ಪುಲ್ವಾಮಾ ದಾಳಿ: ಉಗ್ರರಿಗೆ ಹಣ ನೀಡಿದ ಆರೋಪ, ಜಮಾತ್​ ಇಸ್ಲಾಂ ನಾಯಕರ ಆಸ್ತಿ ಸೀಜ್

ಪುಲ್ವಾಮಾ ದಾಳಿ ನಡೆದ ಬೆನ್ನಲ್ಲೇ ಕಾಶ್ಮೀರದ ಪ್ರತ್ಯೇಕವಾದಿಗಳ ಆಟಾಟೋಪಗಳಿಗೆ ಕೇಂದ್ರ ಸರ್ಕಾರ ಹಂತ-ಹಂತವಾಗಿ ಬ್ರೇಕ್ ಹಾಕಲು ಮುಂದಾಗಿದೆ.

ನವದೆಹಲಿ, [ಮಾ.2]: ಗಡಿಯಲ್ಲಿ ಪುಂಡಾಟ ನಡೆಸುವ ಕಾಶ್ಮೀರದ ಪ್ರತ್ಯೇಕವಾದಿಗಳನ್ನು ಮಟ್ಟಹಾಕಲು ಕೇಂದ್ರ ಸರ್ಕಾರ ಟೊಂಕ ಕಟ್ಟಿ ನಿಂತಿದೆ.

ಪುಲ್ವಾಮಾ ದಾಳಿ ಬಳಿಕ ಗಡಿಯಲ್ಲಿರುವ ಕಾಶ್ಮೀರಿ ಪ್ರತ್ಯೇಕವಾದಿಗಳನ್ನು ಟಾರ್ಗೆಟ್ ಮಾಡಿರುವ ಕೇಂದ್ರ ಸರ್ಕಾರ, ಎರಡು ದಿನಗಳ ಹಿಂದೆಯಷ್ಟೇ ಜಮಾತ್​ ಎ ಇಸ್ಲಾಂ ಸಂಘಟನೆ ನಿಷೇಧಿಸಲಾಗಿತ್ತು.

ಇದೀಗ ಜಮಾತ್​ ಎ ಇಸ್ಲಾಂನ 70 ನಾಯಕರ ಆಸ್ತಿ ಸೀಜ್​ ಮಾಡಲಾಗಿದೆ. ಸುಮಾರು 4500 ಕೋಟಿ ರೂ.ಅಧಿಕ ಆಸ್ತಿ ಹೊಂದಿರುವ ಶಂಕಿಸಲಾಗಿದ್ದು, ಪುಲ್ವಾಮಾ ದಾಳಿಯ ಉಗ್ರರಿಗೆ ಹಣ ನೀಡಿದ ಆರೋಪ ಮೇಲೆ ಸೀಜ್ ಮಾಡಲಾಗಿದೆ. 

ಅಷ್ಟೇ ಅಲ್ಲದೇ ಸೈನಿಕರ ಮೇಲೆ ಕಲ್ಲು ತೂರುವವರಿಗೂ ಗುಂಡೇಟಿನ ಖಡಕ್ ವಾರ್ನಿಂಗ್ ನೀಡಲಾಗಿದೆ. ಹೀಗೆ ಹಂತ-ಹಂತವಾಗಿ ಕಣುವೆ ಮೇಲೆ ಕೇಂದ್ರ ಸರ್ಕಾರ ನಿಗಾವಹಿಸಿದೆ.