯಾಭ್ಯಾಸವನ್ನು ಅರ್ಧಕ್ಕೆ ಬಿಟ್ಟು ಹೋಗಿದ್ದರು ಅವರು. ಹೆತ್ತವರು, ಹೆಂಡತಿ , ಮಗಳು ಇವರೆಲ್ಲರನ್ನು ಬಿಟ್ಟು  ಕಾಶ್ಮೀರದಲ್ಲಿ  ಕಾವಲಿಗೆ ನಿಂತಿದ್ದರು. ಇಂಥಾ ಮಹಾನ್​ ಯೋಧ ಇಂದು ನಮ್ಮೊಂದಿಗಿಲ್ಲ. ನಿನ್ನೆ  ಕಾಶ್ಮೀರದಲ್ಲಿ  ಉಗ್ರರೊಂದಿಗೆ ಕಾದಾಡಿ ಹುತಾತ್ಮರಾದವರಲ್ಲಿ  ನಮ್ಮ ಬೆಂಗಳೂರಿನ  ಅಕ್ಷಯ್​ ಗಿರೀಶ್​ ಕುಮಾರ್​ ಸಹ ಒಬ್ಬರು.

ಬೆಂಗಳೂರು(ನ.30): ದೇಶ ಸೇವೆಗಾಗಿ  ವಿದ್ಯಾಭ್ಯಾಸವನ್ನು ಅರ್ಧಕ್ಕೆ ಬಿಟ್ಟು ಹೋಗಿದ್ದರು ಅವರು. ಹೆತ್ತವರು, ಹೆಂಡತಿ , ಮಗಳು ಇವರೆಲ್ಲರನ್ನು ಬಿಟ್ಟು  ಕಾಶ್ಮೀರದಲ್ಲಿ  ಕಾವಲಿಗೆ ನಿಂತಿದ್ದರು. ಇಂಥಾ ಮಹಾನ್​ ಯೋಧ ಇಂದು ನಮ್ಮೊಂದಿಗಿಲ್ಲ. ನಿನ್ನೆ  ಕಾಶ್ಮೀರದಲ್ಲಿ  ಉಗ್ರರೊಂದಿಗೆ ಕಾದಾಡಿ ಹುತಾತ್ಮರಾದವರಲ್ಲಿ  ನಮ್ಮ ಬೆಂಗಳೂರಿನ  ಅಕ್ಷಯ್​ ಗಿರೀಶ್​ ಕುಮಾರ್​ ಸಹ ಒಬ್ಬರು.

ಜಮ್ಮು-ಕಾಶ್ಮೀರದ ನಗ್ರೋಟಾ ಉಗ್ರದಾಳಿಯಲ್ಲಿ  ನಿನ್ನೆ ಹುತಾತ್ಮರಾದ 7 ಯೋಧರ ಪೈಕಿ ಬೆಂಗಳೂರಿನ  ಮೇಜರ್​ ಅಕ್ಷಯ್​ ಗಿರೀಶ್​ ಕುಮಾರ್ ಸಹ ಒಬ್ಬರು. 31 ವರ್ಷದ ಮೇಜರ್​ ಅಕ್ಷಯ್​ ಗಿರೀಶ್​ ಕುಮಾರ್​   ಬೆಂಗಳೂರಿನ ಯಲಹಂಕದ  ಗೇಟ್ ಗಾರ್ಡನ್ ನಿವಾಸಿಯಾಗಿದ್ದು , ನಿನ್ನೆ ನಡೆದ ಉಗ್ರರ ಕಾಳಗದಲ್ಲಿ  ದೇಶಕ್ಕಾಗಿ ತಮ್ಮ ಪ್ರಾಣವನ್ನೇ ತೆತ್ತಿದ್ದಾರೆ.

2003ರಲ್ಲಿ  ಬೆಂಗಳೂರಿನ ಜೈನ್​ ಕಾಲೇಜಿನಲ್ಲಿ  ಪಿಯುಸಿ  ವ್ಯಾಸಂಗ ಮಾಡುವಾಗಲೇ ದೇಶ ಸೇವೆ ಮಾಡಬೇಕೆಂಬ ಮಹಾದಾಸೆಯೊಂದಿಗೆ ಸೇನೆಗೆ ಸೇರಿದರು. ಪುಣೆಯಲ್ಲಿ  ಭಾರತೀಯ ಸೇನೆಗೆ ಸೇರಿದ ಅಕ್ಷಯ್ ಗಿರೀಶ್​ ಕುಮಾರ್  , ಮೊದಲಿಗೆ ಚಂಡೀಗಢ ನಂತರ ಕಾಶ್ಮೀರದಲ್ಲಿ  ಸೇವೆಸಲ್ಲಿಸುತ್ತಿದ್ದರು. ನಿನ್ನೆ  ಪಾಪಿ ಉಗ್ರರೊಂದಿಗೆ ಕಾದಾಡಿ ದೇಶಕ್ಕಾಗಿ  ಪ್ರಾಬಿಟ್ಟಿದ್ದಾರೆ.

ಗಿರೀಶ್​ ಕುಮಾರ್​ ಮತ್ತು ಮೇಘನಾ ದಂಪತಿಯ ಪುತ್ರರಾದ ಅಕ್ಷಯ್​ ಗಿರೀಶ್​ ಕುಮಾರ್​ಗೆ, ಅವಳಿ ಸಹೋದರಿಯರಿದ್ದಾರೆ. 5 ವರ್ಷಗಳ ಹಿಂದಷ್ಟೇ ಬಾಲ್ಯದ ಗೆಳತಿ ಸಂಗೀತರನ್ನು ವರಿಸಿದ್ದು, ಇವರಿಗೆ ಎರಡೂವರೆ ವರ್ಷದ ನೈನಾ ಎಂಬ ಹೆಣ್ಣು ಮಗು ಸಹ ಇದೆ.

ಅಕ್ಷಯ್ ತಂದೆ ಗಿರೀಶ್​ ಜೆಟ್​ ಏರ್​ವೇಸ್​'ನಲ್ಲಿ ಪೈಲೆಟ್ ಆಗಿ ಸೇವೆ ಸಲ್ಲಿಸಿದ್ದರು. ಇನ್ನು ಮಗನ ಸಾವಿನ ಸುದ್ದಿ ತಿಳಿಯುತ್ತಿದ್ದಂತೆ ನಿನ್ನೆ ಮಧ್ಯಾಹ್ನವೇ ಕುಟುಂಬ ಕಾಶ್ಮೀರಕ್ಕೆ ತೆರಳಿದೆ. 

ದೇಶಕ್ಕಾಗಿ  ಸೇವೆ ಸಲ್ಲಿಸಬೇಕೆಂಬ ಹಂಬಲದಿಂದ ವಿದ್ಯಾಭ್ಯಾಸವನ್ನು ಅರ್ಧಕ್ಕೆ ಬಿಟ್ಟು  ಭಾರತ ಮಾತೆಯ ಕಾವಲಿಗೆ ನಿಂತ ಬೆಂಗಳೂರಿನ  ಅಕ್ಷಯ್​ ಗಿರೀಶ್​ ಕುಮಾರ್​ ಇಂದು ನಮ್ಮಮೊಂದಿಗಿಲ್ಲ. ಅವರಿಗೊಂದು ಹೆಮ್ಮೆಯ ಸಲಾಂ ಹೇಳೋಣ.