ನಗರದಲ್ಲಿ ಆಟೋರಿಕ್ಷಾ ಮಿತಿಮೀರಲು ಕಾರಣವೇನು? ಬಯಲಾಯ್ತು ಆಟೋ ಪರ್ಮಿಟ್ ದಂಧೆ
ಸಾರಾಂಶ
ಹೀಗೆ ಬಡವರ ಹೊಟ್ಟೆ ಮೇಲೆ ಹೊಡೆದು ಅಕ್ರಮ ಪರ್ಮಿಟ್ ನೀಡುತ್ತಿರುವ ಅಧಿಕಾರಿಗಳ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕಿದೆ. ಅಷ್ಟೇ ಅಲ್ಲಾ ಅಕ್ರಮವಾಗಿ ಪರ್ಮಿಟ್ ಪಡೆದು ಆಟೋ ಚಲಾಯಿಸುತ್ತಿರುವ ವಿರುದ್ಧವೂ ಕಾನೂನು ಕ್ರಮ ಜರುಗಿಸಬೇಕಿದೆ.
ಬೆಂಗಳೂರು(ಡಿ. 04): ನಗರದ ಆರ್'ಟಿಓ ಅಧಿಕಾರಿಗಳ ದಾಖಲಾತಿ ಪ್ರಕಾರ ನಗರದಲ್ಲಿ ಒಟ್ಟು 1.25 ಲಕ್ಷದ ಆಟೋಗಳು ಪರ್ಮೀಟ್ ಪಡೆದಿವೆ. ಆದ್ರೆ,ಅಸಲಿಗೆ ಬೆಂಗಳೂರಿನಲ್ಲಿ ಇರುವ ಆಟೋಗಳ ಸಂಖ್ಯೆ ಎರಡು ಲಕ್ಷಕ್ಕೂ ಅಧಿಕ. ಇದಕ್ಕೆ ಕಾರಣ ಆರ್'ಟಿಓ ಅಧಿಕಾರಿಗಳು ಎಂಬುವುದು ನೇರವಾಗಿ ಕಂಡುಬರುತ್ತೆ. ಇದಕ್ಕೆ ಪಕ್ಕಾ ಸಾಕ್ಷ್ಯ ಸುವರ್ಣನ್ಯೂಸ್'ಗೆ ಲಭಿಸಿದೆ. ನಾರಾಯಣಮ್ಮ ಎಂಬುವವರ ಆಟೋ ಪರ್ಮಿಟ್ ಅವರಿಗೆ ಗೊತ್ತಿಲ್ಲದೆಯೇ ಇನ್ನೊಬ್ಬರ ಹೆಸರಿನಲ್ಲಿ ರಿಜಿಸ್ಟರ್ ಆಗಿರುವ ಪ್ರಕರಣ ಬೆಳಕಿಗೆ ಬಂದಿದೆ.
ಸದ್ಯ, ಒಂದೇ ಪರ್ಮಿಟ್ ಇಬ್ಬರ ಹೆಸರಿನಲ್ಲಿ ಬದಲಾವಣೆ ಮಾಡುವ ಅಕ್ರಮದಲ್ಲಿ ಆರ್'ಟಿಓ ಅಧಿಕಾರಿಗಳು ಶಾಮೀಲು ಆಗಿದ್ದಾರೆ. ಪರ್ಮಿಟ್ ಪಡೆಯುವಾಗ ಒಂದು ಝೆರಾಕ್ಸ್ ಪ್ರತಿ ಆರ್'ಟಿಓ ಅಧಿಕಾರಿಗಳ ಬಳಿ ಇರುತ್ತೆ. ಆ ಪ್ರತಿಯನ್ನ ಆರ್'ಟಿಒ ಅಧಿಕಾರಿ ಬಳಿಯಿಂದ ಪಡೆಯುವ ಖದೀಮರು ಬೇರೋಬ್ಬರ ಹೆಸರಿಗೆ ರಿಜಿಸ್ಟರ್ ಮಾಡಿಸುತ್ತಾರೆ.
ಹೀಗೆ ಬಡವರ ಹೊಟ್ಟೆ ಮೇಲೆ ಹೊಡೆದು ಅಕ್ರಮ ಪರ್ಮಿಟ್ ನೀಡುತ್ತಿರುವ ಅಧಿಕಾರಿಗಳ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕಿದೆ. ಅಷ್ಟೇ ಅಲ್ಲಾ ಅಕ್ರಮವಾಗಿ ಪರ್ಮಿಟ್ ಪಡೆದು ಆಟೋ ಚಲಾಯಿಸುತ್ತಿರುವ ವಿರುದ್ಧವೂ ಕಾನೂನು ಕ್ರಮ ಜರುಗಿಸಬೇಕಿದೆ.
- ಮುತ್ತಪ್ಪ ಲಮಾಣಿ, ಸುವರ್ಣನ್ಯೂಸ್
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.