ಇನ್ನೊಂದು ಭಾರೀ ಬ್ಯಾಂಕ್ ಹಗರಣ ಬಯಲಿಗೆ!

ಯೂನಿಯನ್ ಬ್ಯಾಂಕ್’ಗೆ ಕೋಟ್ಯಾಂತರ ರೂ. ವಂಚನೆ ಟೋಟೆಮ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ ಎಂಬ ಹೈದರಾಬಾದಿನ ಖಾಸಗಿ ಕಂಪನಿಯಿಂದ ವಂಚನೆ

ಹೈದರಾಬಾದ್: ನೀರವ್ ಮೋದಿ ಬ್ಯಾಂಕ್ ಹಗರಣ ಬಯಲಾದ ಬೆನ್ನಲ್ಲೇ ಬೇರೆ ಬೇರೆ ಬ್ಯಾಂಕುಗಳಲ್ಲಿ ನಡೆದ ಹಗರಣಗಳು ಬಯಲಿಗೆ ಬರುತ್ತಿವೆ.

ಇದೀಗ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ನಡೆದ ಹಗರಣವೊಂದು ಹೊರಬಿದ್ದಿದೆ. 

ಟೋಟೆಮ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ ಎಂಬ ಹೈದರಾಬಾದಿನ ಖಾಸಗಿ ಕಂಪನಿಯೊಂದು ಬ್ಯಾಂಕಿಗೆ ₹313.84 ಕೋಟಿ ವಂಚಿಸಿರುವ ಬಗ್ಗೆ ಸಿಬಿಐ ಪ್ರಕರಣ ದಾಖಲಿಸಿದೆ. ಇದನ್ನು 30 ಜೂನ್ 2012 ರಂದು ಎನ್’ಪಿಏ ಎಂದು ಘೋಷಿಸಲಾಗಿತ್ತು ಎಂದು ತಿಳಿದು ಬಂದಿದೆ.  

ಒಟ್ಟು 8 ಬ್ಯಾಂಕುಗಳಿಗೆ 1394.43 ಕೋಟಿ ಹಣವನ್ನು ಸಾಲ ಬಾಕಿಯಿದೆಯೆಂದು ಹೇಳಲಾಗಿದೆ.

ಕಂಪನಿಯ ನಿರ್ದೇಶಕರಾಗಿರುವ ಟೋಟೆಂಪುಡಿ ಸಲಲಿತ್ ಹಾಗೂ ಟೋಟೆಂಪುಡಿ ಕವಿತಾ ವಿರುದ್ಧ ಸಿಬಿಐ ಪ್ರಕರಣ ದಾಖಲಿಸಿದೆ.