ತೆರಿಗೆ ವಿನಾಯಿತಿಗಾಗಿ ಮನೆಗಳನ್ನು ಬಾಡಿಗೆಗೆ ನೀಡುತ್ತಿರುವವರಿಗೆ ಕಹಿ ಸುದ್ದಿ

ತೆರಿಗೆಯಿಂದ ಬಚಾವ್ ಆಗಲು ಹೊಸ ಮನೆ ಅಥವಾ ಫ್ಲ್ಯಾಟ್ ಖರೀದಿಸಿ ಬಾಡಿಗೆಗೆ ನೀಡುವ ಯೋಚನೆಯಲ್ಲಿದ್ದೀರಾ? ಹಾಗಾದ್ರೆ ವಿತ್ತ ಸಚಿವ ಅರುಣ್ ಜೇಟ್ಲಿ ಮಂಡಿಸಿರುವ ಬಜೆಟ್ 2017-18ರ ಹೊಸ ನಿಯಮವನ್ನು ನೀವು ತಿಳಿದುಕೊಳ್ಳಲೇಬೇಕು. ಇನ್ಮುಂದೆ ನೀವು ಈ ಮೊದಲಿನಂತೆ ಲೋನ್ ಪಡೆದು ತೆರಿಗೆ ವಿನಾಯಿತಿ ಪಡೆಯಲು ಸಾಧ್ಯವೇ ಇಲ್ಲ. ಇದು ಹೇಗಂತೀರಾ ಅಂತೀರಾ? ಹಾಗಾದ್ರೆ ಈ ಸ್ಟೋರಿ ಓದಿ

ನವದೆಹಲಿ(ಮಾ.14): ತೆರಿಗೆಯಿಂದ ಬಚಾವ್ ಆಗಲು ಹೊಸ ಮನೆ ಅಥವಾ ಫ್ಲ್ಯಾಟ್ ಖರೀದಿಸಿ ಬಾಡಿಗೆಗೆ ನೀಡುವ ಯೋಚನೆಯಲ್ಲಿದ್ದೀರಾ? ಹಾಗಾದ್ರೆ ವಿತ್ತ ಸಚಿವ ಅರುಣ್ ಜೇಟ್ಲಿ ಮಂಡಿಸಿರುವ ಬಜೆಟ್ 2017-18ರ ಹೊಸ ನಿಯಮವನ್ನು ನೀವು ತಿಳಿದುಕೊಳ್ಳಲೇಬೇಕು. ಇನ್ಮುಂದೆ ನೀವು ಈ ಮೊದಲಿನಂತೆ ಲೋನ್ ಪಡೆದು ತೆರಿಗೆ ವಿನಾಯಿತಿ ಪಡೆಯಲು ಸಾಧ್ಯವೇ ಇಲ್ಲ. ಇದು ಹೇಗಂತೀರಾ ಅಂತೀರಾ? ಹಾಗಾದ್ರೆ ಈ ಸ್ಟೋರಿ ಓದಿ

ಕೇಂದ್ರ ಸರ್ಕಾರದ ಹೊಸ ನಿಯಮದನ್ವಯ ಹೊಸ ಮನೆಗೆಂದು ತೆಗೆದ ಲೋನ್'ಗೆ ಹೆಚ್ಚೆಂದರೆ 2 ಲಕ್ಷದಷ್ಟು ತೆರಿಗೆ ವಿನಾಯಿತಿ ಪಡೆಯಬಹುದು. ಅಂದರೆ ಒಂದಕ್ಕಿಂತ ಹೆಚ್ಚು ನಿವೇಶನಗಳನ್ನು ಖರೀದಿಸಿ ಹೋಂ ಲೋನ್ ಪಡೆಯಲು ಪ್ರಯತ್ನಿಸಿ, ಆ ಮೂಲಕ ತೆರಿಗೆ ವಿನಾಯಿತಿ ಪಡೆಯಲು ಯತ್ನಿಸುವವರೊಂದಿಗೆ ಸರ್ಕಾರ ಒಪ್ಪಂದ ಮಾಡಿಕೊಳ್ಳಲು ತಯಾರಿಲ್ಲ ಎಂಬುವುದು ಇಲ್ಲಿ ಸ್ಪಷ್ಟವಾಗಿದೆ.   

ಹೊಸ ನಿಯಮದನ್ವಯ ಮೊದಲ ಬಾರಿ ಮನೆ ಖರೀದಿಸುವವರಿಗಷ್ಟೇ ತೆರಿಗೆ ವಿನಾಯಿತಿ ನೀಡಲು ಸರ್ಕಾರ ಯೋಚಿಸಿದೆ. ಈಗಾಗಲೇ ಮನೆ ಹೊಂದಿದ್ದು, ಮತ್ತೊಂದು ಮನೆ ಖರೀದಿಸಿ ಆ ಮೂಲಕ ಬಾಡಿಗೆ ಪಡೆಯಲು ಪ್ರಯತ್ನಿಸುವವರಿಗೆ ವಿನಾಯಿತಿ ನೀಡದಿರುವುದೇ ಕೇಂದ್ರದ ಪ್ಲಾನ್.

ಈ ಮೊದಲು ಬಾಡಿಗೆಗೆ ನೀಡಿದ ತನ್ನ ಆಸ್ತಿಯ ಆಧಾರದಲ್ಲಿ ಪೂರ್ಣ ಪ್ರಮಾಣದ ವಿನಾಯಿತಿ ಪಡೆಯುವ ಸೌಲಭ್ಯ ಮನೆ ಮಾಲಿಕನಿಗಿತ್ತು. ಆದರೆ ಮನೆ ಬಾಡಿಗೆ ಪಡೆಯುವವರು ಮಾತ್ರ ಕೇವಲ 2 ಲಕ್ಷವನ್ನಷ್ಟೇ ಪಡೆಯುವ ಹಕ್ಕು ಹೊಂದಿದ್ದರು.

ಇದೀಗ ಈ ನಿಯಮವನ್ನು ರದ್ದು ಮಾಡಿ ಹೊಸ ಕಾನೂನನ್ನು ಪರಿಚಯಿಸಿರುವ ಕೇಂದ್ರ, ಮಾಲಿಕರು ಕೂಡಾ ಬಾಡಿಗೆ ನೀಡಿದ ಮನೆಯ ಮೇಲೆ ಕೇವಲ 2 ಲಕ್ಷ ವಿನಾಯಿತಿ ಪಡೆಯುವ ಹಕ್ಕು ಹೊಂದಿರುತ್ತಾರೆ. ಅಂದರೆ ಲೋನ್ ಪಡೆದ ವ್ಯಕ್ತಿ ಆ ಮನೆಯಲ್ಲಿ ಖುದ್ದು ತಾನು ವಾಸ್ತವ್ಯವಿದ್ದರೂ ಅಥವಾ ಬಾಡಿಗೆಗೆ ನೀಡಿದರೂ ಕೇವಲ 2 ಲಕ್ಷ ವಿನಾಯಿತಿ ಪಡೆಯಲು ಅರ್ಹನಾಗಿರುತ್ತಾನೆ.