1 ಕೆಜಿ ಚಹಾ ಬೆಲೆ 40 ಸಾವಿರ : ಏನಿದರ ವಿಶೇಷ

ಈ ಚಹಾ ತಳಿ ಬೆಲೆ ಕೇಳಿದರೇ ದಿಗಿಲುಗೊಳ್ಳುತ್ತೀರಿ. ಏಕೆಂದರೆ 1 ಕೆ.ಜಿ. ಚಹಾ ತಳಿ ಬರೋಬ್ಬರಿ 40 ಸಾವಿರ ರು.ಗೆ ಮಾರಾಟವಾಗುವ ಮೂಲಕ ಹೊಸ ದಾಖಲೆ ಬರೆದಿದೆ.

ಗುವಾಹಟಿ: ಪ್ರಸಿದ್ಧ ಕಂಪನಿಗಳ ಒಂದು ಕೆ.ಜಿ. ಚಹಾ ಪುಡಿ ಮಾರುಕಟ್ಟೆಯಲ್ಲಿ 500 ರು. ಒಳಗೇ ಸಿಗುತ್ತದೆ. ಆದರೆ ಅರುಣಾಚಲಪ್ರದೇಶದ ಈ ಚಹಾ ತಳಿ ಬೆಲೆ ಕೇಳಿದರೇ ದಿಗಿಲುಗೊಳ್ಳುತ್ತೀರಿ. ಏಕೆಂದರೆ 1 ಕೆ.ಜಿ. ಚಹಾ ತಳಿ ಬರೋಬ್ಬರಿ 40 ಸಾವಿರ ರು.ಗೆ ಮಾರಾಟವಾಗುವ ಮೂಲಕ ಹೊಸ ದಾಖಲೆ ಬರೆದಿದೆ.

ಗುವಾಹಟಿ ಚಹಾ ಹರಾಜು ಕೇಂದ್ರದಲ್ಲಿ ಗುರುವಾರ ನಡೆದ ಪ್ರಕ್ರಿಯೆ ವೇಳೆ ಗೋಲ್ಡನ್ಸ್‌ ನೀಡಲ್ಸ್‌ ಎಂಬ ಹೆಸರಿನ ಈ ಚಹಾ ತಳಿ ಕೆ.ಜಿ.ಗೆ 40 ಸಾವಿರ ರು.ನಂತೆ ಮಾರಾಟವಾಗಿದೆ. ಅರುಣಾಚಲಪ್ರದೇಶದ ಡೊನ್ಯಿ ಪೊಲೋ ಟೀ ಎಸ್ಟೇಟ್‌ನಲ್ಲಿ ಬೆಳೆದ ಚಹಾ ಇದಾಗಿದೆ. ಕಳೆದ ತಿಂಗಳಷ್ಟೇ ಅಸ್ಸಾಂನ ಚಹಾ ತಳಿಯೊಂದು ಕೆ.ಜಿ.ಗೆ 39,001 ರು.ನಂತೆ ಮಾರಾಟವಾಗಿತ್ತು.

ವಿಶೇಷ ಏನಿದೆ?:

ಗೋಲ್ಡನ್‌ ನೀಡಲ್ಸ್‌ ತಳಿಯ ಚಹಾದಲ್ಲಿ ಸಣ್ಣ ಚಿಗುರು ಇರುತ್ತದೆ. ಅದನ್ನು ಅತ್ಯಂತ ಕಾಳಜಿಯಿಂದ ಕೀಳಲಾಗುತ್ತದೆ. ಅದರ ಎಲೆಗಳು ಚಿನ್ನದ ಬಣ್ಣದ ಲೇಪನ ಹೊಂದಿರುತ್ತವೆ. ಮೃದುವಾಗಿದ್ದು, ಹೊಳೆಯುತ್ತಿರುತ್ತವೆ. ಇದರಿಂದ ಚಹಾ ತಯಾರಿಸಿದಾಗ ಅದು ಹೊಳಪಿನ ಚಿನ್ನದ ಬಣ್ಣವನ್ನು ನೀಡುತ್ತದೆ. ಸಿಹಿಯಿಂದ ಕೂಡಿದ್ದು, ಅತ್ಯುತ್ತಮ ಸುವಾಸನೆ ಹೊಂದಿರುತ್ತದೆ.

ಪ್ರಕೃತಿ ಒಲಿದು, ಚಹಾ ಬೆಳೆಯುವ ನೈಪುಣ್ಯತೆ ಇದ್ದರೆ ಮಾತ್ರ ಇಂತಹ ತಳಿಗಳನ್ನು ಬೆಳೆಯಬಹುದು ಎಂದು ಅಸ್ಸಾಂ ಚಹಾ ವ್ಯಾಪಾರಿ ಲಲಿತ್‌ ಕುಮಾರ್‌ ಜಲಾನ್‌ ತಿಳಿಸಿದ್ದಾರೆ.

ಅರುಣಾಚಲ ಪ್ರದೇಶದ ವಿಶಿಷ್ಟತಳಿಯ ಚಹಾ ವಿಧವೊಂದು ದಾಖಲೆ ಬೆಲೆಗೆ ಮಾರಾಟವಾಗಿದೆ. ಗುವಾಹತಿ ಚಹಾ ಹರಾಜು ಕೇಂದ್ರದಲ್ಲಿ ನಡೆದ ಅಸ್ಸಾಂ ಚಹಾ ವಿಧಗಳ ಹರಾಜಿನಲ್ಲಿ ಒಂದು ಕೆ.ಜಿ. ಗೋಲ್ಡನ್‌ ನೀಡಲ್ಸ್‌ ಚಹಾ 40,000 ರು.ಗೆ ಮಾರಾಟವಾಗಿ, ಜಾಗತಿಕ ದಾಖಲೆ ರೂಪಿಸಿದೆ. ಅರುಣಾಚಲ ಪ್ರದೇಶದ ಡೋನಿ ಪೋಲೊ ಚಹಾ ಎಸ್ಟೇಟ್‌ನ ಗೋಲ್ಡನ್‌ ನೀಡಲ್ಸ್‌ ಚಹಾ ಗುವಾಹತಿಯ ಅತ್ಯಂತ ಹಳೆಯ ಟೀ ಅಂಗಡಿಗಳಲ್ಲಿ ಒಂದಾದ ಅಸ್ಸಾಂ ಚಹಾ ಟ್ರೇಡ​ರ್‍ಸ್ ಈ ಚಹಾ ಖರೀದಿಸಿದೆ. ಈ ಚಹಾ ವಿಧ ಸಣ್ಣ ಚಿಗುರುವಿನದ್ದಾಗಿದ್ದು, ಇವುಗಳನ್ನು ಅತ್ಯಂತ ಜಾಗೃತೆಯಿಂದ ಕೀಳಲಾಗುತ್ತದೆ. ಇವುಗಳಿಗೆ ಚಿನ್ನದ ಬಣ್ಣ ಲೇಪಿತವಾಗಿದ್ದು, ತುಂಬಾ ಮೃದುವಾಗಿದೆ. ಇದರಿಂದ ತಯಾರಾಗುವ ಲಿಕ್ಕರ್‌ ಶುಭ್ರ ಚಿನ್ನದ ಬಣ್ಣವಿರುತ್ತದೆ ಮತ್ತು ಸಿಹಿಯಾದ ರುಚಿಯಿರುತ್ತದೆ, ಹೆಚ್ಚು ಪರಿಮಳಯುಕ್ತವಾಗಿರುತ್ತದೆ.